APARKALDI MUGATUKO BESTE EREMU BAT GOIERRI KALEAN

2014-01-13 Gune urdinaGune urdineko zortzi aparkaleku horietan ordubetez aparkatu ahalko dira gehienez autoak

Joan den ostiralaz geroztik, urtarrilak 10, aparkaldi mugatuko beste barruti bat dago Ordizian, Goierri kaleko aparkalekuan. Gune urdineko zortzi aparkaleku egokitu dira eremu horretan, eta autoak ordubetez aparkatu ahalko dira gehienez. Aparkaldi mugatua astelehenetik ostiralera egongo da indarrean, 09:00etatik 13:00era eta 16:00etatik 20:00etara. Azaroko osoko bilkuran eman zion Udalbatzak oniritzia gune urdin berri hori ezartzeari.

ABENDUAREN 24AN ETA 31N EZ DA HONDAKIN BILKETA ARRUNTIK IZANGO

Atez ate 02Garbiguneko emergentziazko guneaz gainera, San Joanen, hilerriko aparkalekuan, organikoa biltzeko edukiontziak jarriko ditu udalak

Abenduaren 24 eta 31an, Eguberri jaietako bi astearteetan, ez da atez ateko bilketa zerbitzu arrunta izango. Ordiziako Udalak, herritarrei erraztasunak emate aldera, edukiontzi marroiak jarriko ditu San Joango auzoan, hilerriko aparkalekuan. Horrez gain, Garbiguneko emergentziazko gunera ere jo daiteke.

Gainontzeko egunetan hondakinen gaikako bilketa zerbitzua ohikoa izango da, eta egun bakoitzean dagokion frakzioa atera ahal izango dute herritarrek.

AUTOBUS GELTOKIETAN ALDAKETAK EGUBERRIETAKO AZOKA DELA ETA

2013-12-18 AutobusaOrdizia kaleko autobus geltokia, esaterako, ez da erabilgarri egongo

Abenduaren 24ean Ordizian ospatuko den Eguberriko Azoka Berezia dela eta, aldaketa batzuk izango dira autobusen geldialdietan:

-Beasain norabideko Goierrialdeako autobus geltokiak (Tximista, Gudarien Etorbidea, Ordizia eta Urdaneta 40), Joseba Rezolako geltokietan (Renfe, bomberia) , Otegi-Enea (ANEXO)ko geltokian eta Urdaneta 78 (Malkasko) ko geltokian jarriko dira.

HAINBAT KALE TRAFIKOARI ITXITA EGONGO DIRA EGUBERRIETAKO FERIAN

2013-10-17 ItxitaGoizeko lehen orduan etengo da autoen zirkulazioa eta arratsaldean irekiko da

Datorren asteartean, abenduak 24, Eguberrietako aparteko feria ospatuko da Ordizian, eta horren ondorioz hainbat kale trafikoari itxita egongo dira, eta ezingo da herria zeharkatu. Beasain alderako autobus zerbitzua ere eten egingo da kaleak garbitu bitartean.

Garagartza plaza trafikoari itxiko denez, zirkulazio guztia Sanperio kaletik San Joan auzora desbideratuko da, eta handik N-1 autobidea erabili beharko dute gidariek Beasain aldera joan ahal izateko.

Goizeko lehen orduan, 07:00etan, etengo da autoen zirkulazioa eta arratsaldean irekiko da atzera.