Abiatu da Zuberoa kale azpiko 13 aparkalekuren emakida

Zuberoa kaleko bidearen -1 eta -2 sotoko solairuetan dauden jabetza publikoko eta udal titulartasuneko 13 aparkalekuren emakida egingo du Udalak. 50 urteko iraupena izango du emakidak. Prezioa: 13.222 € gehi dagozkion zergak. Urteko kanona 15,18 € zeina KPIaren arabera eguneratzen joango den. Eskaerak aurkezteko azken eguna azaroak 24 izango da eta eskaerak Udal Arreta Bulegoan aurkeztu ahalko dira, baita 39/2015 Legeko 16.4 artikuluak araututako moduetan ere.

Oharra: Lehenbizi 2018ko emakidatik sortutako itxaron-zerrendako interesatuei eskainiko zaizkie garajeak.

Informazio gehiago nahi izanez gero deitu 943 80 56 36 telefono zenbakira.

Administrazio pleguak

Eskaera orria

Zerrenda eta planoak

COVID19 telefonoa martxan

Ordiziako Udalak abian jarri du COVID19 telefonoa. 747 40 64 69 da, eta telefonoz, whatsappez eta Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbide bidez emango du zerbitzua. Hain zuzen ere, positibo eman duten pertsonak edo negatibo izanda ere laguntza behar dutenei laguntza emateko balioko du. Konfidentzialtasun eta anonimotasuna mantenduko da denbora guztian. 

KZgunea bihar zabalduko da, Torrea eraikinean

Ordiziako KZgunea Santa Maria kaleko 4. zenbakiko Torrea etxera eraman dute. Zentroa azaroaren 12an irekiko da eta honako ordutegia izango du: 9:00etatik 13:00etara, astelehenetik ostiralera.

KZguneak gela bakarra du nabigaziorako eta formakuntzarako. Bertan, formakuntzarako 8 ordenagailu eta nabigaziorako 3 daude erabilgarri. Gaur egun, Covid-19aren ondoriozko segurtasun- eta higiene-neurriak mantentzeko, erabiltzaileek 4 ekipo bakarrik erabili ahal izango dituzte.

Halaber, zentroak inprimagailu bat du behar dutenentzat (gehienez 5 inpresio eguneko eta erabiltzaile bakoitzeko), bai eta proiektagailu bat ere, formakuntza-plataformaren edukiak eta KZguneko ikastaroak emateko erabiltzen diren beste web-baliabide batzuk ikusteko. Azkenik, KZguneak WiFi konexioa ere badu prestakuntza-saioetan erabiltzeko.

Bestalde, harremanetarako telefono-zenbakia 943 023 673 da oraindik ere, eta erabiltzaileek bertara deitu behar izango dute telefono bidezko hitzordua eskatzeko eta, horrela, zentrora bertara joateko (aurretiko hitzordua KZgunearen webgunetik ere kudea daiteke, hemen klik eginda).

Era berean, Ordiziako KZguneak datorren azaroaren 16an ekingo dio aurrez aurreko formakuntzari. Oraingoz, katalogoan eskuragarri dagoen ikastaroren bat egin nahi duten erabiltzaileek itxaron-zerrendan eman beharko dute izena, www.kzgunea.eus webgunearen bidez edo telefonoz.

Azkenik, gogoratu zentrora joaten diren pertsona guztiek maskara eraman behar dutela. Izapideren bat egin behar dutenek boligrafo bat eraman beharko dute berekin dokumentuak sinatzeko. Gainera, beste segurtasun-neurri batzuk ere errespetatu beharko dira, hala nola, eskuen higienea gel hidroalkoholikoarekin eta segurtasun-distantzia mantentzea.

[Zerrenda] Aurretiazko erosketa. Ordiziako azokako ekoizleen zerrenda

Ordiziako azoka. Zerrenda eguneratua

 

Ordiziako azoka. Zerrenda eguneratua 1

 

 

Ordiziako azoka. Zerrenda eguneratua 2