Ordiziako artistaren pinturak eta eskulturak ikusgai Barrenan.

 Martxoaren 12tik 28ra Barrena Kultur Etxeko Erakusketa Aretoan,  “LOTURAL VS. LOKARRIAK” ,  Alberto Letamendi (Ordizia) artistaren pinturak eta eskulturak  izango dira ikusgai. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita). Inaugurazioa gaur ostirala, hilaren 9an izango da arratsaldeko 7etan.

Ordiziako eta beste udalerrietako 25 komertzioek hartuko dute parte

Ordizian merkataritza, ostalaritza eta zerbitzuak elkarteak, Ordiziako Udalaren laguntzarekin, XV. Stock eta Kale-Azoka antolatuko du martxoaren  9 eta 10ean. Ekimen honetan bi ekintza bat egingo dira, Stock azoka Plaza Nagusian eta  Kale-azoka herriko kaleetan, produktuak saltokien aurrealdean aurkezturik. Stock gunean txikientzat haur txokoa eskainiko da puzgarri eta beste aukerekin. Stock eta Kale-Azokako edizio honetan parte hartzen duten ORDIZIAN elkarteko saltokietan Udaberriko kanpainaren zehar trukatzeko erosketa txartelak zozketatuko dira.

XV. Stock azoka Plaza Nagusian antolatuko da eta Kale-azoka lagun izango du dendarien produktuak saltokien atarietan aurkeztuz. Dendari eta herritarrentzat erreferente bihurtu den ekintza hau ostirala eta larunbatean goiz eta arratsaldez antolatuko da beste behin.

Merkataritza berriaren eta Ordiziako ohiko eta kalitatezko merkataritzaren eskaintza Stock eta Kale-Azokan ere islatuta ikusiko da, oraingo honetan beste herrietako (Beasain, Durango, Elgoibar eta Zumaia) saltokiekin batera produktu aukera zabala kaleratuz. Goierritarrek bertatik bertara kalitatea prezio eskuragarrian izango dute.

LAGUNDU ORDIZIAKO FAMILIA ALBUMA OSATZEN. Ordizia iruditan/ Ordiziako historia argazki bidez / Ordiziako familia albuma (...)

Gaur martxoak 8,  Emakume Langilearen Nazioarteko Eguna ospatzen da. Emakumeen eskubideen aldeko borroka ezberdinak gogoratzeko zein eskubide horiek betetzea eskatzeko erabiltzen da eguna. Gaur gure txokoan hainbat argazki: emakume dantzariak, emakume mendizaleak, emakume langileak (Cartonajes Nadal, Bilore), emakume saltzaileak azokan, emakumeen taldeak…. Beste argazkiak ikusteko sakatu IRAKURRI GEHIAGO laukitxoan.

Amaia Puin (Euskal Herria) eta  Benita Prieto (Brasil) larunbata honetan Barrena Kultur Etxean (17:00 h.). Eta jarraian Plaza Nagusian eta Garagartza Plazan “Argikale” ikuskizuna Zirkoloretsuarekin.

Larunbata honetan, hilaren 10ean, arratsaldeko 5etan, Barrena Kultur Etxean jaialdiaren ekitaldi nagusienetariko bat ikusteko aukera izango da: AMAIA PUIN (EUSKAL HERRIA) eta  BENITA PRIETO (BRASIL) protagonistak. Beraiekin batera Jakintza Ikastolako ikasleak ere arituko dira eskenatoki gainean; ikasle hauek  egun hauetan Maider Galarzak emandako ahozkotasunaren tailerrean parte hartu dute.  Ahoz-Aho jaialdiaren edizio berriak, ahozko tradizioko kontakizunak, literatur narrazioak, joko eszenikoak, poema musikatuak, deklamatutako bertsoak, hitz-jokoak eta beste ikuskizun mordo bat ekarriko dizkigu Ordiziara, denak ere ipuinetan oinarritutakoak.