ROBERTO BERMEJOREN SAIOAREKIN HASIKO DA HILAREN 11N MUGIKORTASUN IRAUNKORRARI BURUZKO HITZALDI ZIKLOA

2014-12-04 bermejoEHUko irakaslea erregai fosilen agortzearen ondorioei buruz ariko da Barrenan, 19:00etan

Ordiziako Udaleko Mugikortasun eta Garapen Iraunkorreko delegazioak mugikortasun iraunkorrari buruzko hitzaldi ziklo bat antolatu du. Saio hauen helburua mugikortasun iraunkorra zer den, eta herri eta hirietan nola txerta daitekeen azaltzea da. Lehen hitzaldia datorren ostegunean, hilak 11, izango da Barrenan, 19:00etan. Bertan, Roberto Bermejo EHUko Ekonomia Iraunkorreko irakasleak 'Combustibles para un transporte sostenible' ('Garraio iraunkor baterako erregaiak') hitzaldia egingo du, gazteleraz.

IDOIAGA PLAZAKO ZEBRA BIDEAN PIBOTEAK JARRI DIRA OINEZKOEN SEGURTASUNA BERMATZEKO

2014-12-04 idoiagaIbilgailuek zebra bidean bertan bira ematea eragotzi nahi da neurri honekin

Buztuntzako auzoko Idoiaga plazako zebra bidean bost pibote jarri dira oinezkoen segurtasuna bermatzeko. Udaltzaingoak jakinarazi duenez, neurri horrekin ibilgailuek zebra bidean bira ematea eragotzi nahi da, izan ere, dagoeneko pare bat harrapatze gertatu baitira eremu horretan. Beira jasotzeko edukiontzia momentuz bere horretan mantenduko da.

FILIPINAK KALEKO 17. ZENBAKIAREN PAREKO APARKALEKUAK BIDEZ ESKUIN ALDERA JARRIKO DIRA

2014-11-27 filipinakGaur egun ezker aldera daude aparkalekuak, eta neurri honekin ibilgailuen abiadura murriztea lortu nahi da

Ordiziako Udaltzaingoak jakinarazi duenez, Filipinak kaleko 17. zenbakiaren parean dauden aparkalekuak lekuz mugituko dira datorren astean, zebra bidetik zebra biderako tartean daudenak. Gaur egun, aparkalekuak bidez ezkerrera daude, eta aldaketa honekin, bidez eskuin aldera jarriko dira aparkalekuak. Aldaketa honen helburua San Joan auzotik herrigunera sartzen diren ibilgailuen abiadura moteltzea da. Udaltzaingoak kexu ugari jaso ditu autoen abiadura dela eta, eta neurri hau hartzeko erabakia hartu du.

IRAILEAN ETXEKO HONDAKINEN %79 BILDU DA GAIKA

2014-10-16 konpostaMartxoan portzentaje bera lortu zen, baina orduan baino 12 tona gehiago bideratu dira irailean birziklatze guneetara

Udako joera hobetuz, irailean etxeko hondakinen %79 bildu da gaika Ordizian. Irailean 236.660 kilo bildu ditu Sasieta Mankomunitateak Ordizian; horietatik 186.820 kilo (%79) birziklatzeko guneetara bideratu ditu, eta 49.840 kilo (%21) zabortegira. Martxoan portzentaje berera iritsi zen Ordizia, baina aipatzeko da iraileko kasuan 12 tona gehiago bildu dela gaika (martxoan 174.310 kilo eta irailean 186.820 kilo). Nabarmentzekoa da baita ere, 4.419 kilo hondakin organiko bilketa zirkuitutik ateratzen direla Ordizian, eta konpost bihurtzen direla hilero autokonpostaren eta auzokonpostaren bidez. Sasieta osatzen duten 22 herrien bataz bestekoa aintzat hartuta, gaikako bilketa %59raino igo da irailean, eta %41 zabortegira bideratu da.

PISAKETAK HERRIZ HERRI 2014 (PDF)