Ekainaren 1an aktibatuko da edukiontzi marroietako sarraila

COVID-19 dela eta, martxoaren 17n errefusa, organiko eta pixoihalentzako edukiontzietako sarrailak eta landa eremuetan dauden birziklaguneetako eta etxoletako ateak desaktibatu ziren, txartelik gabe noiznahi ireki ahal izateko.

Pixkanaka sarrailak berriro aktibatuko dira eta txartela beharko da edukiontziak irekitzeko.

Hasteko, ekainaren 1ean edukiontzi marroien sarrailak aktibatuko dira soilik. Oraingoz, edukiontzi grisak eta pixoihalenak irekita jarraituko dute jakinarazi arte.

Norbaitek txartela galdu baldin badu 943 16 15 55 telefonora lehenbailehen deitzea komeni da beste txartel bat bidaltzeko.

Konposta doan banatuko da Garbiguneetan

Edukiontzi marroien sarrailak aktibatzearekin batera edukontzi marroietan binilo berezia jarriko da grafikoki bertan zer bota daitekeen eta zer ez argitzeko eta bide batez plastikozko poltsen ordez poltsa konpostagarriak erabiltzeak duen garratzia azpimarratzeko. Kanpaina honek kalitatezko konposta lortzea du helburu.

Aurten Sasieta mankomunitateak “Kalitatezko konposta zuri esker” lelopean iaz hasitako kontzientziazio kanpainarekin jarraituko du. Ekainaren 1etik aurrera, Gipuzkoan gaika bildutako materia organikoarekin egindako konposta doan banatuko da Urretxu, Beasain eta Ordiziako garbiguneetan.

Konpostarekin batera, garbigunera hurbiltzen direnei informazio-orria emango zaie bildutako organikoa txukun bereiztearen garrantzia eta organikoarekin egindako konpostaren kalitatea bereziki azpimarratuko dituena. Orriak organikoa bereizterakoan antzeman ohi izan diren ohiko akatsen inguruko informazioa ere jasoko du, hala nola, pixoihalak edo ontziratutako janaria botatzea, plastikozko poltsak erabiltzea eta abar. Konposta nola erabili behar den ere adierazten da.

Kanpaina hau euren etxebizitzetan edo komertzioetan egunero hondakinak txukun bereizten dituzten pertsona guztiei eskerrak emateko modua ere bada.

Hondakin sorkutza gutxitzeko garbigunera datozen herritarrek euren poltsa ekarriko dute etxetik.

Garbiguneko ordutegia hau da: astelehenetik ostiralera, de 9:00-12:30 eta 15:30 a 18:30ak bitartean eta larunbatean, 9:00 a 13:00ak bitartean.

XXVI. Idiazabal Gazta berriaren aurkezpena eta gazta ebakitzea, asteazkenean

Asteazkenean egingo da ekitaldia, ateak itxita, Udaletxeko batzar aretoan

Iragan apirilaren 15ean Artzain Eguna bertan behera uztera behartu gintuen COVID-19 pandemiak, eta urtero egin ohi den Idiazabal gazta berriaren mozketa ere, ezin izan zen burutu. Denborak aurrera darrai, eta artzainek gazten salmentan beherakadak antzeman dituzte dagoeneko. Horregatik, salmentak sustatzen lagungarri izan litekeelako, XXVI Idiazabal Gazta berriaren aurkezpen eta gazta ebakitzeko ekitaldia, maiatzak 27an ospatzea erabaki da, asteazken honetan.

Ordiziako Udalak, Idiazabal Gaztaren Jatorriko Izendapenak eta Ordiziako Idiazabal Gaztaren Kofradiak antolatu ohi duten ekitaldia komunikabideetara bideratuta egongo da, garai hauek eskatzen duten segurtasun neurriak medio, gonbidatuen presentzia murriztuta.

Ekitaldia goizeko 11:30etan, Ordiziako Udaletxeko Batzar Aretoan hasiko da. Bertan, modu telematikoko Eusko Jaurlaritza eta Gizpuzkoako Foru Aldundiko ordezkariek parte hartuko dute. 

Aurtengo ekitaldian ez da omenaldirik eskainiko, baina urtero legez, Idiazabal Gaztaren Jatorrizko Izendapenak iragan urteko ekoizpenaren datuak emango ditu, artzain eta gaztandegi erregularrenak sarituko ditu. Kontseilu Erregulatzaileak 2019 urtean bere kalitate eta erregulartasunagatik gazta egile hauek saritzea erabaki du:

- Artzain ekoizle saritua, La Leze.
- Gaztandegi saritua: Goine. 

2020ko Idiazabal gazta berriaren mozketa, urtero legez, gure gazta sustatuko duen pertsonai batek burutzen du, eta aurtengoan, Bilboko Porrue jatetxeko sukaldari den Unai Campok burutuko du.

10.500 biztanle ditu Ordiziak erroldatuta

Gaurko BOEn argitaratu da 10.000 biztanletik beherako herrietan ordu tarteak bertan behera uzten dituen dekretua. Ordiziak muga hori gainditzen du: 10.500 biztanle gaude erroldatuta, beraz, indarrean jarraitzen du ordu mugak.