KOADRILA BILERA ASTELEHENEAN, UZTAILAREN 2AN

Berrikuntzen artean, danborradako konpainia berria

Udaleko Jai batzordeak bilera baterako deia egin die herriko kuadrilei Santa Ana jaiei begirako hainbat gaiei buruz hitz egiteko. Bilera datorren astelehenean izango da, 19:00etan, Udaletxeko Batzar Aretoan.

Honako gaiak tratatuko dira: danborradako konpainia berria, 25eko gaupasa eta goizaldeko danborrada (matutina), Kuadrilen eguna eta festetako programa. Bileran hartuko diren erabakien garrantzia ikusita, dei berezia egiten zaie kuadrillen ordezkariei bileran parte hartzeko.