IPIÑABURUK IRABAZI DU “ORDIZIA TXAPELDUN” XXX. GAZTA LEHIAKETA

Bigarren saria Mausitxak eraman du eta Remirok hirugarrena

Asteazken honetan Ordizia Txapeldun gazta lehiaketaren XXX. ekitaldia ospatu da Ordiziako Plaza Nagusian. Aurtengoan Ipiñaburu Gaztandegiko Jon Etxebarria eta Puy Arrieta  izan dira irabazle.Txapeldunen txapeldunaren XXX. ekitaldia azken hamar urteetako (2008tik 2017ra) irabazleak lehiatu dira haien artean. Ekitaldia Ordiziako Idiazabal Gaztaren kofradiak eta Udalak antolatu dute, Idiazabal Jatorri Izendapenaren laguntzaz.

Honako gaztagileak aritu dira lehian gaurkoan: 2009ko  irabazle Jesus Ansola Juaristi (Mausitxa baserria-Elgoibar); 2010eko irabazle J. Aranburu Elkartea (Idiazabal); 2008, 2011 eta 2013ko irabazle Ricardo Remiro Aguirre (Eulate), 2014ko irabazlea Ondarreko Karmele Murua (Segura), 2012 eta 2015ean irabazle izan den Jon Etxebarria (Zeanuri), 2016ko irabazlea izan zen Joseba Insausti (Ordizia) eta aurtengo irabazlea, Jose Luis Odriozola (Aia).

Ongorengoa izan da azken sailkapena:

OSTIRALEAN ETA LARUNBATEAN, STOCK ETA KALE AZOKAREN TXANDA

Ordizian elkarteko 16 saltoki irtengo dira kalera XIV. edizio honetan

Ordizian merkataritza, ostalaritza eta zerbitzu elkarteak, Ordiziako Udalaren laguntzarekin, XIV. Stock eta Kale-Azoka antolatuko du aste honetan, irailaren 22 eta 23an. Ekimen honetan bi ekintza egingo dira: Stock azoka plaza Nagusian eta  Kale-azoka herriko kaleetan, produktuak saltokien aurrealdean aurkezturik. Stock gunean txikientzat haur txokoa eskainiko da puzgarri eta beste aukerekin.

XIV. Stock azoka Plaza Nagusian antolatuko da eta Kale-azoka lagun izango du dendarien produktuak saltokien atarietan aurkeztuz. Dendari eta herritarrentzat erreferente bihurtu den ekintza hau ostirala eta larunbatean goiz eta arratsaldez antolatuko da beste behin.

KALERA IRTEN DA ORDIZIAN ELKARTEA

Lokala estreinatu du sektorea bultzatu eta merkatari, ostalari, bezero eta herritarrekin komunikazioa hobetzeko

ORDIZIAN Merkataritza, Ostalaritza eta Zerbitzu enpresen elkarteak, Ordiziako Udalarekin elkarlanean, Santa Maria kalea 21ean kokatutako bere bulego berria aurkeztu du. Pauso hau, herriko merkataritza sektoreari eta ORDIZIAN elkarteari bereziki protagonismoa emateko baliagarria izango da, merkatari, bezero eta herritarrei orokorrean gertuagoko zerbitzu zuzenago bat emateko.

ORDIZIAN elkartearentzat merkataritza bulego berria izatera pasako da Santa Maria 21eko lokal komertziala, azken etapa honetan D´elikatuz zentroko bigarren solairuan kokatuta egon den bulegoa.

MEC 2017 MERKATARITZA-SALTOKIAK MODERNIZATZEKO LAGUNTZETAKO DEIALDIA EGIN DA

Eskaerak egiteko epea uztailaren 17ra arte dago zabalik

Ordiziako Merkataritza Udal bulegoak jakin arazten du Eusko Jaurlaritzako Turismo, Merkataritza eta Kontsumoa sailak Merkataritza-saltokiak modernizatzeko laguntzak eskatzeko epea ireki duela dagoeneko. Merkataritza-saltokiak modernizatzeko laguntza programa honen bitartez 3.750.000€ bideratuko dira euskal saltokien modernizazioa eta berrikuntza bultzatzera berrikuntzaren, kudeaketa hobekuntzaren eta bere azpiegituren bitartez.

Diru-laguntza hauek, Euskal Autonomia Erkidegoan dauden merkataritza-saltokiei zuzenduta dago.

Laguntza hauen babesa, merkataritza-saltokiak beraien lokal komertzialak eta balio erantsi bat ematen dituzten zerbitzuen erakargarritasuna handitzeko behar dituzten inbertsioei laguntza ematera zuzenduta daude.

%20ko diru-laguntza, itzuli beharrik gabe, 1. taldeko inbertsioen kasuan, edo %15ekoa, 2. taldeko inbertsioetarako.

1. taldea