Image
Image

NEPALI LAGUNTZEKO DEIA EGIN DUTE ORDIZIAN

2015 05 07 nepalLurrikararen kaltetuei diru-laguntza bideratzeko bi kontu korronte ireki dira

Ordiziako udal korporazio osatzen duten hiru alderdietako (EH Bildu, EAJ eta PSE-EE) bozeramaileek, Pedro Garcia Ordiziako mendigoizaleak eta Goierrin bizi den nepaldar talde batek lurrikarak astindu duen herrialde hartara laguntza bideratzeko deia egin zuten atzo arratsaldean Barrenan. Diru premia ez ezik, laguntza humanitario eta morala ere beharrezkoa dela adierazi zuten. Sendagaiak eta elikagaiak dira lehen beharrak. Diru-laguntza bideratzeko bi kontu korronte ireki dira, bat Kutxabanken eta Laboral Kutxan bestea.

NEPALGO LURRIKARA DELA ETA, DIRU-BILKETA ORDIZIAN

2015 04 29 nepalBildutako dirua Nepalgo herrietan bizi diren biztanleei elikagaiak eta botikak banatzeko erabiliko da

Nepalen gertatutako lurrikara dela eta, Ordiziako eta Goierriko nepaldarrak diru bilketa bat egiten ari dira. Diru hori Nepalgo herrietan bizi diren biztanleei elikagaiak eta botikak banatzeko da. Nazioarteko diru laguntza hiriburuetara iristen denez, Goierriko nepaldarrek herrietan lan egiten duten erakundeekin harremanetan jartzen saiatzen ari dira dirua hara bidaltzeko. Datozen egunetan kontu korrente zenbaki bat irekiko da dirua bertan biltzeko. Gaur Ordiziako azokan jarri dira laguntza eske eta "harrera oso ona" jaso dutela azaldu dute parte-hartzaileek.

KIDE UGARIKO FAMILIEI ZUZENDUTAKO HITZALDIA BARRENAN

2015-04-15 hirukideDatorren asteartean, hilak 21, izango da saioa, 18:00etan, eta Ordiziako zein inguruko herrietako familiek har dezakete parte

Hirukidek, Euskadiko Kide Ugariko Familien Federazioak, Ordiziako eta inguruko udalerrietako kide ugariko familiak gonbidatu nahi ditu datorren asteartean, hilak 21, Barrena kultur etxean egingo duen aurkezpenera. Saio horren helburua elkartea garatzen ari den lanaren berri ematea, dituen zerbitzuak eskaintzea eta familien beharrak ezagutzea da. Aurkezpena 18:00etan hasiko da, eta ordu eta erdi iraungo du.

AURKEZPEN KARTELA (PDF)

ORDIZIA LAGUNKOIA-REN DIAGNOSTIKOA ETA 2015ERAKO PLANGINTZA

2015-02-10 lagunkoiaOinezko ibilbideak eta 0-100 parkea, establezimendu lagunkoia, auzokoa lagun eta denboraren bankua jarriko dira martxan aurten

Ordiziako Udalak eta Matia instititutuak Ordizia Lagunkoia ekimenaren diagnostikoa eta 2015ari begira dagoen ekintza plana aurkeztu dute, atzo arratsaldean Barrenan egin zen ekitaldi batean. Galde-sorta baten bidez egindako diagnostikoaren arabera, Ordizia, orokorrean, herri atsegina, garbia eta zarata gutxikoa dela  aipatzen dute herritarrek, eta herriari buruzko iritzia ona izan arren, hobetzeko proposamen asko egin dituzte. Ekimen honi lotuta, lau proiektu jarriko dira martxan aurten Ordizian.

logo ordizia bizi herria

Image
Image
Image