IGANDEAN JOSETXO IMAZ XIV. MEMORIALA

2014-09-24 josetxoimazHaurren probak 10:00etan hasiko dira, eta lasterketa herrikoia 11:00etan

Aurreko hamahiru urteetan bezalaxe, iraileko azkeneko igandean (hilak 28) jokatuko da aurten ere Goierriko herri lasterketarik parte hartzaileena, Josetxo Imazen Oroimenezko proba. Altamira estadioan hasi (11:00) eta bukatuko da proba. Aurrez, 10:00etan, eskola kiroleko umeen lasterketak izango dira, eta proba nagusia baino lehen (10:55) patinatzaileak abiatuko dira. Txindoki atletismo taldea da probaren antolatzailea. Lasterketa hau dela eta, Urdaneta kalea, Joseba Rezola pasealekua eta Altamirako auzoko kaleak itxita egongo dira 11:00etatik 12:30era.

Eskuorria hemen
Informazio gehiago: http://www.txindokiat.com/memo.html

SANTA ANA JAIAK 2014. GORKA IZAGIRREK HIRUGARREN ALDIZ IRABAZI DU ORDIZIAKO KLASIKA. SAILKAPENAK ETA ARGAZKI GALERIA

2014-07-25 izagirreLuis Leon Sanchez hartu du mendean Ordiziako helmugan; giro bikaina eta zale ugari izan da ibilbide guztian zehar

Gorka Izagirre (Movista) txirrindulari ormaiztegiarrak hirugarren aldiz irabazi du Ordiziako Klasika, 2010ean eta 2012an lortutako garaipenak errepikatuz. Luis Leon Sanchez (Caja Rural) hartu du mendean Ordiziako helmugan, esprint estu batean. Hirugarren Jose Herrada (Movistar) sailkatu da. Giro bikaina izan da ibilbide guztian zehar, eta zale ugarik jarraitu du 91. Klasika, askok eta askok Gaintzako igoeran.

SAILKAPENAK 

ARGAZKI GALERIA 

HAINBAT KIROL TXAPELKETAREN FINALAK ETA FINALERDIAK SANTA ANA JAIEN ATARIAN

2014-07-09 futbolaFutbol, pala, esku-pilota, saskibaloia eta pala motzeko azken partidak jokatuko dira larunbatean hasita

Gero eta gutxiago falta da Santa Ana jaiak hasteko, eta horren adierazle dira datozen egunetan jokatuko diren kirol txapelketen finalak. Jokatzen lehena Kuadrilla arteko 35. Futbol Txapelketaren finala izango da. Larunbat goizean jokatuko da, Altamirako anexoan. Asteartean Xabi Aiestaranen oroimenezko finalaurrekoak jokatuko dira; asteazkenean Esku-pilota txapelketa herrikoiaren finala; eta ostegunean, saskibaloi txapelketaren finala eta Ordizia Hiria pala motzeko txapelketaren finalerdiak.

LARUNBATEAN ZABALDUKO DIRA KANPOKO IGERILEKUAK

2014-06-17 udaIrailaren 14ra arte egongo dira irekita, eta bi egunetan soilik itxiko dira, uztailaren 26an eta irailaren 10ean

Udaleku zerbitzuaz ez ezik, Santa Ana jaietan eta Euskal Jaietan zaintza zerbitzua ere eskainiko du Majorik

Datorren larunbatean, hilak 21, zabalduko dira Majoriko kiroldegiko kanpoko igerilekuak. Irekiera egunetik uztailaren 18ra, eta abuztuaren 9tik irailaren 14ra (itxiera eguna) kanpoko igerilekuak 11:00etatik 20:45era egongo dira irekita, eta uztailaren 19tik abuztuaren 8ra 09:00etatik 20:45era. Bi egunetan soilik itxiko dira, Santa Ana egunean (uztailak 26) eta Euskal Jaietako aparteko azokan (irailak 10).