Jantzien banaketa datorren astelehenean egingo dute antolatzailek.

Haur Danborradaren antolatzailek adierazi nahi dute jantzien banaketa datorren astelehenean, uztailak 6a, egingo dela “Zatozte” lokalean (tren geltoki aurrean). 1. mailatik aurrera banatuko dira jantziak, segidako ordutegiarekin:

15:00etan  DBH1 , 6. Eta 5. Maila

15:45etan   4. Maila

16:45etan   3. Maila

18 :00etan  2. Maila

19 :00etan   1go maila (kasu honetan gelditzen diren arropak dauden haurren artean zozketatuko dira)

Ostirala arte Ordizia nanomagnetismoaren munduko erreferentea bihurtu da.

Gaur goizean inauguratu da ofizialki Nanoteknologia eta Nanomagnetismo Kongresua (RTNSARecent Trends in Nanomagnetism, Spintronics and their Applications) Ordizian. Bertan izan dira Hezkuntza, Hizkuntza Politika eta Kultura sailburua, Cristina Uriarte, eta UPV/EHUko errektorea, Iñaki Goirizelaia. Bidelagun izan dituzte 2007ko Fisika Nobel Sariak, Albert Fert eta Peter Grümberg. Anfitrioiak, udalerriko alkate Jose Miguel Santamariak, egin die harrera kongresuko antolatzaileekin batera.

Agintarien harrera ofiziala baino lehen, bi Nobel sariek eta Mario Baibich maisuak, magnetorresistentzia erraldoiaren eraginaren aurkitzaileek alegia, Julián González fisika katedradun eta kongresuaren antolatzailearekin batera, Ordiziako Ohorezko Liburuan sinatu dute eta oroigarri bat jaso dute udal agintarien eskutik.

Ordezkariek kongresuaren maila zientifikoa goraipatu dute eta zientziaren garrantzia nabarmendu. Cristina Uriarte sailburuaren aburuz, zientzia “erronka kolektiboa da gizadiarentzat”. Aipatu duenez gobernu honen helburua talentua erakartzea da, zaintzea eta indartzea. “Euskadik ikerkuntza zientifikoa sustatu du eta azken urteetan hazkuntza nabarmena eman da erakunde berriak sortuz (BERC-Oinarrizko Ikerketa eta Bikaintasun Zentroak) nazioarteko ikerketa talde nagusiak barne hartuz eta ezagutzaren sorkuntza bultzatuz interes zientifikoa duten eremuetan”.

Adin guztietako auzotarrentzako ekintzak antolatu dituzte, eta musikak toki nabarmena du egitarauan

Datorren ostiraletik igandera bitartean, hilaren 3tik 5era, ospatuko dira Altamira auzoko jaiak. Ostiral arratsaldeko txupinazoarekin abiatuko dira, eta Sardinaren Hiletarekin amaitu, igande gauean. Hiru eguneko egitarau betea prestatu dute auzotarrek, adin guztietako jendeari begirakoak. Txapelketa eta lehiaketez gain, estilo ezberdinetako musika entzuteko aukera izango da.

Aurtengo jazzaldia uztailaren 3an, ostiralarekin, hasiko da, Ordizian, arratsaldeko 7-etan, plaza nagusian.

Iritsi da uztaila aurten ere, eta uztailarekin batera jazz-a datorkigu Goierri aldera. Goierriko Jazzaldia uztailaren 3 eta 4-ean ospatuko da Aramako eta Ordiziako udalerrietan. Pixkanaka pixkanaka, jazzaldia berezko nortasuna lortzen ari da eta bi edizioren ondoren, bailarako kultur agendan presentzia geroz eta haundiagoa lortzen ari da. Azken hilabete hauetan, antolakuntzak gogotik lan egin du egitarau on bat eskaintzeko. Orain, egitaraua itxia dagoen momentu honetan, antoltatzaileek aurrikuspenak beteko direla espero dute.

Iaz bezala, aurtengo jazzaldia uztailaren 3an, ostiralarekin, hasiko da, Ordizian. Arratsaldeko 7-etan, plaza nagusian, Secundino Esnaola Big Band-ek emango dio hasera Goierriko Jazzaldia 2015-eko edizioari. Big band hau Ordiziako Edorta de Pedro-k zuzentzen du, eta beren musikarekin herriko kaleak musika alaiarekin pozteaz gain, jazz-aren festa hasten dela iragarriko dute.

Gaueko 11-etan, jazzaldiak D’elikatuz gunean jarraituko du Girls in Band taldearekin. Talde hau Elsa Lizundia, Elisabet Raspall, Queralt Camps eta Lucía Martínez-ek osatzen dute. Beraiek sorturiko musika eskaintzeaz gain, Miles Davis edo John Coltrane bezalako erreferentzia klasikoak ere erabili ohi dituzte kontzertuetan. Girls in Band-ek kolorez beteriko musika ziragarria eskainiaz ikusentzuleak unkitzeko gaitasuna du. Aldi berean, talde honen helburu nagusietako bat jazzeko historiako emakumeei behar den bezalako omenaldi moduko bat eskaintzea da.