Abenduaren 10era bitarte hainbat ekitaldi egingo dira, bai herri mailakoak eta baita ikastetxe mailakoak ere

Datorren asteartea, abenduak 3, Euskararen Nazioarteko Eguna da, eta horren bueltan, asko eta asko dira Ordizian egingo diren ekimenak. Ordiziako Udaleko Euskara Zerbitzuak sustatuta, eta herriko ikastetxe eta beste zenbait eragileren laguntzarekin, Euskararen Astea ospatuko da Ordizian 'Euskara Plazara!' lemapean. Gaurtik abenduaren 10era bitarte adin guztiei begirako ekitaldiak izango dira, bai kale mailan zein ikastetxeetan.

Paperean eta Interneten argitaratu da materiala, eta ikastetxeek kudeatuko dute

Ordiziari buruzko ezagutza zabaltzeko hiru unitate didaktikoa atondu ditu Ordiziako Udaleko Euskara Zerbitzuak. Paperean hiru ale eman dira argitara, eta webgune bat ere garatu da materiala erabiltzaile guztien eskura egon dadin. Ordiziaren sorrera, historia, pertsonaiak, geografia, ingurunea, lanbideak eta azoka dira, besteak beste, aleek lantzen dituzten gaiak, modu grafiko, erakargarri eta ulerterraz batean.

Guztira hamabi ordu izango dira, eta izen-emate epea urriaren 31n bukatuko da

Ostalaritza arloko langileei begirako doako euskara ikastaroa antolatu du Ordiziako Udalak, Dendaz denda, euskara 2013 kanpainaren barruan. Bereziki bezeroen agurrei eta eskaerei erantzun behar izaten diete langileei zuzendutako ekimena da, eta helburu argia du, euskaraz ez dakiten ostalariak euskara ikasteko lehen urratsak egitea.

Azaroaren 5etik abenduaren 12ra egingo da ikastaroa, astearte eta ostegunetan, 15:30etik 16:30era, hamabi ordu guztira. Matrikulatzeko epea urriaren 31n bukatuko da, eta izen-emate garaian 20 euroko fidantza utziko beharko da. 11 ordu baino gehiagoko asistentzia izanez gero fidantza bueltatuko da.

Ordiziari buruzko ezagutza zabaltzeko hiru unitate didaktiko sortu ditu Ordiziako Udalak

Datorren ostegunean, urriak 17, Ordizia hobeto ezagutzeko osatu diren hiru unitate didaktikoen aurkezpen ekitaldi irekia egingo da Barrena Kultur etxean, 18:00etan. Egileek, hartzaileek eta herriko hainbat eragilek hartuko dute parte, eta herritarrei ere bertaratzeko deia egin nahi die udalak.