EKAINEAN BURUTUKO DIRA 'ZABU-ZIBU' EGITASMOKO LAU SAIOAK

Euskarazko eta doako jolas gunea prestatuko da familientzat

ZABU-ZIBU egitasmoa 2009an jarri zuen martxan Urtxintxak Pasaiako Udaleko Euskara zerbitzuarekin batera. Eta aurten ere Ordizian izango da, ekainaren 9an, 16ean, 23an eta 30an –ostegunez-, 18:00etan eta doan. Ordubeteko saioak dira. Programa honetan 3 eta 5 urte bitarteko haurrak dituzten familiek hartuko dute parte. Haur guztiek bere senidea den heldu batekin joan beharko dute.  Helburuak bi dira: Familiei euskaraz jolasteko baliabideak eskaintzea eta familiak euskararen inguruan biltzeko gunea sortzea

Hala, egitasmo honetan euskaraz bizi nahiduten familiek kalean euskaraz egitea lortu nahi dugu jolasaren bidez. Hauek dira, beraz, programa honen ikur eta ezaugarri nagusienak: EUSKARA,JOLASA, , KALEA, eta FAMILIAK.

'ORDIZIA EZAGUTZEN' APP-a, MARTXAN

Zortzi ibilbide turistiko eta didaktikoak ditu

Euskara zerbitzuak eta Ordizia Hiri Hezitzaileak herriko txokoak eta historia hobe ezagutzeko telefono mugikorrerako aplikazioa martxan jarri du. App-a jaisteko, Ordizia ezagutzen jarri behar da “Play Store”n eta jaitsi ondoren. Denera zortzi ibilbide egiten dira, eta bi motatakoak aurki daitezke: turistikoak eta didaktikoak. Denak hala denak, leku esanguratsuenen argazki eta azalpenez hornituak. Ibilbide bat aukeratzen denean, mapan erakusten da nondik hasi, eta puntuz puntu Ordizia ezagutu daiteke herriaren historia eta paisaiak ikusiz.

Ibilbideak honakoak dira:

AISIALDIKO BEGIRALE ETA ZUZENDARI IKASTAROETARAKO DIRU-LAGUNTZAK EMANGO DITU UDALAK

Ordizian erroldatuta egotea eta ikastaroa euskaraz izatea eskatzen da

Ordiziako Udalak 2016an diru-laguntza deialdi berria egingo du, 2015/16 ikasturtean bi ikastaro hauetakoren bat egiten dutenentzat: haur eta gazteen aisialdirako begirale ikastaroa edo aisialdiko zuzendari ikastaroa.

Udalak neurriak hartzen ditu euskara gizarte esparru guztietan erabil dadin eta, oro har, gizarte bizitzan euskararen presentzia handitu dadin. Aisialdiak garrantzia handia du gure gizartean eta aisialdian euskararen presentzia areagotzea erronka garrantzitsua da Udaleko Euskara Zerbitzuarentzat. Aisialdiko begirale eta zuzendariak berariaz eta era egokian prestatua egotea garrantzitsua ikusten du Udalak. Are gehiago, prestakuntza hori euskaraz jasotzea ezinbestekoa iruditzen zaio Udalari.

MERKATARITZAN EUSKARAREN ERABILERA SUSTATZEKO EGITASMOA MARTXAN DA

Bezeroei egiteko inkesta prestatu da eta parte hartzeko deia luzatu nahi da

Ordiziako Udalak eta Elhuyar Aholkularitzak euskararen egoera eta erabilera aztertu dute Ordiziako merkataritza eta ostalaritza establezimenduetan. Langileen gehiengoa da euskalduna, baina erabilera asko murrizten da egunerokoan.

Merkataritza eta ostalaritza establezimenduetan euskararen egoera zein den aztertzeko galdetegi bat egin zaie bisitatu diren 226 establezimenduei. Galdetegietatik jaso diren datuek emaitza gazi-gozoa eman dutela esan genezake: langile gehienek euskara badakite eta askok egunerokoan erabiltzen dute,  baina euskaldun haien artean badago gaztelaniaz hitz egiten duen franko ere.