Hobariak Ondasun Higiezinen Zerga eta trakzio mekanikodun ibilgailuen zergak ordaintzeko

Eskaerak urtarrilaren 31a arte aurkeztu beharko dira, Udaletxean

Ordiziako Udalak jakinarazten du, 2021eko Ordenantza Fiskalen arabera, familia ugariaren titularitatea duten subjektu pasiboentzat Ondasun Higiezinen Zergaren (OHZ) hobaria eskatzeko aukera dagoela urtero bezala, eta aurten, berrikuntza moduan, familia ugariek trakzio mekanikodun ibilgailuen zergan (TMIZ) ere hobaria eskatzeko aukera izango dute.

Bi zerga hauen hobariak urtero eskatu behar dira, eta horretarako azkeneko epea urtarrilaren 31a izango da. Udaletxean egin beharko da eskaera, arreta bulegoan.

1.- ONDASUN HIGIEZINEN ZERGA

Kuota osoan ondorengo hobari-eskala ezarri da, diru-sarreran eta seme-alaba kopuruaren arabera.

 

0-24.000€

24.000,01-40.000€

40.000,01-70.000€

70.000,01-90.000€

>90.000€

Gutxienez 3 seme-alabako familiak/Familias de hasta 3 hijos/as

%90

%60

%20

%10

%0

4 seme-alabako familiak/Familias de 4 hijos/as

%90

%70

%40

%15

%0

5 edo gehiago seme-alabako familiak/Familias de 5 o máshijos/as

%90

%90

%60

%20

%0

Baldintzak:

-Ohiko etxebizitza izatea etafamiliako kide guztiak bertan erroldatuta egotea, 130.000 euroko gehienezko katastro-balioraino.

Aurkeztu beharreko agiriak:

- Indarrean den Familia Ugariaren Tituluaren kopia.

- Behar bezala betetako eskaera, ohiko etxebizitza adieraziz.

- 2019ko Errenta aitorpenaren kopia.

2.- TRAKZIO MEKANIKODUN IBILGAILUEN ZERGA

Zergaren kuota osoan ondorengo hobari-eskala ezarri da, ondorengo hobari-eskala ezarri da familiako diru-sarreren arabera. Familiako PFEZko aitorpenen diru-sarrera gordinen batura hartuko da familiako diru-sarrera kopuru gisa.

 

0 – 24.000 €

24.000,01€-40.000€

40.000,01€ -70.000€

70.000,01€ -

90.000€

> 90.000€

Familia ugari arrrunta /familia numerosa ordinaria

% 50%

% 40%

% 20%

%10%

% 0%

Familia ugari berezia /familia numerosa categoria especial

% 75%

% 70%

%40%

%20%

% 0%

Baldintzak:

- Familia unitate bakoitzak soilik, 5 plaza edo gehiago dituen turismo batentzat izango du hobaria.

- Ibilgailuak gehienez 13,99 zaldi fiskal izan beharko ditu

- Familia ugari horretako kide guztiek Ordiziako etxebizitza berean egon behar dute erroldatuta.

Aurkeztu beharreko agiriak:

- Indarrean den Familia Ugariaren Tituluaren kopia.

- 2019ko Errenta aitorpenaren kopia.

Online-inkesta, herritarren iritzia jasotzeko Ordiziako parke sarearen baitan

Parkeen erabilera ohiturak, indarguneak eta gabeziak detektatzeko helburua izango du

Ordiziako Udalak herriko parkeen sarea modu parte hartzailean definitzeko prozesua abiatu berri du, Tipi Gara kooperatibarekin batera. Abenduaren amaieran bi saio egin ziren herriko haurrekin, haien iritzi, behar eta iradokizunak kontuan hartuta osatzeko parke sare berria. Parte hartze handia izan zuen ekimenak eta haur eta guraso ugari elkartu ziren egindako bi saioetan, betiere segurtasun neurriak mantenduz.

Otsailean emango zaio jarraipena prozesu honi. Hala, lehenengo 15aldian Ordiziar orori bideratutako online inkesta jarriko da martxan, Ordiziako webgunearen bidez, parkeen erabilera ohiturak, indarguneak eta gabeziak detektatzeko helburuarekin. Ordiziako eskoletako haurrek ere parte hartuko dute, galdetegi bidez haien iritzia ere jasotzeko. Adin guztietako pertsonei zuzenduta egongo da inkesta hau, izan ere, parkeak hamarkada desberdinetako pertsonen elkargune dira.

“Ordiziarren iritzia, ezinbestekoa”

Sarearen egitura orokorrari, parke bakoitzaren izaera eta diseinurako irizpideei, eta sarearen baitan egongo diren parkeen arteko konexio eta ibilbideak kontuan hartuko dituen prozesua izan da. Sare honen diseinuak, herritarren behar eta desio anitzak ordezkatzeaz gain, parte ezberdinen arteko osagarritasuna bilatuko du. Prozesuak, gutxi gorabehera, urte erdiko iraupena izango du, hau da, ekaina ingururako amaitzea espero da. Ordiziako parkeen inguruko sarea nolakoa izatea nahi den erabakitzeko aukera izango dute herritarrek.

