OIANGUN LANDARE-HESIA SORTZEKO AUZOLANA MARTXOAREN 22AN EGINGO DA

2015-03-13 auzolanaParte hartu nahi dutenek hilaren 18rako eman behar dute izena

Oiangun landare-hesia sortzeko auzolana martxoaren 22an egingo da azkenean, igande honetarako egindako deialdia eguraldiarengatik bertan behera uztea erabaki eta gero. Auzolanean parte hartzeko hilaren 18rako eman behar da izena udaletxean, boluntarioen asegurua kudeatu ahal izateko. Auzolanean Oiangutik Oiangutxikira bidean landare-hesi bat egingo da, eta ongarri modura 2014ko apirilean auzolanean egin zen konposta erabiliko da. Ekintza hau Ordiziako Udalak eta Aranzadi Zientzia Elkarteak Oiangu parkearen ezagutzarako eta kontserbaziorako iaz sinatutako lankidetza hitzarmenaren barruan antolatu da.

OIANGUN LANDARE-HESIA SORTZEKO AUZOLANA MARTXOAREN 1EAN

2015-02-19 elorrizuriaParte hartu nahi dutenek hilaren 25erako eman behar dute izena dagokion asegurua egin ahal izateko

Ordiziako Udalak eta Aranzadi Zientzia Elkarteak Oiangu parkearen ezagutzarako eta kontserbaziorako 2014an sinatutako lankidetza hitzarmenari jarraipena emanez, martxoaren 1ean egingo da 2015eko lehen ekintza. Oiangutik Oiangutxikira bidean landare-hesi bat egingo da, eta ongarri modura 2014ko apirilean auzolanean egin zen konposta erabiliko da. Auzolanean parte hartzeko hilaren 25erako eman behar da izena udaletxean, boluntarioen asegurua kudeatu ahal izateko. 

ORDIZIAKO UDALAK HERRITARREN PROPOSAMENEKIN GARATUKO DITU 2015EKO AURREKONTUAK

2014-10-31 ordiziazabalikDatorren urtean Oianguko baserrian taberna-jatetxe zerbitzua martxan jartzeko lanean ari da Ordiziako Udala Basque Culinary Centerrekin

'Ordizia Zabalik' partaidetza prozesuaren barruan eragileengandik eta herritarrengatik jasotako proposamenekin garatuko ditu Ordiziako Udalak 2015eko aurrekontuak. Eragileekin egindako lan bileretan eta auzoetako egin diren bost bileretan 400dik gora proposatu jaso ditu udalak, horietatik 45 lehentasunezkotzat jo zituen, eta atzo udaletxeko pleno aretoan egin zen osoko bileran aurkeztu zituen gobernu taldeak datorren urteko aurrekontuetan txertatuko dituen hainbat proiektu. Horrez gain, datorren urteari begira lantzen ari den bi proiektu eman zituen ezagutzera Ordiziako Udalak: P21eko igogailua eta Oianguko baserrian, BCCrekin elkarlanean, taberna-jatetxe zerbitzua eskaintzen hastea. 2015eko aurrekontuei begirako udal proposamenak irisgarritasunean, mugikortasunean, enpleguan, politika sozialetan eta ingurumenean oinarrituko dira aurten ere.

‘ORDIZIA ZABALIK’ PARTAIDETZA PROZESUAK AURRERA JARRAITZEN DU

2014-10-29 ordiziazabalikBihar, hilak 30, egingo den bileran emango ditu ezagutzera Ordiziako Udalak 2015eko aurrekontuetan txertatuko diren hainbat proiektu

Bihar osteguna, hilak 30, udaletxeko pleno aretoan egingo den bileran (19:00) emango ditu ezagutzera Ordiziako Udalak 2015eko aurrekontuetan txertatuko diren hainbat proiektu. Egitasmo horiek herriko eragileekin jorratu den 'Ordizia Zabalik' partaidetza prozesuan eta auzoz auzoko dinamikaren barruan egindako bost bileretan jasotako ekarpenetatik eratorriak dira -ikus kronologia–. Lehentasunezko jotako 45 proiektu horietatik batzuk martxan daude dagoeneko, beste hainbat 2015eko aurrekontuetara egokitzeko modukoak dira, eta badira hausnarketa sakonagoa eta inbertsio ekonomiko handia eskatzen dutenak ere. Prozesuan landu ez diren proposamenak, banakako bileretan aztertzen ari da udala herriko eragileekin.