‘EUSKARA PLAZARA!’, EUSKARAREN ASTEA ORDIZIAN
Abenduaren 10era bitarte hainbat ekitaldi egingo dira, bai herri mailakoak eta baita ikastetxe mailakoak ere
Datorren asteartea, abenduak 3, Euskararen Nazioarteko Eguna da, eta horren bueltan, asko eta asko dira Ordizian egingo diren ekimenak. Ordiziako Udaleko Euskara Zerbitzuak sustatuta, eta herriko ikastetxe eta beste zenbait eragileren laguntzarekin, Euskararen Astea ospatuko da Ordizian 'Euskara Plazara!' lemapean. Gaurtik abenduaren 10era bitarte adin guztiei begirako ekitaldiak izango dira, bai kale mailan zein ikastetxeetan.