OSTIRAL HONETAN FECOGAko KOFRADIEN PRODUKTUEN AZOKA BEREZI BERRIA EGINGO DA

Larunbatean Ordiziako Idazabal Gaztaren kofradiak kapitulu berezia ospatuko du ohorezko kide berriak izendatuz

Ordiziako Idaizabal Gaztaren kofradiak bere  XXIX. kapitulua ospatuko du larunbatean. Urtean behin egiten duen ekitaldia aprobetxatuz,  Ordiziako hiribilduaren sorreraren 750. urteurrenarekin bat egingo du aparteko ekintza antolatuz Ordiziako Udalaren eta FECOGAren  lankidetzarekin: ostiralean egingo den FECOGAko Kofradien produktuen azoka berezia.

Plaza Nagusian hamasei kofradiek euren produktua jarriko dute ikusgai, 18:00etatik 21:00era, pintxoak ere eskainiz produktua dastatzeko. Ordiziako Idazabal gaztaren krofradia, Basoak ardoak eta Tximistako sagardoaz gain, honako kofradiak etorriko dira Ordiziara:

HOTEL BAT ERAIKITZEKO FILIPINAK 6 KALEKO UDAL PARTZELA SALGAI JARRI DA

Iniziatiba adosteko eta Plan Berezia eta baldintza plegua onartzeko prozesua 2016ean hasi zen

Ordiziako Udalak Filipinak kaleko 6. zenbakiko lur-zatia salduko du horretan hotel bat eraikitzeko. Lehiaketako baldintza-agiria astelehen honetan (maiatzaren 21a) eman da argitara Gipuzkoako Aldizkari Ofizialean, eta lehiaketan interesa duten pertsona edo entitate juridikoek hamabost eguneko epean, ekainaren 5erako, aurkeztu beharko dute eskaintza. Jose Miguel Santamariak (alkatea) eta Jose Ignacio Iturriotzek (Garapen Ekonomikoa, zinegotzia) une honetara iristeko ibili den bide luzearen berri eman dute, eta pozik agertu dira lursail hau balorean jarri y udalerrirako beharrezkoa den zerbitzua, hotela, izatea ahalegintzeagatik.

Proiektu horretarako erabiliko den lurzatia udalarena da 1955eko uztailaz geroztik.Lur-zatiaren barruan dago garai batean osasun-zentroa eta gerora Gaztetxea izan zen eraikina.Hutsik dago, eta ez zaio erabilerarik eman 2012az geroztik, beharrezkoak diren segurtasun- eta bizigarritasun-baldintzak betetzen ez dituelako, eraikinaren egoera zein zen orduan kontratatutako enpresa batek egindako txosten teknikoaren arabera.

Lur-zatia etxebizitzarako bideratuta zegoen.'Alabaina, hotel bat eskaintzeko aukera ikusi genuen, konpondu beharreko kontu bat hori; izan ere, paradoxikoa da halako baliabiderik ez edukitzea turismo-merkatuan leku bat izan nahi dugunean, eta Gipuzkoako hotel-jarduerak hazkuntza nabarmena izan duenean, Donostiak duen asetasunaren ondorioz. Baliatu beharreko aukera dugu hori. Horregatik, gaztetxea izandako lursailean hotel bat egiteko aukera proposatu zitzaion gobernu-batzordeari', adierazi die alkateak hedabideei.  

Partzela besterentzeko aldeko txosten juridikoa eta  erabilera aldatzeko Plan Berezia

UDALAK ETA ORDIZIAN ELKARTEAK ELKARLANERAKO HITZARMENA BERRITU DUTE

2021 urtera arte betebehar eta konpromisoak jaso dira

Ordiziako Udalak eta ORDIZIAN elkarteak, bi alderdientzat betebehar eta konpromiso desberdinak jasotzen dituen lau urtetarako (2018-2021) elkarlan hitzarmen berria sinatu dute, adostutako ekintza eta proiektuen garapena baimendu eta markatutako helburuak lortzearen aldeko elkarlan estu baten bila.

Udalak eta Elkarteak herriko merkataritza sektorea bultzatu eta hau indartzeko baliagarria den asoziazionismoa sustatzeko elkarlanean dihardute. Honetarako eta bi aldeen arteko elkarlanetik herriko Merkataritza biziberritzeko plan berezia garatu zen eta Merkataritzako II. Plana landu zen. Hauen bitartez ondorio nagusiak atera dira eta hitzarmen berri hau sinatu da sektorearen ahultasun eta mehatxuei aurre egiteko, baita antzeman eta jasotako sendotasun eta aukerak indartu eta aprobetxatzeko.

Helburu nagusiak

Ordiziako Udalak eta ORDIZIAN elkarteak markatutako helburu nagusien artean ondorengoak nabarmentzen dira:

IDIAZABAL GAZTA BERRIA SEVILLAN MOZTU DA

Joxe Mari Goenagak ‘zinea’ erabili du gazta moztu eta Andaluziatik bere agurra Ordiziara bidaltzeko, hartu behar zuen hegaldia bertan behera geratu eta gero

"Idiazabal gazta, gure paisaien esentzia’ hitzekin egin dio harrera gazta berriari  Joxe Mari Goenaga zinemagile ordiziarrak Idiazabal gazta berriari. Ezin izan du  Ordiziako udaletxeko batzar aretoan egon, atzo Sevillan hartu behar zuen hegaldia bertan behera geratu baitzen. Baina gidoia berehala prestatuta, Sevillan bertan ‘sinbolikoki’ gazta mozten bideoa grabatuta bidali du. Bere gurasoak eta ‘Handia’ filmako Joseba Usabiaga, Iñaki Gomez eta Iñigo Aranburu ordezkariak egon dira ekitaldian.  Bere amak, Izaskun Balerdik, eta Joseba Usabiaga aktoreak moztu dute gazta berria Ordizian Goenagaren izenean.

Artzain Egunaren baitan beste behin antolatu den jai honetan Idiazabal Jatorri izendapeneko erregulartasun sariak ere eman dira. 2017 urteko Erregulartasun-kalitate sariak Makatza Gaztarekin Legazpiko Aitor Mantxolak eta Udabeko Dorrea Gaztandegi nafarrak jaso dituzte.