Coronavirusaren hedapena sahiesteko helburuz, eta Osasun Sailak emandako gomendioei jarraituz, Ordiziako Udalak Zuhaizti Zentroa behin-behinean ixtea erabaki du.

Ordiziako Udalak hainbat prebentzio neurri hartuko ditu Coronavirusa dela eta. 

1) Ostegunero egiten den Goazen Ordizia ekimena ez da aterako.
2) Zuhaizti zentroan aurreikusita zeuden ekitaldi bereziak bertan behera geldituko dira, oinarrizko segurtasun neurriak betetzea bermatzen ez dutenak. San Jose eguneko bazkaria eta asteburu honetako jaialdia dira horiek. Gainerako ekintzan banan bana aztertzen joango gara, dituzten ezaugarrien arabera arrisku mailen baitan erabakitzeko.

Ekintzetan metro t´erdiko distantzia mantentzea, espazio itxietan beti pertsona berdinekin egotea etab. bermatzea beharrezkoa da Coronavirusaren prebentziorako. Beti ere, kontuan izanda helduenak direla arrisku talderik ahulena. Horregatik, katarro edo antzeko sintomarik somatzen duten herritar guztiei deia zabaltzen diegu etxean gera daitezen. 

Eusko Jaurlaritzaren web-orrian informazio gehiago: https://www.euskadi.eus/covid-19-koronabirus-berria/

Ordiziako Udalak honakoa jakinarazi du hedatzen ari den Coronavirusaren inguruan:

1.- Ez gaude arrisku gune batean, oraingoz, beraz arduraz jokatu baina asaldatu gabe.

2.- Eskuak sarri garbitu, aurpegia ez ukitzen saiatu, lexia edo alkoholarekin garbitu eta desinfektatu, batez ere, pertsona ezberdinek ukitzen dituzten gailuak, eta gelak ondo aireztatu.

3.- Eztula egiterakoan ahoa estali, ahal dela zapiak erabili, eta ondoren zapi horiek bota.

4.- Sukarra eta arnasteko arazoak bazenitu, geratu etxean, ez joan ekitaldi jendetsuetara, eta ezta mediku-etxera ere. Deitu 900 20 30 50 zenbakira, eta bertan adieraziko dizkizute jarraibideak.

5.- Arrisku eremu batera bidaiatu baduzu https://www.mscbs.gob.es/eu/profesionales/saludPublica/ccayes/alertasActual/nCov-China/areas.htm , edo positibo eman duen pertsonaren batekin harremanik izan badituzu, proba egiteko laginak hartuko dizkizute. Gainontzean, ez ahaztu, katarroa edo gripe arrunta ere izan dezakezula.

6.- Oraingoz protokoloak ezarri diren gune bakarrak San Jose egoitza eta Eguneko Zentroa dira, arrisku handiago duten adin tarteak haurrak eta helduak direnez, euren arteko harremanak ematen diren ekitaldiak bertan behera uztea erabaki da. Era berean, eskuak garbitzeko gel bereziak jarri dira.

7.- Jarraitu Osasun Publikotik eguneratzen doazen albisteak.

8.- Argibide gehiago eskuratu nahi badituzu: http://www.euskadi.eus/koronabirus-berriaren-aurrean-euskadin-jarduteko-informazioa-eta-gomendio-orokorrak/web01-a2gaixo/eu/