AURRETIAZKO BORONDATEEN GAINEKO HITZALDI BERRIA ORDIZIAN

Iñaki Saralegi medikuaren eskutik, bizitzaren amaierako prestakuntzari buruz hausnartzeko gonbidapena luzatzen da

Ordiziako hiribilduaren sorreraren 750. urteurrenagatik antolatu den osasunaren inguruko zikloaren barruan, Aurretiazko Borondateen gaineko hitzaldia egongo da Barrenan (hurrengo asteazkenean, apirilaren 18an, 18:30ean).Oraingo honetan gonbidatu den aditua Iñaki Saralegi medikua da.

Biztanleriaren zahartzearen aurrean eta gaixotasun askoren kronifikazioaren aurrean, aurretiazko borondateak jasotzen dituen agiria (bizi testamentua edo aurretiazko jarraibideak) gero eta erabilgarriagoa da:Gaixoen nahiak ezagutzen eta errespetatzen laguntzen du, gaixotasunagatik edo zahartasunagatik horiek adieraztea ezinezkoa denean.

Prozesu honek bermatu nahi duena hau da: pertsona batek jaso nahi dituen zaintzak eta osasun-tratamenduak adierazteko gaitasuna galtzen duenean, baita hil ostean bere gorpuarekin edo organoekin zer egin nahi duen erabakitzeko ere, erabaki horiek aldez aurretik adierazitakoaren arabera egitea.  Zaintzen planifikazioaren eta Aurretiazko Borondateen Agirien erredakzioaren garrantziagatik  helburuen, baldintzen, mugen, moduen eta ondorioen gaineko hausnarketa egitea gomendatzen da.

Saralegi medikuak hausnarketa honetara hurbiltzen direnei beharrezkoa duten informazio guztia emanez lagunduko die.Saralegi Medikuntzan doktorea da, Medikuntza intentsiboan aditua, unibertsitate espezialista Bioetikan, Laguntza Etikoko Batzordeko lehendakaria –ESI Araba eta Osakidetza-Eusko Jaurlaritzako Aurretiazko Borondateen proiektuko koordinatzailea.

Hitzaldia osasunaren inguruko hitzaldi zikloaren sustapen taldeak eta OSAKIDETZAk antolatu dute, Ordiziako udaletxearekin lankidetzan.

Argazkian, Laguntza Etikoko Batzordeko kideak Saralegi  medikuarekin, ezkerretik lehena.

 

MUXIKA ANAIAK ERREGE KATOLIKOEN GORTEAN

MUXIKA ANAIAK ERREGE KATOLIKOEN GORTEAN. Gure Iragana taldearen eskutik hitzaldia D’Elikatuz gunean.Igandea , apirilak 15, goizeko 11:30etan

Jakina da Ordizia bere historia luzean pertsonai historiko handien sorterria izan dela eta gaur egun ordiziarrek era batean edo bestean ezagutzen dituzte pertsonai hauek. Lehengo otsaileko Ochoa Alvarez de Ysasaga Komendadorearen aurkezpenean ezarri genuen lerroa jarraituz, oraingo honetan pertsonai bat ekarri beharrean gure hiribildu txikiaren historian aro berri baten hasiera ekarri zuten anai –Muxikatarrak- talde batekin gatoz. Gudugarretako (Beasain) Muxika oinetxean ondorengoak eta XV mendean zehar jada Villafrancan kokatuta, Muxika anaiak beren aita eta aitonen karrera esanguratsuak bultzatuta ez zuten denbora asko behar izan haiek kabuz gailendu eta Errege Katolikoen gorteko goi karguak eskuratzeko. Baina batez ere gehien nabarmendu eta Ordiziako historiarentzat garrantzitsuena izan zena Martin de Muxica Komendadorea da.

"ENIRIO ARALAR BATASUNA" GAIA ORDIZIA 750-HISTORIA HITZALDI ZIKLOAN

Alvaro Aragon irakasleak emango du hitzaldia. Ostirala, 19:00 h. Barrenan

Ostiral honetan, apirilaren 13an, arratsaldeko 7etatik aurrera, Alvaro Aragon (Historian Doktorea, ikerlaria, EHU-ko irakaslea eta Euskal Herriko basogintzaren historian aditua)  historialariak  “Enirio-Aralar batasuna” izenburu duen hitzaldia eskainiko du Barrena Kultur Etxean, "Miguel de Aranburu" Gipuzkoako Historialari Elkarteak eta Ordiziako Udaleko Kultura sailak antolatutako “Ordizia 750-Historia” solasaldi zikloaren barruan.

