IKASLEEN KEZKEI ERANTZUN DIE UDALAK AGENDA21eko AUDIENTZIAN

Aurten landu duten gaia 'Elikadura jasangarria' da

Ordiziako Jakintza, Oianguren eta Urdaneta ikastetxeetako ikasle, irakasle eta hezkuntza komunitateak ingurugiro arazoez kezkaturik, Eskola Agenda 21 programaren bidez urtero-urtero lan egiten dute inguruan antzematen dituzten arazoei aurre egiteko.

Zortzigarren ikasturte honetan, erronka berri baten aurrean aurkitu dira, elikadura jasangarriaren inguruan. Gizartean pil-pilean dagoen gai garrantzitsua da: elikagaien jatorria, elikadura eta bertako produktuen garrantzia, elikadura eta hondakinak, elikadura eta osasuna, elikadura eta gosea, etab.

OIANGURA ARANZADIREKIN

Larunbatean 10:00etan da hitzordua txorien kantuak ezagutzeko

Txorien kantuak identifikatzeko irteera egingo da larunbat honetan,  maiatzaren 7an, Oiangun. Mikel Olano, Aranzadi Zientzia elkarteko  kidea eta basozaina izango da gidaria.

Goizeko 10.00etan  Oiangu baserrian elkartu eta lehenego 30-40 minututan ordenagailua eta  bozgorailuez lagunduta txorien kantuak entzutera emango ditu,  horien  inguruko beste azalpen batzuekin batera. Ondoren, Oianguko hariztietan  barrena txorien kantuak entzutera joango dira elkartutakoak.

Deialdia irekia da, hau da, interesatua dagoen edonor joan ahal izango da. Dena  dela, aurretik izena ematea gomendatzen da Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.  helbidera idatzita edo 943466142 telefono zenbakira deituta.

Gainera, Aranzadi elkarteak erakusketa prestatu du Barrena kultur  etxeko sarreran ikusteko. Hilaren 9tik 27ra egongo da, ‘Euskal Herriko anfibio eta narrastiak’ izenarekin. Lehenengo egunean erakusketaren bisita gidatua egingo da Herpetologia saileko Ion Garinen eskutik.

Ordutegia honakoa izango da: 19.00-20.00.

HONDAKINEN MAHAIA ETA ORDIZIAKO UDALAK HONDAKINEN BILKETA DATUAK HOBETZEKO DEIA EGIN DUTE

Bilketa sistema aldatu arte atez atekoa erabiltzen segitu behar dela gogoratu dute

Ordiziarrek etxeko hondakinak biltzeko txipdun edukiontzien sistema aukeratu zuten aurreko martxoan egindako herri kontsultan. Udalbatzak kontsultaren emaitza ontzat eman eta Udalak Sasieta Mankomunitateari sistema ezartzeko dagokion eskaera egin zuen. Aldaketa mankomunitatearen epeen baitan dago. Ordiziako Udalak eta kontsulta antolatu eta jarraipena egiteko sortutako Hondakinen Mahaiak, herritarrei etxean hondakinak ondo bereizi eta kalean dagokion moduan uzteko eskaria egiten dute. Lehen, orain eta gero, birziklapen tasa hobetzea da helburua.

OIANGUN HEGAZTIAK ERAZTUNTZEKO EGIN BEHAR DEN SAIOA APIRILAREN 24RA ATZERATU DA

Ekintza gehiago antolatuko dira maiatzean eta ekainean

Hegaztien kantuak identifikatzeko irteera eta astronomia gaua ereizango dira maiatzean eta ekainean Apirilaren 17an Ordiziako Oiangu parkean egin behar zen hegaztien eraztuntze saioa aste bete atzeratu da. Hala, data berria apirilak 24 da, igandea. Izena emateko deialdiak zabalik jarraitzen du.

Hala, Aranzadiko Ornitologia Saileko kideekin, hegaztien biologia eta migrazio prozesuak ikertzeko tresna hau gertutik ezagutu eta inguruko txoriak bertatik bertara ikusteko aukera izango da 24ko saioan. Parkeko puntu ezberdinetan sareak ezarriko dira txoriak harrapatzeko, hegaztien neurri ezberdinak hartu ondoren eraztuna ipini ahal izateko. Honez gain, aurreko urteetan parkean zehar zintzilikatutako habia-kutxak aztertuko dira, bertan txoriek kumatu duten ikusteko eta, txorikumerik badago, hauek eraztuntzeko.
Goizeko 09:00etatik 12:00etara izango da saioa. Deialdia irekia da, baina aldez aurretik izena eman behar da 943466142 telefonora deituz edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera korreoa bidalita.