'LABURBIRA' ASTEAZKEN HONETAN IRITSIKO DA ORDIZIARA

Euskarazko zortzi laburmetrai emango dira 20:30tan hasita

LABURBIRA Ordizian izango da asteazken honetan. Zirkuitu ibiltari honen helburu nagusia da euskarazko sortzaileen lana ezagutaraztea, euskaraz ekoizten jarraitu dezaten aukera emanez eta ikusleei geurean sortutako perla hauez gozaraztea.

Hona hemen, XIII. Laburbira osotzen duten zortzi lanak:

·         ZEA BINGO 2015 (7´). Ane Urkiola

·         ERREPLIKA 2015 (14´30´´). Iñigo Gaiton Gonzalez de Txabarri

·         JORRAI 2015 (3´). Uda Films.

·         FISHURA 2015 (6´45´´). Yago Mateo. 

·         BERE BIZITZETAKO BAT 2014 (8´). Aitor Gametxo

·         BRUNILDA 2015 (12´50´´). Eriz Alberdi. 

·         HARTZ TXIKI 2015 (16´30´´). “The Arlotes”, Uraitz Soubies. 

·         SEMEAK   2015 (7´25´´). Iker Azkoitia.  

Emanaldia Herri Antzokian izango da, 20:30tan hasita eta Hitzaro Euskara elkarteak antolatuta.

IRATI GOIKOETXEAK IRABAZI DU IV IPUINEN AHOZKO NARRAZIO LEHIAKETA

Irati Gokioetxea, irabazlea erdianPasa den ostiralean Barrenan ospatu zen Gala Nagusia eta lehiaketa.

Ordizian eta Tolosan antolatzen den Ahoz-Ahoz nazioarteko Ahozkotasun Jaialdiaren barruan egiten den Ipuinen Ahozko Narrazio Lehiaketak Irati Goikoetxeak irabazi du, Itziar Saenz de Ojer eta Nagore Leon, beste bi finalistei aurrea hartuta. Jaialdiaren ikurra den kalabaza jaso zuen epaileak eta publikoaren iritziaren ustetan ipuina ondoen eskaini zuen goierritarrak. Ordiziako Barrena jauregian egin zen lehiaketaren finala; klasifikazioa, berriz, Ordizian bertan dagoen D’elikatuz gunean egin zen aukeztutako sei kontalariren artean. Euskal Herrian bakarra den lehiaketak laugarren edizioa bete du aurten eta Ahoz- Aho jaialdiaren egitaruan ekitaldirik arrakastatsuenetakoa bihurtu da.

OSTEGUNEAN, EUSKARAREN EGUNA

Udalak eta herriko eragileek egitarau oparoa prestatu dute abenduaren 3a ospatzeko

Hauek dira ekintza nagusiak:

10:45etatik aurrera. PLAZA NAGUSIAN:  EUSKARAREN ALDEKO ZUNBA SAIOA

Udalak eta herriko ikastetxeek bat egin dute Kontseiluak proposatutako ekimenarekin. Bertan Ordiziako LH, DBH eta BATXILERGOKO ikasle guztiek hartuko dute parte. Orain bai eta furra furra abestiak dantzatuko dira, Oiangureneko ikasleek antolatutako batukada egongo da eta Jakintzako ikasleek euskararen aldeko bertsoak botako dituzte.

'EUSLIDER', MERKATARIEI ZUZENDUTAKO IKASTAROA, ASTELEHEN HONETAN

Euskararekiko jarrerak indartzea da helburuetako bat

Udalak ‘Euslider’ merkatarientzako doako ikastaroa antolatu du. Ikastaroaren lehenengo saioa datorren astelehenean, azaroaren  2an izango da Barrenan 13:30tan.

Saio hauen helburuak hauek dira hizkuntzari buruzko informazioa eman eta jarrerak lantzea, hizkuntza lidergoa eta talde-lana indartzea eta aldaketa ere indartu eta portaera berriak sortzea.

Interesa duenak  943805622 telefono zenbakira deitu edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera korreoa bidali behar du, bere datuekin; hau da, izen-abizenak, telefono eta dendaren izena.