Udaleku irekietarako izen ematea, zabalik

Aurtengo urtean, 2010 eta 2016 urte bitartean jaiotako haurrentzat Ordiziako udaleku irekiak eskainiko dira, ekainaren 21etik uztailaren 16ra bitartean. Astelehenetik ostiralera eskainiko da zerbitzua, 10:00etatik 13:00etara bitartean.

Izen ematea apirilaren 19tik 30era egongo da zabalik, eta plaza mugatuak izango dira, beraz, behar izanez gero, zozketa egingo da. Haur zerrenda osatzeko lehentasuna izango dute: egoera zaurgarrian dauden familiek, guraso bakarreko familiek, eta bi gurasoak edo tutoreak lanean dituzten familiek.

Prezioari dagokionez, 85eurokoa izango da arrunta, anai-arreba gehiago izanez gero matrikulatuta 75 euro bigarrenetik aurrera. DBE edota bestelako gizarte laguntzak jasotzen dituztenentzako prezioa 18 eurokoa izango da.

Izen-ematea

1) ordizia.eus web orrian, Udal Tramiteak atalean, Herritarren ataria – eskaera orokorra. (https://labur.eus/cCixs) Bertako eranskinean eskuorri hau beteta gehitu beharko da.

2) Eskuorria bete, eta Ordiziako Udaleko arreta bulegoan (08:00-13:30), edo Gazteria bulegoan (astearte eta ostegunetan, 16:00-18:00) entregatu.

Plaza lortu dutenen zerrenda maiatzaren 10eko astean argitaratuko da Ordiziako Udalaren web orrian. Behin betiko izen-ematea maiatzaren 17tik 26ra egingo da (plaza lortu dutenei aurkeztu beharreko dokumentazioa bidaliko zaie).