Udaberriko kanpainan, herriko denda txikiak 20.000 txartel banatuko ditu, 3.000 eurorainoko sariekin; 20 euro, 10 euro, 5 euro eta 3 euroko sariak, erosketa-txekeetan. Gainera, 300 euroko erosketa-txartela zozketatuko da saritu gabeko txartelen artean, hauek bete eta zozketa baino lehen Ordizian bulegoan entregatzen badira (maiatzaren 8an, 13:00etan). Jarduera berri hau Ordizianek etengabe egiten dituen sustapen eta dinamizazio komertzialeko ekintza klasikoen barruan kokatzen da. Ekintza horien helburua da saltokiko jarduera komertziala dinamizatzea, bezeroekiko harreman zuzena bilatuz eta haien leialtasuna sarituz.

“Ordizian merkataritza sare indartsua dugu eta hori indartzen jarraitu nahi dugu. Horregatik bat egiten dugu udaberriko kanpainarekin eta herritarrei dei egiten diegu bertan parte hartzeko. Azken finean, elkarrekin egiten dugu Ordizia indartsua”, azaldu du Adur Ezenarro, Ordiziako alkateak.

Establezimendu bakoitzak txartelak banatuko dizkie kanpainak irauten duen bitartean erosketak egiten dituzten bezeroei. Horrela, denbora horretan herriko saltoki txikian zenbat eta erosketa gehiago egin, orduan eta aukera gehiago izanen dituzte txartel irabazleek. Funtzionamendua oso erraza da: ekimenean parte hartzen duten establezimenduetan kontsumitu behar da, apirilaren 24tik maiatzaren 8ra bitarte. Guztira, 95 establezimenduk bat egin dute ekimenarekin.

Kanpaina hau elkarte honek Ordiziako Udalaren eta Eusko Jaurlaritzaren laguntzarekin garatzen ari den Tokiko Merkataritza Txikiari Laguntzeko Programaren barruan dago. Programa honek ardatz eta proposamen desberdinak ditu, eta helburua da negozio txikien salmentak suspertzea eta dinamizatzea, tokian tokikoarekin konpromiso soziala eta enpresariala oinarri hartuta.

Ordiziako merkataritza-dinamizazioaren kanpaina honen bidez, Ordiziako merkataritza-jarduera bizirik mantendu nahi da, erosketak sustatuz eta bezeroak tokiko saltoki txikian egitera bultzatuz. Denda txikiak bizitza ematen dio gure herriari, eta konfiantzazko harreman zuzena eskaintzen du kontsumitzailearekin, berme guztiekin hainbat produktu eta artikulu eskura baititzake.