11 landare ekoizle elkartuko dira 

Datorren larunbatean, hilak 22, Lore eta landareen II. azoka egingo da Ordiziako Plaza Nagusian, 09:00etatik 14:00etara bitartean. Ordiziako Udalak eta Landare Azokak elkarteak antolatu dute ekimen hori. Denera 11 landare ekoizle elkartuko dira, horietatik bi Goierrikoak: Aritz Urretabizkaia (Arama) eta Iñaki Azanza (Zaldibia-Ordizia).

Era askotako landare eta osagarriak ikusi eta erosi ahalko dira larunbateko azokan: garaiko landareak, dekoraziokoak, kaktusak, bonsaiak, sukaldaritzan erabiltzekoak, usain-belarrak, fruitu arbolak eta baita ekoizpen ekologikokoak ere. Osagarri eta lorontziei dagokionez, besteak beste, upelekin egindako lorontziak egongo dira salgai, forma eta neurri ezberdinetakoak.

Parte hartzaileak

• Cactus Islaya (Errenteria)
• Irun Bonsai (Irun)
• Urtinea lorategia (Usurbil)
• Aranburu haztegiak (Aginaga)
• Blasenea haztegi ekologikoak (Zarautz)
• Viveros El Montañes (Tafalla)
• Lurberry (Zarautz)
• Zunoyar lorategia (Oiartzun)
• Aritz Urretabizkaia (Arama)
• Jardineras Biribay (Logroño)
• Iñaki Azanza (Zaldibia-Ordizia)

Info +: http://landare-azokak.blogspot.com.es/search/label/ordizia