DANBORRADAREN 100 URTE. BILERA DEIALDIA ETA ARGAZKI BILKETA

Danborrada argazkia 1934tik aldizkaritik hartutaWEB Batzorde bat eratu nahi du ordiziar talde batek mendeurreneko ekitaldiak antolatzeko

Ordiziako danborrada ordiziar gehienok barnean daramagun jairik garrantzitsuenetakoa da zalantzarik gabe, eta aurten bere mendeurrena beteko du, nahiz eta bere jatorriari buruzko zalantzak egon. Herriko Patxi Garmendia "Mendigar"ek 1988 urteko Santa Ana aldizkarian horri buruz honakoa idatzi zuen: "ez dagoela Danborradari buruzko berariazko erreferentziarik 1913an gaur egun hitzak berak duen esanahia zehatzarekin, baina urte horretan antzeko ekitaldi edo ikuskizunen bat antolatu zen adineko pertsonek gogoan gorde baitute egun hori.

MIAMI AZPIKO LOKALA EGOKITU DA KULTUR TALDEEN ERABILERARAKO

2013-01-08 LokalaUdalak Cartonajes Nadal enpresaren lokalak erosi zituen iaz kultur azpiegiturak sortzeko.

Baina inbertsio honek epe luzerako lanketa eskatzen du eta, bien-bitartean, Udala hasi da pixkanaka kultur-taldeei behin behineko intenbideak ematen. Urrup antzerki taldeak eta Amets Bide dantza taldeak erabiliko dute, momentuz, kultur ekipamendu berria.

Bi taldeok Milagrosa ikastetxean izan dute biltegi gela orain arte, baina entsaiatzeko beste zenbait lokaletan ibili behar izan dute (Urdaneta ikastetxea, Jakintza ikastola, gazte lekua...). Hemendik aurrera, gela berria konpartituko dute eta nahiz eta beste lokal batzuk erabiltzen jarraituko duten, lokal finkoa edukitzea oso lagungarri izango zaie haien jardunean.

Aurrera begira, eta kulturgintzan dauden beharrak ikusita, besteak beste, musika-taldeentzat lokal batzuk non egokitu pentsatzen ari da Udala.

ANTZERKI GARAIA PROGRAMAZIOA AURKEZTU DA

IMG 1373QWEBORDIZIA-BEASAIN "ANTZERKI GARAIA" 2013 EGITARAUA
ANTZERKI GARAIA XIX EDIZIOA

Urtarrilaren 11an, Beasaingo Usurbe Antzokian zabalduko da "Antzerki Garaia" izeneko egitasmoa, "Esta noche no estoy para nadie" lanarekin.

"Antzerki garaia" egitaraua Beasain eta Ordiziako Udaletako Kultura Sailek bultzatu eta antolatu dute, Gipuzkoako Foru Aldundiaren eta Euskadiko Antzerti sarearen lankidetzekin.

Jakina denez, kanpaina horrek 1995eko lehen hiruhilekoan eman zituen lehenengo urratsak; beraz, aurtengoa Goierriko antzerti-denboralditxoaren hemeretzigarren ekitaldia da.

TELEFONO MUGIKORRETARA EGOKITUTAKO AZOKAREN GAINEKO APLIKAZIOA

Sin títuloOrdiziako azokak hizkuntza bat garatu du belaunaldi berriekin konektatzeko eta bezero berrietara iristeko

Beren erakusleihoa mundura zabalduz, telefono mugikorretara egokituriko aplikazioa sortu da, kontsumitzaile eta lehenengo sektorekoei erreferentziazko gerta dakien.

Aplikazioak produktuen deskripzio, preskripzio, prezio minimoa eta altuenak jasoaz, eta zein ekoizleren eskutik eskura daitezkeen adieraziaz doako aplikazio praktikoa argitaratu da Android eta Apple sistemetarako egokitua. Behingoz, garaian garaiko produktuak zeintzuk diren ez da teorizazio batetik etorriko, azokan azaldu ahala bertan jasoko baitira "berriak" eta "sasoiko"-en atalean.