Enirio-Aralarreko mendietako basoek ez zuten XVIII. mendera arte ustiapen gogorrik jasango. Ordura arte Batasunetako biztanleek behar zuten egurra soilik ateratzen zuten, ia ustiapen industrialik gabe. XVIII. mendean, aldiz, beheko aldeko hariztiak agortu zirenean, Enirio-Aralarreko pagoak hasi ziren ustiatzen ikatza, itsasontziak edo arma-kajoiak egiteko. Batik bat, inguruko burdinolak izango dira egur hori beharko dutenak. Dena den, XVIII. mendean ere, arraun industria indartsu bat garatu zen, batik bat, Donostian eta, besteak beste, Enirio-Aralarko pagadiak ustiatuko dituzte. Milaka pago arraunak bihurtu, Donostira eraman, eta handik Europa osora esportatu ziren. Al di berean, XVIII. mendean inguruko baserrien kopurua ugaldu egin zen eta hauek eraikitzeko zura behar zen eta bere biztanleek suegurra behar zuten sukaldatzeko edota beroa hartzeko urtean zehar.

ORDIZIA PROTAGONISTA BETI ARGI BANDAREN IGANDEKO KONTZERTUAN

Kontzertua Parrokian izango da, arratsaldeko 19:00etan

Datorren igandean,  hilaren 18an, arratsaldeko 19:00etan,  Beti Argi Musika Bandak ohikoa den San Jose eguneko kontzertua eskainiko du Eliz Parrokian, Ordizia 750 urteurrenarekin bat eginez, eta horren  harira sorpresaren bat iragartzen dute Bandakoek. Lehen zatian segidako  lanak eskainiko dituzte: Esteban Aranbururen “Santa Ana” eta “A las cumbres” ; Juan Jose Aranbururen “U.C.Villafranca” eta “Orain eta Beti”; eta Jose Luis Gurrutxagaren “C.D. Ordizia” eta “Villafranca U.C.”

Bigarren zatian Jose Javier Gomezen eta Erramun Amundarainen ahotsak lagun eta horiekin batera herrian ezagunak diren beste pertsona batzuekin kanta herrikoiak eskainiko dituzte. Kontzertuaren protagonista ORDIZIA.

 

HITZALDI BERRIA “ORDIZIA 750- HISTORIA” SOLASALDI-ZIKLOAN

“Ordizia en la época de los Austrias: cambios en el horizonte” SUSANA TRUCHUELO HISTORIALARIAREN HITZALDIA (Gasteleraz)

Barrena Kultur Etxea – martxoak 16, ostirala – 19:00 H.

 Ostiral honetan, martxoaren 16an, arratsaldeko 7etatik aurrera, Susana Truchuelo historialariak  “Ordizia en la época de los Austrias” izenburu duen hitzaldia eskainiko du Barrena Kultur Etxean, "Miguel de Aranburu" Gipuzkoako Historialari Elkarteak eta Ordiziako Udaleko Kultura sailak antolatutako “Ordizia 750-Historia” solasaldi zikloaren barruan.

ZURRUMURRUAK ARGITU ETA ELIKAGAI-OHITURA ONAK ZABALDU, OSASUNAREN INGURUKO ZIKLOAREN HURRENGO HITZORDUREN XEDEA

Helburu horrekin etorriko da Ordiziara, hilaren 15ean, Iñaki Irastorza irakasle eta doktorea

Iñaki Irastorza, gastroenterologoa eta elikadura pediatrikoan aditua, Ordiziako D´elikatuzen egongo da hilaren 15ean. Bere hitzaldiaren xede nagusia zurrumurruak argitzea eta umeen elikadurari dagozkion elikagai-ohitura onak zabaltzea da. Haur-elikaduraren inguruko mitoek errealitate faltsuak sorrarazten dituzte, gurasoak nahasiz.Adituak haur-elikaduraren inguruko hainbat mito argituko ditu eta umeen eta elikagaien artean dauden okerreko ideiak azaltzen lagunduko du.Hitzaldia, Ordiziaren sorreraren 750. urteurrenaren barruan antolatutakoa, 18:30ean hasiko da.

Elikatzea beharrezkoa da eta egoki egiten ez bada, gaixotasun iturri izan daiteke.Gorputzak substantzia asko barneratu behar ditu bere ehunak osatzeko eta mantentzeko, eta ezinbesteko duen energia lortzeko, bere oinarrizko funtzioak garatu daitezen.Sustantzia horiek, mantenugai izena dutenak, elikagaietan daude.Elikaduraren oinarrizko xedea organismoak eskatzen dituen osagai elikagarriak ematea da. Horregatik, behar horiek zeintzuk diren jakitea garrantzitsua da.

“ORDIZIA 750- HISTORIA” SOLASALDI-ZIKLOA OSTIRALEAN BARRENAN

“Ordizia en la Gipuzkoa bajomedieval”Susana Trchuelo historialariaren eskutik. Barrena Kultur Etxea – martxoak 9, ostirala – 19:00 H.

Ostiral honetan, martxoaren9an, arratsaldeko 7etatik aurrera, Susana Truchuelo historialariak  “Ordizia en la Gipuzkoa bajomedieval” izenburu duen hitzaldia eskainiko du Barrena Kultur Etxean, "Miguel de Aranburu" Gipuzkoako Historialari Elkarteak eta Ordiziako Udaleko Kultura sailak antolatutako “Ordizia 750-Historia” solasaldi zikloaren barruan.

