EMAKUMEEN ESPAZIOAOstiralero eskainiko dituzte taldeko saioak

Ordiziako Migrazio, Berdintasun eta Gizarte Ongizate sailek emakume etorkinen espazio multikulturalean parte hartzera animatu nahi dituzte emakume etorkinak. Kultura desberdinak biltzen dituen espazioa da.

Helburua da emakumeen arteko laguntza eta elkartasun sarea sortzea, emakumeak berauen eskubideak zeintzuk diren ondo ezagutzea eta bide batez, euren osasun fisikoa eta emozionala hobetzea. Bestalde, aisialdirako eta ondo pasatzeko balio izan dezakete topaketa hauek.

Esparru hitzarmenaUdalak Ordizian Merkatari elkartearekin 2013 urtean lankidetzarako baliagarria izango den Esparru-Hitzarmena sinatu du

Ordiziako Udalak eta Ordizian Merkatari elkarteak elkarlanari tinko heldu zioten orain hiru urte, 2010eko irailean, sinatu zuten Esparru-Hitzarmenaren bitartez, akordio hau urtero berritzea ezinbestekoa izanik horrela egin delarik hurrengo urteetan ere. Garen garaietan gaudela ere eta azken urteetako egoera ekonomikoa aproposena izan ez bada ere, elkarlanak emaitza onak eman ditu eta bientzat guztiz onuragarria izan dela esan daiteke, aipatutako baldintzak kontutan hartuz inoiz baino garrantzi handiagoa hartzen duelarik bien arteko lankidetzari jarraitutasuna emateak.

santa agedaSanta Ageda bezpera zelako irten ziren abestera

Otsailaren 5ean Santa Ageda ospatzen zela kontuan hartuta bezperako egunean, hau da, astelehenean pertsona talde bat abestera irten zen kalera. Taldea Goierriko Goiztiri AEK-koek, Urdaneta Ikastetxeko ikasleek eta Jubilatuen korokoek osatzen zuten.

Lukusin Pazan elkartu ziren guztiak arratsaldeko 15:15etan eta bertan abestu zuten lehenik. Ondoren, Nikolas Lekuona Plazan eta amaitzeko Barandiaran Plazara joan ziren. Eguraldiak eutsi zion abesten aritu ziren tartean eta jende dezente hurbildu zen tokiotara. Ikusi argazki bilduma osoa:

Ordiziako Hizkuntz Eskola 20100625Otsailaren 6an irekiko dute epea

Ordiziako HEOn izena emateko deialdia asteazken honetan, hilaren 6ean, irekiko dute eta 28ra arte izango da frantses edo ingeles klaseetara apuntatzeko aukera. Derrigorrezkoa da 16 urte izatea eta prozesua Internet bidez egingo da kasu guztietan. Informazio gehiagorako sartu hemen:

 

Hizkuntza-Eskola Ofizialaren inguruko informazio gehiagorako deitu 943 88 86 75 telefono zenbakira edo sartu hemen: http://ow.ly/hp3gQ