ORDIZIA HOBETZEKO HERRITARREK PARTEHARTZEA ESKATU DU UDAL GOBERNUAK

2018ko inbertsioak eta ekimenak bideratzeko  ekarpenak jasotzeko prozesua martxan da berriz

Ordiziako Udalak partaidetza prozesua burutuko du 2018ko udal aurrekontuen zirriborro-proposamena prestatzeko.  Herritarren parte-hartzea bermatzeko ahaleginean eskatu du ekimen eta inbertsioei dagokien zatia non eta nola gastatu erabakitzen laguntzeko.  Era berean, kultura, gizarte ongizatea, euskara, berdintasuna, kirola eta arlo desberdinetan egoera eta beharrak zeintzuk diren hausnartzeko baliokoa izatea nahi dute udal arduradunek. Honetarako ekarpenen bat luzatu nahi  dutenen ikuspuntu desberdinak ongietorriak izango dira.

Jose Miguel Santamaria alkateak prentsa aurrean azaldu du prozesua Jose Ignacio Iturrioz, Arantxa Fernandez eta Iñaki Dubreuil zinegotziekin batera.

Alkateak aitortu duenez ‘errealitatea da 2017ko kontuak ez daudela onartuta eta, lehenengo aldiz, Udalak luzatutako aurrekontuekin egin du aurten aurrera. Honek esan nahi du 2016ko diru kopuru berdina dagoela gastu arruntak ordaintzeko’.

JAIETAKO GALDEKETA 24TIK

Astelehenean aktibatuko da  web gune honetan Santa Ana  jaien inguruan herritarrek duten iritzia jakiteko galdeketa.

Galdetegira sartzeko “Ordizia hobetzen” bannerrean klik egin behar da. Ondoko irudia da eskuineko bannerren zutabean jarriko dena.

Festen iritzia emateaz gain, 2018ko programarako iradokizunak egin ahal izango dira.

Abuztuaren 7ra arte egongo da aktibatuta.

HERRITARREI UDALETXEKO BALKOIA IREKIKO ZAIE DANBORRADA IKUSTEKO

Hilaren 19rako izena eman behar da

Iaz bezala, Ordiziako Udalak udaletxeko areto nagusiko balkoitik uztailaren 24ko danborrada ikusteko aukera emango die herritarrei.  Balkoian egoteko interesa dutenek eskaera egin behar dute udaletxeko herritarren arreta bulegoan (astelehenetik ostiralera 08:00etatik 13:30etara) edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzita, izen-abizenak eta telefono zenbakia emanez.    Ordizian erroldatua egotea derrigorrezkoa da. Lekua mugatua denez, izena ematen dutenen artean zozketa egingo da eta aukeratua izango duen pertsona bakoitzak balkoira lagun bat eraman ahalko du. Eskaera epea 19an amaituko da eta 21ean egingo da zozketa.

GALDEKETA BATEK ORDIZIAKO HERRITARREN IRITZIAK JASOKO DITU HAINBAT GAIEN INGURUAN

Mugikortasunari lotutako gaien eta kirol azpiegituren inguruan galdetuko da

Ordiziako Udalak galdeketa bat egingo du telefono deien bidez datozen egunetan. Helburua gai desberdinen inguruan herritarrek duten iritzia ezagutuz parte-hartzea bultzatzea da. Batik bat, mugikortasunari lotuta dauden gaiei buruz, trafikoa, bidegorri sarea eta aparkalekuak, esate baterako. Baita kirol ekipamenduen inguruan ere. Jose Miguel Santamaria alkateak eta Gizarte Ongizateko zinegotziak, Iñaki Dubreuilek eman dute ezagutzera asmoa.

Udalean eta alderdi desberdinen artean eztabaida dago. Adibidez, erdigunean parkina beharrezkoa den ala ez zehazteko. ‘Dilema begi-bistakoa da. Udal gobernuak beharrezkoa dela uste du eta oposizioak dio ez dela hobekuntza bat Ordiziarentzat eta ez duela behar. Hilabete honetako Osoko bilkuran mahai gainean jarriko dugu proiektua erredaktatzeko partida, laugarren aldiz. Hoberena herritarrei galdetzea dela uste dugu, irtenbide bat izateko’.