GAUR EGINGO DA MARTXOKO OSOKO BILKURA

2015-03-26 PlenoaBesteak beste, alokairu soziala sustatzeko diru-laguntzak ematea arautuko dituzten oinarriak aztertuko dira

Ordiziako Udalbatzak gaur, hilak 26, egingo du martxoari dagokion osoko bilkura, 19:00etan. Espainiako bandera udaletxean jartzearen kontrako adierazpen instituzionala, plan ekonomiko-finantzieroaren onarpena, Ordiziako Hiriguneko trafikoa arautzeko ordenantzaren behin betiko onarpena eta Ordiziako herritarrek etxebizitzak alokatzeko diru-laguntzak ematea arautuko dituzten oinarriak hasieraz onartzea dira bilkurako gai aipagarrienak.

LANPOSTU DEIALDIA. TAO ZAINTZAILEA ALDI BATERAKO

2015-03-05 TAOEskabide orriak aurkezteko azken eguna martxoaren 14a da

Ordiziako Udalak TAO guneen (gune urdina) zaintzaile izateko lanpostu baterako deialdia egin du. Lanpostua aldi baterakoa izango da, eta aurkezten diren pertsonen artean lan-poltsa osatuko da. Informazioa, baldintzak eta eskabide-orriak Herritarren Arretarako Udal Bulegoan daude eskuragai (astelehenetik ostiralera, 08:00-13:30), eta baita udaleko webgunean ere. Eskabideak aurkezteko epea martxoaren 14an bukatuko da. Lotura honetan duzue informazio gehiago.

BIHAR EGINGO DA OTSAILEKO OSOKO BILKURA

2015-02-26 PlenoaBesteak beste, Martxoaren 8ari begirako adierazpen instituzionala aztertuko da

Ordiziako Udalbatzak bihar, hilak 26, egingo du urteko bigarren osoko bilkura, 19:00etan. Bildu taldeak Emakumeen Nazioarteko Egunari proposatutako adierazpen instituzionala, talde sozialistak hondakinen inguruan aurkeztutako proposamena, Giltzagune proiektua burutzekoa, eta Koordinazio Soziosanitarioko Protokoloa onartzea dira bilkura gai aipagarrienak.

BIHAR EGINGO DA 2015EKO LEHEN OSOKO BILKURA

2015-01-28 PlenoaBesteak beste, Ordizian merkatari elkarteak aurkeztutako mozio bat aztertuko da

Ordiziako Udalbatzak bihar, hilak 29, egingo du urteko lehen osoko bilkura, 19:00etan. Ordiziako Bake Epaitegiko arduradunak Erregistro Zibilaren kudeaketa merkataritzako erregistratzaileen esku uztearen aurka aurkeztutako mozioa eta Ordizian Merkatarien Elkarteak Merkataritza Legearen aldaketaren inguruan aurkeztutako mozioa izango dira, besteak beste, aztertuko diren puntuetako bi.