IGANDEAN HARRERA ESTANDA ORDIZIARI

2014-05-23 estandaUdaletxeko pleno aretoan izango da, 18:30ean, mailaz igotzea lortu ala ez

Ordiziako Udalak harrera egingo dio igandean Estanda Ordizia areto futboleko nesken taldeari. 18:30ean izango da ekitaldia, udaletxeko pleno aretoan, mailaz igotzea lortu ala ez. Estanda Ordiziak bihar, larunbata, jokatuko du Bartzelonan Espainiako Lehen Mailara igotzeko itzuliko partida Rubi taldearen aurka. Bi goleko abantailarekin doa taldea Kataluniara, joanekoan, 3-1 irabazi baitzuen Ordiziak Majorin, harmailak bete bete eginda zeudela.

ESTANDA ORDIZIA BI GOLEKO ABANTAILAREKIN JOANGO DA BARTZELONARA

2014-05-19 estandaAmpo Ordizia ligako titulurako lehiatik kanpo geratu da, eta futbol taldeak Erregional Preferenteko liga irabazi du penaltietan

Espainiako Zilarrezko mailatik Lehen Mailara igotzeko borrokan ari den Estanda Ordizia areto futboleko nesken taldeak 3 eta 1 irabazi zion joan den larunbatean Majorin Bartzelonako Rubi taldeari. Kataluniarren kantxara bi goleko aldearekin joango dira ordiziarrak. Errugbian, Ampo Ordiziak 29-27 galdu zuen Complutense Cisnerosen aurka Madrilen, eta titulurako lehiatik kanpo geratu da, denboraldi ofizialari bukaera emanez. Eta futbolean, Ordiziak Usurbil hartu zuen mendean Erregional Preferenteko finalean. Partida bina bukatu zen, eta penaltietan nagusitu ziren Igor Sukiaren mutilak.

LARUNBAT OPAROA ORDIZIAKO KIROL TALDEENTZAT

2014-05-14 estanda Estanda Ordiziak lehen mailara igotzeko partida du Majorin, eta Ampo Ordiziak titulurako final laurdenetako lehia Madrilen

Ordiziako futbol taldeak Ohorezko Erregional Mailara igotzeko txartela lortu du asteburuan

Kirol mailako liga ezberdinak azken txanpan sartu diren honetan, Ordiziako bi taldek partida erabakigarriak jokatuko dituzte larunbatean. Estanda Ordizia areto futboleko nesken taldeak 1. mailara igotzeko play-offetako joaneko partida jokatuko du Bartzelonako Rubi taldearen aurka Majorin. Ampo Ordiziak, berriz, Complutense Cisneros taldearen aurka neurtuko ditu indarrak Madrilen titulurako final laurdenetako lehian. Denboraldiko helburua lortu duena Ordiziako futbol taldea izan da, Ohorezko Erregional Mailara igotzea lortu baitu pasa den asteburuan.

EH ITZULIA 2014. ORDIZIA-URDAZUBI ETAPA. ARGAZKI GALERIA

2014-04-08 itzulia Pako Buldainen senideek jaso dute antolatzaileen eta udal agintarien omenaldia

Aurreikusi bezala, 13:15 izateko minutu gutxi batzuk falta zirela abiatu da Ordiziatik Euskal Herriko Txirrindulari Itzuliko bigarren etapa Urdazubi aldera. Atzo adinako jenderik ez, giro lasaian egin dute txirrindulari sinadura kontrola. Alberto Contador liderrak Ordiziako Udaleko liburuan ere sinatu du, eta Oiangu baserriko argazki bat eman diote opari Igor Eguren alkateak eta Juan Mari Gereñu zinegotziak. Etapa hasieran Pako Buldainen senideek jaso dute omenaldia. Gaurko irudiak hemen ikus daitezke.