'Hannah Arendt' filmak irekiko du abenduko kartelera, Euskararen Astearen barruan

Abenduaren 13an 'Uda minean negua' dokumentala proiektatuko da, memoria historikoa berreskuratzeko lan taldeak egindako ikusentzunezkoa

Dagoen film aniztasunaz nabarmentzen da abenduko zine kartelera. Euskararen Astearen barruan, 'Hannah Arendt' filmak emango die irekiera abenduko saioei. Abenduaren 13an, memoria historikoa berreskuratzeko lan taldeak ekoitzitako 'Uda minean negua' dokumentala proiektatuko da. Bi film hauek ikusteko sarrera doan da. Eguberrietako filmen artean, abenduaren 26an, Placido Domingo eta Ana Mari Martinezen 'Amor. Vida de mi vida' zartzuela errezitaldia emango du Herri Antzokiak. Eta urtarrilaren 5eko goizean, 'Niko 2' filma izango da haurrentzako. Sarrera doan da honetan ere, eta sariak zozkatuko dira. Astebururoko saioak eta zinema alternatiboa ere izango dira.

Bilera bihar, hilak 2, izango da Barrena kultur etxean, 19:00etan

Ordiziako Udalak 'Ordizia zabalik' 2015eko aurrekontu parte-hartzaileen prozesuarekin jarraitzen du. Herriko eragileekin hainbat lan bilera egin ditu Udalak eta prozesuan zehar eragileengandik eta herritarrengatik jasotako proposamenekin garatuko ditu Ordiziako Udalak 2015eko aurrekontuak. Jasotako ekarpenen artean, kultur azpiegitura eta Herri-Kafe Antzokiaren gaia aztertzea dago, eta gaiak hausnarketa sakona behar duenez, lan-talde bat sortzea da helburua. Lan-talde hori sortzeko bidean, eta lehen urrats modura, bihar asteartea, hilak 2, Barrena kultur etxean 19:00etan egingo den bileran parte hartzeko deia egin diete herritarrei, eta modu berezian herriko kultur eragileei.

Euskararen Asteko ekitaldiak eta Memoria Historikoa Berreskuratzeko taldearen ekimenak nabarmen Eguberrien aurreko agendan

Dagoeneko kalean da Ordiziako Udalaren abenduko kultur agenda. Honakoak, abenduaren 18a bitarteko ekitaldiak biltzen ditu, abenduaren bigarren hamabostaldian Eguberrietako agenda berezia banatuko baita. Euskararen Asteko egitaraua eta Memoria Historikoa Berreskuratzeko taldearen 'Ahaztuen mindura' liburuaren aurkezpena eta 'Uda minean negua' dokumentalaren proiekzioa dira aipagarrienak lehen hamabostaldi honetan. Hilaren 11n Roberto Bermejo EHUko irakaslea mugikortasun iraukorraz ariko da; hilaren 12tik 14ra Liburu eta Disko azoka egingo da; eta hilaren 18an Katxalin elkarteak bularreko minbiziari buruzko hitzaldia egingo du. Zuhaizti zentro sozialean hitzaldi zikloa egingo dute, eta Herri Antzokiak ere zine programazio anitza du.

DESKARGATU ABENDUKO AGENDA PDF FORMATOAN

Kontzertua igande honetan, arratsaldeko 18:30ean Parrokian.

Ordiziako Udalaeta Gipuzkoako Foru Aldundiak antolatuta,  Barroko Aire zikloak, Ordizian arrakastaz ospatu dena, amaiera bikaina izango du igande honetan, “Lux in tenebris” taldeak eskainiko duen kontzertu interesgarriarekin. Programan, Telemann, Haendel, Vivaldi, Scarlatti eta Purcellen lanak. Kontzertua igandean,  arratsaldeko 18:30etan Ordiziako Eliz Parrokian.

LUX IN TENEBRIS taldeak segidako musikariak osatzen dute: Jose M. Azkue, Oboe barrokoa eta Zuzendari Artistikoa, Abenauara Graffigna  sopranoa, Leonor de Lera biolin barrokoa,  Alejandro Marìas txelo barrokoa eta viola da gamba eta Loreto Aramendi klabezina