ORDIZIAKO UDALAK ALERTA LARANJAKO PROTOKOLOA JARRI DU MARTXAN UHOLDE ARRISKUARENGATIK

2015-01-30 tximistaBiharko alerta laranja ezarri du euri eta elurrarengatik, eta herritarrei arretaz ibiltzeko deia egiten die

Ordiziako Udalak alerta laranjako protokoloa jarri du martxan, prezipitazio iraunkor eta uholde arriskua dagoelako. Esaterako, Tximista zubiaren pareko pasabidea, N-1aren azpian, itxita dago, eta Usunbillagako luizia berritu egin da. Biharko, berriz, alerta laranja ezarri du euri eta elurrarengatik, eta iganderako, alerta laranja elurrarengatik eta horia euriarengatik. Eusko Jaurlaritzako Segurtasun sailak, berriz, Uholdeen Plana 1 egoeran deklaratu du. Hori guztia dela eta, arretaz ibiltzeko eta zentzuz ibiltzeko deia egiten die udalak herritarrei.

ALERTAK            IRAGARPENAK          ELURRA

ERTAINEN EGUNA DELA ETA, ZENBAIT NEURRI HARTUKO DITU UDALTZAINGOAK

2015-01-28 alkoholaAdinez nagusi ez direnen alkohol kontsumoa eragoztea dute helburu neurri horiek

Ordiziako Udaltzaingoak hainbat neurri hartuko ditu ostiralean, hilak 30, ospatuko den Ertainen Eguna (San Bosko) dela eta. Neurri gehienak adinez nagusi ez direnen alkohol kontsumoa eragoztera bideratuta daude, eta sakelako telefonoen lapurreten aurkako jarduera berezi bat ere jarriko da martxan.

ESTOLDERIA ALDATZEKO LANAK HASIKO DIRA GAUR HIRIBURUETA KALEAN

2014-06-30 hiriburuetaLan horiek direla, kale hori bi astez itxita egongo da ibilgailuentzat

Hiriburueta kalean estolderia aldatzeko lanekin hasiko dira gaur, eta hori dela eta, kalea bi astez itxita egongo da ibilgailuentzat. Lanak egingo dituzten enpresako langileak gaur bertan hasiko dira materiala eramaten bertara, eta gaur-biharretan hasiko dira hodi berriak sartu ahal izateko zulatze lanak egiten.

OSTIRALEAN IREKIKO DA OIANGUKO TABERNA

2014-06-03 tabernaEgunero eskainiko du zerbitzua irailaren 30era arte, 11:00etatik gauerdira

Datorren ostiralean, hilak 6, hasiko da Oianguko taberna udako zerbitzua ematen. Taberna irailaren 30a arte egongo da zabalik, eta egunero eskainiko du zerbitzua, 11:00etatik gauerdira bitarte. Ordiziako Udalak Fran Romerori eta Ainhoa Castrori esleitu die tabernaren kudeaketa datozen lau hilabeteetarako. Era askotako jakiak eskainiko ditu bikoteak, eta girotze ekintzak antolatzeko asmoa ere iragarri dute.