Arratsaldeko 19:30etan Pleno Aretoan

Auzitegi mediku, antropologo, espeleologo, ikertzaile eta irakaslea den Paco Etxeberria Gabilondok "Exhumando fosas recuperando dignidades" hitzaldia eskainiko du ostiralean Pleno Aretoan arratsaldeko 19:30etan. Gune arkeologikoetan, gorpu ateratze ugaritan eta ikertzaile lanetan aritutakoa da Etxeberria. Napoleoandar Gerretako soldaduen gorpuen eta Espainiako Gerra Zibileko fusilatuen gorpuen ateratze lanei ikuspegi zientifikoa ematen jardun du, baita Lasa eta Zabalaren gorpuak identifikatzen eta 2011 urtean eraildako Ruth eta Jose haurren hezurrak hautematen ere. 2006an Gipuzkoako Giza Eskubideak saria eman zion Gipuzkoako Foru Aldundiak.