“Orain arte parte hartzea zabala izan da, eta oso gustora gaude jendeak azaldu duen jarreragatik. Ordiziako parkeen sarea modu parte hartzaile batean definituko dugu, Ordiziarren iritzia kontuan izatea ezinbestekoa da guretzako”.

Hiru fase

Parte hartze prozesu honek hiru fase izango ditu guztira. Lehenengoa diagnostikoa izango da. Bigarrena, parke sarearen izaeraren definizioa, eta hirugarrena eta azkena, parkeen diseinurako irizpideak zehaztu eta garatzea.

Prozesuak oinarri zehatzak ditu. Hala, Ordiziako biztanle kopuru esanguratsu bat prozesuari lotzea lortu nahi da, parte hartzeko kanal eta modu desberdinak eskainiz eta komunikazioa indartuz. “Herritarren iritzia kontuan hartzea ezinbestekoa da herrian dauden beharrei erantzuna emateko”, gehitu du Ezenarrok. Horrez gain, Ordiziako biztanleen aniztasuna ere kontuan hartuko da, kolektibo batzuen presentzia ziurtatzeko parte hartze kanal eta modu espezifikoak eskainiz. Bestalde, prozesu parte hartzailetik eratorri diren eduki eta proposamenak aldika eta prozesu guztian zehar Udal barruan lantzea.

“Parte hartze prozesu honekin herrian dugun beharrari erantzuna ematea lortu nahi dugu. Hala, ordiziar guztiak gonbidatzen ditut prozesuan parte hartzera, guztion iritzia garrantzitsua baita parke sarea sortzeko”, amaitu du Ezenarrok.

Hiru Errege Magoen bisita, bihar, Ordizian

Bihar, urtarrilak 5, arratsaldeko 18:00etatik aurrera herriko kaleetatik pasako dira kotxeetan hiru Errege Magoak. Musika entzuten duzuenean, atera leiho eta balkoietara ongi etorria ematera! Bestalde, Barrena kultur etxean utzi ditzakezue errege magoentzako dituzuen gutunak; gaur 16:30etatik 19:00etara, eta bihar 10:00etatik 13:00etara. Goxoki pakete bat emango zaizue gutuna uztearen truke.

Zuhurtziaz eta arduraz jokatzeko deia Gabonetan

 

Elkar zain dezagun. Ordiziako Udaleko ordezkari guztiek eskatu dute, bereziki, adineko eta arrisku taldeetako pertsonak babestea egun hauetan.

Ordiziako Udaleko ordezkari guztiek dei egiten diete ordiziarrei, Gabonetan zehar zuhurtziaz jokatzeko, eta adineko eta arrisku taldeetako pertsonak, bereziki babesteko.

Familiako kideekin egiten diren elkarte eta bilkuretan zorrotzak izatea eskatzen dugu. Ezarri diren neurriei kasu egitea beharrezkoa da gu guztiok zaintzeko, baina bereziki gure adineko eta egoera zaurgarrian daudenak babesteko. Azken finean, Gabonak aspaldi ikusi gabekoekin elkartu eta egoteko tartea izaten dira, eta egun hauetan, inoiz baino gehiago nabaritzen ditugu mahaietan ditugun hutsuneak; joan zaizkigunak oroitzen ditugulako. Horregatik, Ordiziako Udaletik dei egin nahi dugu inoiz baino zuhurtzia gehiagorekin joka dezagun, batez ere, gure artean ditugunak babesteko. Distantziak mantendu, etxeak aireztatu eta musukoa erabili, baita etxe barruan ere, bizikideak ez garen pertsonak elkartzen baldin bagara.

Gure esku dago, inoiz baino gehiago 100.000 biztanleko 500eko tasaren langa horretatik jaistea, eta datuak hobetzea. Ez dira zenbaki hutsak: pertsonak dira. Gainera, kasuen beherakadak merkataritza eta ostalaritzak bizi duen momentu zailari egoera arinduko dio.

Neurriak

Azken asteetan bezala, ostalaritza establezimenduak itxita mantendu beharko dute Ordizian. Hala ere, atzo arratsaldean jakinarazi ziren neurriek aldaketa batzuk ekarriko dituzte. Abenduaren 24an, 31an eta urtarrilaren 5ean merkataritza establezimenduek 18:00etan itxi beharko dute. Bestalde, gabon gauean eta urtezahar gauean etxeratzea 00:30ak arte aurreratzen da, eta urte zahar gauean eta urte berri egunean gehienez 6 pertsona elkartu ahalko gara, gabon gauean eta eguberri egunean 10 pertsonen muga mantentzen da.