10.500 biztanle ditu Ordiziak erroldatuta

Gaurko BOEn argitaratu da 10.000 biztanletik beherako herrietan ordu tarteak bertan behera uzten dituen dekretua. Ordiziak muga hori gainditzen du: 10.500 biztanle gaude erroldatuta, beraz, indarrean jarraitzen du ordu mugak.

Herrian bizi eta erosi. Ordizia, bizi herria!

Eusko Legebiltzarreko hauteskundeak. Erroldako erreklamazioak

2020ko uztailaren 12an izango dira Eusko Legebiltzarrerako Hauteskundeak. Hau dela eta, honako hau jakinarazten zaie herritar guztiei, batez ere, bizilekuz aldatu dutenei (2020-03-01a aurreko aldaketak), eta 18 urte egin berri izan eta lehen aldiz botua eman behar dutenei:

HAUTESLE-ERROLDAN ageri diren datuei erreklamazioak egiteko epea 2020ko maiatzaren 25etik ekainaren 1era (biak barne) izango dela.

TOKIA: Herritarren Arretarako Udal Bulegoa.

ORDUTEGIA: 8:00 - 13:30.

Maiatzak 30: Urdaneta kalea itxita egongo da

Hurrengo larunbatean, hilak 30, goizeko 8:00etatik aurrera, Urdaneta 4 lur sailean eraikitzeko erabili duten garabia kendu egingo dute. Ondorioz, ordu horretatik eta desmontaketa lanak amaitu arte, Urdaneta kalea trafikoari erabat itxita geratuko da. Trafiko guztia Joan Amezketa kaletik desbideratuko da, eta kale horretako 8 zenbakian dagoen garajetik ezingo dira kotxeak irten, ezta sartu ere.