Emozioak hartuko du udalerria urteko egunik esanguratsuenean

Datorren asteazkenean, hilaren 7an, Ordiziako Euskal Jaietako azoka berezia ospatuko da. Aurreko urteetan bezala, egitaraua oparoa izango da; besteak beste latxa edo Karrantzako ardiaren esne gordinez egindako gazta-lehiaketa egingo da. Oraingo honetan ere, Ordiziako azokan giro aparta izango dugu, eta goiz osoan zehar era guztietako lehiaketak, erakusketak eta enkanteak ikusi ahal izango ditu bisitariak.

Horiek denak aurkeztu dituzte gaur Donostian Jose Miguel Santamaria alkatearekin batera, Ainhoa Aizpuru, Ekonomia Sustapena, Landa Ingurunea eta Lurralde Orekako diputatuak; Peli Manterola, Eusko Jaurlaritzako Elikagaien Kalitate eta Industriako zuzendariak; Jose Juan Csatillo, epaimahaiaren ordezkariak; Miriam Molina, Idiazabal Jatorri Izendapeneko gerenteak eta Mikel Mendarte, Kutxa Kulturreko zuzendariak.

Alkateak, herritarren emozioa, jaiaren eta asteroko azokaren balioak goraipatu ditu, lehenengo sektorearen lana erakusleihoan jartzen baitu eta turismoa aldetik eta geroz eta bisitari gehiago jasotzen baititu. Hala, ‘gure altxorra’ zaintzen segitzeko konpromisoa berretsi du.

Irailaren 1etik 11ra luzatuko dira ekitaldiak

Ostiralean emango dira ezagutzera aurtengo Euskal Jaien inguruan hainbat xehetasun. Ekintzak ordea hastera doaz. Hemen programa:

Irailak 1, osteguna

Arratsaldeko 18:30etan: D’ Elikatuz gunean, Mikel Garaizabal Enologoaren eskutik eta Haziren lankidetzarekin Arabar Errioxako Ardo eta olioen dastaketa gidatua. Izen-ematea D´elikatuzen edo  943882290 zenbakian.

Irailak 2, ostirala

Arratsaldeko 19:00etan: Barrena Kultur Etxean, Ordizia Kirol Elkartearen 75. urteurrenaren barruan “Urdinak” dokumentalaren aurkezpena Iñaki Luzarragaren eskutik.

Irailak 3, larunbata

“EMANEURRE EUSKARARI!” EGUNA.Antolatzailea: Emaneurre taldea.

11.00-13.30 Koadrilen arteko herri kirol txapelketa

14.30 Herri bazkaria (frontoi txikian)

Gaueko 23:00etan: Plaza Nagusian dantzaldia GOZATEGI taldearekin eta Amets Bide Dantza taldearekin.

Iritziak jasotzeko abuztuaren 7ra arte on-line galdeketa prest da

Aktibo da iada Ordiziako udal web gune honetan, www.ordizia.eus atarian hain zuzen, Santa Ana jaien inguruan herritarrek duten iritzia jakiteko galdeketa. Berrikuntza gisa aurkeztu zen festen atarian eta abuztuaren 7ra arte egongo da zabalik iritzia emateko aukera. Bestalde, Udalak lehen balorazio orokorra egin du jaien inguruan eta oso positiboa da, nahiz eta hobetzeko aspektu batzuk antzeman.  

Galdeketara sartzeko “Ordizia hobetzen” bannerrean klik egin behar da. Amaitutako festen inguruko iritzia emateaz gain, 2017ko programarako iradokizunak eman ahal izango dira.

Koadrillekin soinua, ibilgailuen erabilera eta espazioen okupazioa era antolatuagoan moldatzeko hobekuntzak adostu dira

Jose Miguel Santamaria Ordiziako alkateak, Arantxa Fernandez jaietako zinegotziak eta programan jasota dauden ekimenak antolatzen dituzten elkarteetako ordezkari batzuek  aste honetan hasiko diren Santa Ana jaiak aurkeztu dituzte.  Betiko edo ohiko ekimenez gain berrikuntzak ere egongo dira, besteak beste, barraka eremuaren eta bigantxa-plazaren kokaleku aldaketa eta 24ko danborrada udaletxeko balkoitik jarraitzeko aukera.  Udal ordezkariek azpimarratu dute kuadrillen partaidetza hobetzeko koadrillekin egin duten lana eta aurreratu dute galdetegi bat zabalduko dela jaien inguruan ordiziarrek duten iritzia ezagutzeko.  Txupinazoa Ordizia Kirol Elkarteak botako du hilaren 24ean 12:00etan.