Udaleko langileek 2013ko ekaineko aparteko ordainsaria aurreratzeko eskatu zuten

Udaleko langileek gaur, urtarrilaren 2an, kobratu dute 2013ko ekaineko aparteko ordainsaria, batzarrean hala erabakita, Udalari aurrerapena eskatu eta gero. Uztailaren 13ko 20/2012 Errege Lege Dekretuak, aurrekontu-egonkortasuna bermatzeko eta lehiakortasuna bultzatzeko neurriei buruzkoak, agintzen du sektore publikoko langileek 2012an izango dituzten ordainsariak abenduko aparteko pagari dagokion neurrian murriztuko direla.

Aparteko paga kentzeak langileei eragiten dizkien ondorioak arintze aldera, ekaineko eta abenduko aparteko pagen aurrerakinak ematea aurreikusi du Udalak, gero kitatzekotan, harik eta lehen esan dugun xedapenak berak dituen artikuluetan dakarren konpromisoa betetzeko modua izan arte*1. Ondorioz, Udalak ondoko erabakiak hartu ditu:

Ordiziako Udala 2013ko aurrekontua prestatzen ari da. Lehengo urtean aurrekontuen azalpena eman zen kontu hartzailea eta Ogasun zinegotziaren eskutik eta aurtengoan, herritarrengana zuzentzen gara 2013ko aurrekontuaren nondik norakoen inguruan lanketa bat egiteko.

Lanketa honetarako bi bilera antolatu ditugu. Lehendabizikoa, datorren asteartea, hilak 18, egingo dugu Udaletxeko Batzar Aretoan arratsaldeko 19:00etan. Bigarrena berriz, gabonetatik bueltan izango da, azken aurrekontu proposamena azaltzeko.

Tasa eta Prezio Publikoak ordaintzeko epea, datorren larunbatean, azaroaren 10ean bukatuko da.

Helbideraturik dauden erreziboei dagokienez, azken egunean kargatuko dira, azaroaren 10ean alegia.

Udal zerga eta tasei dagokienez, aurten orokorrean KPIren igoera izango dugu. Kontutan izanda Fondo Foraletik datorren urterako aurreikusten den jaitsiera, beharrezkoa izan da KPIaren araberako %2.5a igotzea.

Guk Bildutik, Euskal Herriko ezkertiar eta soberanisten arteko bilgunea garen heinean, bizi dugun garai zailetan garbi dauzkagu zein diren gure lehentasunak, gutxien duten herritarren eskubideak bermatzean hain zuzen. Ez dugu udala baliabide gabe ikusi nahi, baina, honen konponbidea ere ez da herritarren karga fiskala handiagotzea, beraz, oreka mantentzera behartuta gaude. Diru sarrerak lortzerako garaian, gehien dutenek, gutxien dutenen aldeko esfortzua egitera bideratzea da gure helburua. Honen haritik, progresibitatearen irizpidea ere aplikatu dugu aurtengo zerga eta tasetan.