Lehen kontzertua 19:00etan da, eta bigarrena 23:00etan

Larunbat honetan, hilak 18, Arama Jazzek Udaberrian Martxan ekimenaren barruan antolatu dituen bi kontzertu izango dira Barrena parkean. Barrena Big Band (Ordiziako Musika Eskola) taldearen saioa 19:00etan hasiko da, eta The Cherry Boppers kartelburuarena 23:00etan. Bi emanaldiak doan dira.

Info +: https://www.facebook.com/pages/Goierriko-Jazzaldia/492011734205146

Txintxeta Produkzioak “Potologuak” antzerki lana aurkeztuko du ostirala honetan Ordiziako Herri Antzokian, Nagore Aranburu, Mikel Pagadi eta Egoitz Lasa aktoreekin.

Ostiral honetan, hilaren 17an, amaiera emango zaio Ordizian, Beasain eta Ordizia Udaleko Kultura Sailek antolatutako “Antzerki Garaia” egitarauari. Antzerki egitarau hau Euskadiko Antzoki  Sarearen barnean kokatzen da eta Foru Aldundiko eta Eusko Jaurlaritzako Kultura sailek laguntzen dute.

Eta programazioari amaiera emateko Txintxeta Produkzioak ”Potologuak” antzerki lana aurkeztuko du, Herri Antzokian ostiralean gaueko 10:15ean.

Orain bi urte sortutako 'Bodologuak” lanak izandako harrera onak bultzatuta eta bakarrizketa, gauzak kontatzeko gustuko formatua dutelako 'Potologuak' izeneko lanean murgildu da Txintxeta taldeko hirukotea: Nagore Aranburu, Mikel Pagadi eta Egoitz Lasa.

Antzerki Garaiko azken emanaldia, Jazz kontzertuak eta kirol erakustaldiak izango dira

Artzain Eguna igarota, datorren astean abiatuko da atzera Ordiziako kultur programazioa. Hilaren 14an eta 24an Gastronomia zaleentzako ikastaroak izango dira D'elikatuzen Basque Culinary Centerrekin elkarlanean; hilaren 15, 23 eta 28an ipuin kontaketa saioak; hilaren 17an, Antzerki Garaiko azken saioa ('Potologuak'); 18an, Hesietan heziz jardunaldia eta Jazz Kontzertuak (Barrena Big Band eta The Cherry Boppers); 25ean Wu-Shu erakustaldia eta 26an hegaztiak eraztuntzeko saioa Oiangun. Horrez gain, erakusketa, hitzaldi eta tailer bana izango dira Barrenan, eta film emanaldiak Herri Antzokian.

KULTUR AGENDA (PDF)

Barrena Kultur Etxeko Erakusketa Aretoan “Ura, haizea, sua, harriak eta orrialdeak” izeneko talde erakusketa aurkeztuko da

Apirilaren 13tik 30era Barrena Kultur Etxeko Erakusketa Aretoan “Ura, haizea, sua, harriak eta orrialdeak” izeneko talde erakusketa izango da ikusgai. Erakusketa ohiko ordutegia izango du: Astelehenetik larunbatera, arratsaldeko 6etatik 8etara (Igandetan eta jaiegunetan itxita). Inaugurazioa ostirala honetan, hilaren 10ean, izango da arratsaldeko 19:00etan.