Erdi Arokoa irailera atzeratu da aurten

Artzain Egunarekin hasi zen apirilean Ordiziako azoka berezien egutegia finkatu da. Udalak eta herriko nahiz kanpoko talde desberdinek antolatutakoak iragartzen dira. Maiatzean izango du segida hilaren 5ean Emanuerre taldearen garagardo artisauen azokarekin. Ordizia Rugby elkartearen garagardo festaren txanda, betiko moduan, ekainaren amaieran izango da, 28an hasi eta uztailaren 1era.

Irailean Euskal Jaiak 3tik 8ra ospatuko dira eta aparteko feria 5ean da. Eta maiatzean izaten den Napar Bideak elkartearen Erdi Arokoa aurten irailaren 22an eta 23an egingo da.

Amaitzeko, besterik ez bada sortzen, Eguberrietako feriarekin itxiko da urtea, abenduaren 26an.

Datorren ostegunean 18:30ean, hilaren 19an, Euskaraldiari buruzko hitzaldia egongo da Barrena Kultur Etxean

Ordizian ere, egingo dugu?Eta beste herri batzuetan zelan ari dira egiten? Proposamena luzatu eta hitzaldian Elgoibarko eta Donostiako esperientziak ezagutzeko aukera izango da Imanol Larrañaga eta Idoia Trenoren eskutik.

Euskaraldia ‘11 egun euskaraz’ egiteko kanpaina da, herriz herri antolatuta. Aurten azaroaren 23tik abenduaren 3ra izango da euskararen erabilera sustatzeko ekimen hau.

Iñaki Saralegi medikuaren eskutik, bizitzaren amaierako prestakuntzari buruz hausnartzeko gonbidapena luzatzen da

Ordiziako hiribilduaren sorreraren 750. urteurrenagatik antolatu den osasunaren inguruko zikloaren barruan, Aurretiazko Borondateen gaineko hitzaldia egongo da Barrenan (hurrengo asteazkenean, apirilaren 18an, 18:30ean).Oraingo honetan gonbidatu den aditua Iñaki Saralegi medikua da.

Biztanleriaren zahartzearen aurrean eta gaixotasun askoren kronifikazioaren aurrean, aurretiazko borondateak jasotzen dituen agiria (bizi testamentua edo aurretiazko jarraibideak) gero eta erabilgarriagoa da:Gaixoen nahiak ezagutzen eta errespetatzen laguntzen du, gaixotasunagatik edo zahartasunagatik horiek adieraztea ezinezkoa denean.

Prozesu honek bermatu nahi duena hau da: pertsona batek jaso nahi dituen zaintzak eta osasun-tratamenduak adierazteko gaitasuna galtzen duenean, baita hil ostean bere gorpuarekin edo organoekin zer egin nahi duen erabakitzeko ere, erabaki horiek aldez aurretik adierazitakoaren arabera egitea.  Zaintzen planifikazioaren eta Aurretiazko Borondateen Agirien erredakzioaren garrantziagatik  helburuen, baldintzen, mugen, moduen eta ondorioen gaineko hausnarketa egitea gomendatzen da.

Saralegi medikuak hausnarketa honetara hurbiltzen direnei beharrezkoa duten informazio guztia emanez lagunduko die.Saralegi Medikuntzan doktorea da, Medikuntza intentsiboan aditua, unibertsitate espezialista Bioetikan, Laguntza Etikoko Batzordeko lehendakaria –ESI Araba eta Osakidetza-Eusko Jaurlaritzako Aurretiazko Borondateen proiektuko koordinatzailea.

Hitzaldia osasunaren inguruko hitzaldi zikloaren sustapen taldeak eta OSAKIDETZAk antolatu dute, Ordiziako udaletxearekin lankidetzan.

Argazkian, Laguntza Etikoko Batzordeko kideak Saralegi  medikuarekin, ezkerretik lehena.

 

LAGUNDU ORDIZIAKO FAMILIA ALBUMA OSATZEN. Ordizia iruditan/ Ordiziako historia argazki bidez / Ordiziako familia albuma (...)

Oraingo honetan Bustuntza auzoko bi argazki ekartzen ditugu txokora: Bustuntza etxaldea eraikitzen 1956. urte aldera. Bigarren argazkia ikusteko sakatu IRAKURRI GEHIAGO laukitxoan.