Villafranca 1268an azaldu zen hiribildu berri bezala Gipuzkoako mapan, Alfonso X.ak pribilegio errodatua eman zionean. Orduan bihurtu zen benetako hiribildua Goierriko ingurunean. Hitzaldian, Erdi Aro Berantiarrean eta Aro Modernoaren lehenengo hamarkadetan, Villafrancaren boterearen sendotze-prozesua azalduko da; bai bere inguruko landa-auzoen gainean izan zuen boterea, bai Gipuzkoa herrialdearen testuinguru zabalenean izan zuena ere.

 


 

OCHOA ALVAREZ DE YSASAGA, "VILLAFRANCAKO HISTORIA EZAGUTZEN" ZIKLOAREN PROTAGONISTA

 “Ochoa Alvarez de Ysasaga Komendadorea, Koroa eta Gipuzkoako Probintziaren zerbitzupeko gizona" hitzaldia, igandean, otsailak 25ean, 11:30etan D'Elikatuz gunean

 

Nahiz eta gaur egun ordiziar gehienentzat guztiz ezezaguna izan, Ochoa Alvarez de Ysasaga Komendadorea 750 urte bete behar dituen gure hiribilduak hazten ikusi duen pertsonaiarik ospetsuenetako bat da.

1470. urte inguruan jaio zen eta ziurrenik bere jaio lekua bere oinetxea izan zen non bertatik bait zetorkion abizena. Oso goizetik Errege Katolikoen interesetarako lanean aurkitzen dugu, honi esker garaiko errege eta infante askoren konfiantza eskuratzea lortu zuen. Honen testigu leialak dira gaur egunera iritsi zaizkigun Ochoa Alvarez de Ysasaga eta errege desberdinen arteko eskutitzak.

IOSU ETXEZARRAGA HISTORIALARIAREN HITZALDIA OSTIRALEAN BARRENAN

“ORDIZIA 750- HISTORIA” SOLASALDI-ZIKLOA  “Gizartea, populaketa eta lurraldearen antolaketa Villafrancaren aurretik” Barrena Kultur Etxea – otsailak 23, ostirala – 19:00 H.

Datorren ostiralean, otsailaren 23an, arratsaldeko 7etatik aurrera, Josu Etxezarraga historialariak  “Gizartea, populaketa eta lurraldearen antolaketa Villafrancaren aurretik” izenburu duen hitzaldia eskainiko du Barrena Kultur Etxean, "Miguel de Aranburu" Gipuzkoako Historialari Elkarteak eta Ordiziako Udaleko Kultura sailak antolatutako “Ordizia 750-Historia” solasaldi zikloaren barruan.

Arkeologiak Erromatar Garaian gipuzkoarrak nola bizi ziren ezagutzeko bidea zabaldu zuen bezala, Erdi Aroaren lehen zatiko Historia berridazteko aukera ere eman digu. Azken hamarkadan egin diren aurkikuntza arkeologikoen aurretik, gure lurraldeko gizartea famili arteko erlazio zurrunetan oinarritzen ziren giza-taldetan antolatzen zela uste genuen.

MARTINEZ NEUROLOGOAK IKTUSARI BURUZKO BIGARREN HITZALDIA OSTEGUNEAN EMANGO DU

Gipuzkoan tratamenduan izandako aurrerapenei buruz hitz egingo du 18:30ean, Zuhaizti gizarte-etxean

Ordiziako neurologo Maite Martinezek Gipuzkoan iktusaren inguruan azken urteotan izandako aurrerapenei buruzko azterketa bat egingo du. Batez ere garuneko infartuaz (faserik zorrotzenean), eta osasun-zerbitzuaren antolamenduan gaixo bakoitzak hobekien doakion tratamendua jasotzeko kudeatu behar izan diren aldaketez jardungo da.

Martinez Ordiziara itzuliko da hiria sortu zeneko 750. urteurreneko egitarauaren barruan antolatutako osasunari buruzko zikloko bigarren hitzaldi horrekin. Hasiera batean Barrena Kultura Etxean egitekoa zen hitzaldia, baina azkenean Zuhaizti gizarte-etxean izango da, 18:30ean, jende gehiagorentzako lekua baitago.

Urtean 1.600 afektatu Gipuzkoan

Ikerketak iktusaren inguruko arretari buruzko ikuspegi berri bat izateko aukera eman du mendearen hasieratik. 2004an, arteriako buxadura azkar batean desegiteko tratamendu berri bat hasi zen aplikatzen Donostiako Unibertsitate Ospitalean, eta 2009an, Donostiako Unibertsitate Ospitaleko Iktusaren Unitatea jarri zen martxan pazienteak lehen orduetan kontrolatzeko.

Hurrengo ekitaldiak

Ez dago ekitaldirik