OREJA PARKEAN ERE HASI DIRA AUZOKONPOSTA EGITEN

2013-11-27 Auzokonpostagunea parkeanEremu horretako sei familia ari dira joan den astelehenetik; beste lau gune ere prestatzen ari da udala

Joan den astelehenaz geroztik, azaroak 18, Ordiziako beste sei familia ari dira auzokonposta egiten Ordiziako Udalak Oreja parkean jarri duen auzokonpostgune berrian. Ordizian martxan dagoen bigarren auzokonpostgunea da, lehena aurtengo apirilean jarri baitzen martxan Arabako kaleko berdegunean. Joan den astean martxan jarri zenaz gain, udala beste lau gune prestatzen ari da.

KALEKO ZAKARRONTZIEN GAIKAKO BILKETA EGITEKO IBILGAILU ELEKTRIKO BERRIA EROSI DU ORDIZIAKO UDALAK

IMG 1141

Ordizia da zeregin horretarako ibilgailu elektriko bat erabiltzen duen Gipuzkoako lehen herria

IMG 1141Ordiziako Udalak kaleko zakarrontzien gaikako bilketa egoki bat egiteko ibilgailu elektriko bat eskuratu berri du. Uztailaren 12an atez ateko hondakin bilketa sistemarekin hastearekin bat, kalean gaikako bilketa egiteko zakarrontziak jarri zituen udalak herrian zehar, eta ibilgailu elektriko berri horrekin astelehenetik ostiralera egunero jaso ahalko dituzte udal langileek kaleko zakarrontzietan bildutako lau hondakin motak (organikoa, ontzi arinak, errefusa eta papera-kartoia).

AZAROAREN 4TIK 15ERA ORDUTEGI BEREZIA ATEZ ATEKO BULEGOAN

Atez ate 02Bi aste horietan bulegoak ordutegi berezia izango du. Astelehenetan, 4 eta 11, itxi egingo da eta asteazkenetan 11:30tan zabalduko da 9:30tan zabaldu beharrean.

Edozein zalantza, kezka edo bestelakorik baduzue, deitu lasai 608 675 791 edo idatzi Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. posta elektronikora.

MUGIKORTASUN IRAUNKORRERAKO I. PLANA ORDIZIAN

2013-10-29 Mugikortasuna aurkezpenaPlanaren ardatz nagusiak ezagutzera eman eta herritarren iritziak jasotzeko erakusketa bat zabaldu du udalak Barrenako ezkaratzean

Ordiziako Udaleko Garapen Iraunkor eta Mugikortasun sailak urte hasieratik hona landu duen Mugikortasun Iraunkorrerako I. Plana esku artean du dagoeneko. Lau helburu orokor jasotzen ditu planak, eta baita datozen urteetan Ordizian egin daitezkeen hamahiru ekintza ere. Plana ezagutzera eman eta herritarren iritziak jasotze aldera, gaurtik azaroaren 11ra bitartean Barrenan ikusgai egongo den erakusketa bat ere prestatu du udalak.