“ORDIZIA 750- HISTORIA” SOLASALDI-ZIKLOA  “Gizartea, populaketa eta lurraldearen antolaketa Villafrancaren aurretik” Barrena Kultur Etxea – otsailak 23, ostirala – 19:00 H.

Datorren ostiralean, otsailaren 23an, arratsaldeko 7etatik aurrera, Josu Etxezarraga historialariak  “Gizartea, populaketa eta lurraldearen antolaketa Villafrancaren aurretik” izenburu duen hitzaldia eskainiko du Barrena Kultur Etxean, "Miguel de Aranburu" Gipuzkoako Historialari Elkarteak eta Ordiziako Udaleko Kultura sailak antolatutako “Ordizia 750-Historia” solasaldi zikloaren barruan.

Arkeologiak Erromatar Garaian gipuzkoarrak nola bizi ziren ezagutzeko bidea zabaldu zuen bezala, Erdi Aroaren lehen zatiko Historia berridazteko aukera ere eman digu. Azken hamarkadan egin diren aurkikuntza arkeologikoen aurretik, gure lurraldeko gizartea famili arteko erlazio zurrunetan oinarritzen ziren giza-taldetan antolatzen zela uste genuen.

Gipuzkoan tratamenduan izandako aurrerapenei buruz hitz egingo du 18:30ean, Zuhaizti gizarte-etxean

Ordiziako neurologo Maite Martinezek Gipuzkoan iktusaren inguruan azken urteotan izandako aurrerapenei buruzko azterketa bat egingo du. Batez ere garuneko infartuaz (faserik zorrotzenean), eta osasun-zerbitzuaren antolamenduan gaixo bakoitzak hobekien doakion tratamendua jasotzeko kudeatu behar izan diren aldaketez jardungo da.

Martinez Ordiziara itzuliko da hiria sortu zeneko 750. urteurreneko egitarauaren barruan antolatutako osasunari buruzko zikloko bigarren hitzaldi horrekin. Hasiera batean Barrena Kultura Etxean egitekoa zen hitzaldia, baina azkenean Zuhaizti gizarte-etxean izango da, 18:30ean, jende gehiagorentzako lekua baitago.

Urtean 1.600 afektatu Gipuzkoan

Ikerketak iktusaren inguruko arretari buruzko ikuspegi berri bat izateko aukera eman du mendearen hasieratik. 2004an, arteriako buxadura azkar batean desegiteko tratamendu berri bat hasi zen aplikatzen Donostiako Unibertsitate Ospitalean, eta 2009an, Donostiako Unibertsitate Ospitaleko Iktusaren Unitatea jarri zen martxan pazienteak lehen orduetan kontrolatzeko.

Gizarte zerbitzuak indartu eta Majori kiroldegiko multzoaren eraberritzea martxan jarri nahi da aurten

Ordiziako Udal gobernuak 2018rako aurrekontu proposamena aurkeztu du. Martxoan egin nahi den ez-ohiko bilkuran landuko da bere onarpenerako, otsailaren 5ean gobernu batzordean iragarritakoari eutsiz.  Batzorde honetan alderdi politiko guztiak daude ordezkatuta. Jose Miguel Santamaria alkateak inbertsio plana parte-hartze prozesuan oinarritu dela azpimarratu du. Alkatearekin batera prentsa aurrean agertu dira  Jose Ignacio Iturrioz, Arantxa Fernandez, Joseba Aranburu eta Iñaki Dubreuil zinegotziak.

Santamariak argitu nahi izan duenez, ‘prentsa bidez ezagutu dugu oposizioaren preokupazioaren tamaina, izan ere elkartu izan garen bakoitzean ez dute ezer aipatu’. Sarritan elkartzen direla esan du: ‘aste honetan bertan lau aldiz’, zehaztu du.

2018rako aurreikusitako diru-sarrera eta gastuen diru kopurua 14.100.000 eurokoa da. Inbertsioetarako dagoen diruak gora egin du: 4.646.000 euroko inbertsioak proposatzen dira. Gastu errealen eta diru-sarreren partida guztietako aldez aurreko azterketa ‘sakon eta zehatz’ batetik abiatzen da 2018ko proposamena ere. Gastu eta diru-sarreretan aurrekontu ‘errealista’ bat aurkeztea da asmoa. Helburu nagusia Ordizia hobetzea da, zerbitzuaren maila ona mantenduz eta hobetuz. Beti ere aurrekontuaren oreka finantzaria mantenduta.

Udal arduradun teknikoek eta herritarren ekarpenak jaso dira proposamenak zehazteko. Herritarren ekarpenak iaz burututako parte-hartze prozesuan jaso ziren.  Guztira 330 proposamen zenbatu ziren eta horietatik asko daude landuta inbertsioen zerrendan. Beste alderdi politikoei atzo aurkeztu zitzaien aurrekontu proposamena.

Eguneko arreta zentroa eta herritarrentzat laguntza berriak eskainiko dira

       Administrazio Publikoen Administrazio Prozedura Erkidea arautzen duen urriaren 1eko 39/2015 Legeko 133. artikuluari jarraiki eta azaroaren 27ko 50/1997 Legeko 26. artikuluari  lotuta, arauen garapen prozesuan aurretiazko kontsulta publikoa egingo da  herritarren parte hartzea bermatzeko. Aurretiazko kontsulta publikoa erregelamendu proiektua garatu aurretik burutuko da, dagokion Administrazio Publikoaren web orrian eta araudi hau dela eta kaltetuak izan daitezkeen  subjektu eta erakunde esanguratsuenen iritzia jasoko da hurrengo puntu hauen inguruan:

- Ekimenaren bidez konpondu nahi diren arazoak.

- Arau hori onestea beharrezko eta egoki den.

- Arauaren helburuak.

- Izan litezkeen bestelako aukera erregulatzaile eta ez-erregulatzaileak.

Dagokien herritarrek, erakundeek eta elkarteek planteatzen diren gaien inguruan euren iritzia eman dezakete        2018/03/01      arte, hurrengo helbide elektronikora: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.