Majori kiroldegiko kanpoko igerilekua berritzeko lanak martxan dira. Astelehenean hasi ziren obrak, antzemandako ur galera konpontzeko lehen fasearekin. Lanketa hau irailean hasitako azterketa teknikoaren ondorio da.

Lanek bi fase izango dituzte: lehenengoan, ur galera konponduko da; eta bigarrenean, irailetik aurrera, kanpoko igerileku osoa berrituko da. Igerileku txikia eta handia elkartuko dira, belardia handitu egingo da eguzkia hartzeko gune gehiago sortuz, eta igerileku handiaren sakonera berdindu egingo da, 50 metroko luzera mantenduta.

Aurrerago, Majori barruko igerilekua eta aldagelak ere berritzea aurreikusten da. Udalak herriko eragileekin elkarlanean jarraitzen du, etorkizunera begira Ordiziak kalitatezko kirol azpiegiturak izan ditzan.