ORDIZIAKO MENDI ASTEA HILAREN 24TIK 27RA

2014-11-21 mendiasteaBarrena kultur etxean izango dira saio guztiak, 19:30ean

Datorren asteko astelehenetik ostegunera ospatuko da Ordiziako Mendi Astea. Astelehenean Goierriko Mendizale Beteranoen emanaldia izango da; asteartean Javier Camacho Gimenoren 'Mountains Dreams' proiektuko irudiak; asteazkenean Mikel Saez de Urabain ordiziarrak Kaukasoko Ushba mendira egindako igoera; eta ostegunean, Alberto Iñurrategiren 'Porrotaren alde' hitzaldi-proiekzioa. Saio guztiak Barrenan dira, 19:30ean hasita. Mendi Astea Ordiziako Mendizaleek antolatu dute, Ortzadar Argazki Elkartearen, Hitzaro Euskara Elkartearen eta Ordiziako Udalaren laguntzarekin.

AZAROAK 22 ETA 23. ORDIZIAKO KIROL KARTELERA

2014-11-20 majoriMajorin, Altamiran eta Beti-Alai pilotalekuan izango diren partiden taula

Asteburu emankorra dator hau ere Ordizian kirol jardunari dagokionez. Majorin 21 partida jokatuko dira, Altamira eta anexoaren artean 14, eta Beti-Alai pilotalekuan larruzko paletako lau. Hemen jaits dezakezue larunbat eta igandeko kirol kartelera.

ASTEBURUKO PARTIDAK ETA EKINTZAK ORDIZIAKO KIROL INSTALAZIOETAN

2014-11-14 kirolinstalazioMajorin, Altamiran eta Beti-Alai pilotalekuan izango diren ekitaldien zerrenda PDF formatoan

Aurrerantzean Ordiziako kirol instalazioetan astebururo izango diren kirol partida eta bestelako ekintzen zerrenda argitaratuko da udaleko webgunean, eskola kiroletik hasi eta maila gorenetaraino (Futbola, saskibaloia, errugbia, F-7, eskubaloia, esku-pilota, pala...). SAKATU HEMEN ekintzen taula ikusteko.

IGANDEAN JOSETXO IMAZ XIV. MEMORIALA

2014-09-24 josetxoimazHaurren probak 10:00etan hasiko dira, eta lasterketa herrikoia 11:00etan

Aurreko hamahiru urteetan bezalaxe, iraileko azkeneko igandean (hilak 28) jokatuko da aurten ere Goierriko herri lasterketarik parte hartzaileena, Josetxo Imazen Oroimenezko proba. Altamira estadioan hasi (11:00) eta bukatuko da proba. Aurrez, 10:00etan, eskola kiroleko umeen lasterketak izango dira, eta proba nagusia baino lehen (10:55) patinatzaileak abiatuko dira. Txindoki atletismo taldea da probaren antolatzailea. Lasterketa hau dela eta, Urdaneta kalea, Joseba Rezola pasealekua eta Altamirako auzoko kaleak itxita egongo dira 11:00etatik 12:30era.

Eskuorria hemen
Informazio gehiago: http://www.txindokiat.com/memo.html