AITOR FURUNDARENA ETA GARIKOITZ MENDIZABAL BARROKO AIREREN BIGARREN KONTZERTUAN

Emanaldia igande honetan, hilaren 13an, arratsaldeko 18:30ean Parrokian

Ordiziako Udalak eta Gipuzkoako Foru Aldundiak antolatutako Barroko Aire kontzertu zikloarekin jarraituz, datorren igandean, hilak 13, Ordiziako Parrokia Elizan, arratsaldeko 6:30etan, bigarren kontzertua entzuteko aukera izango dugu, Aitor Furundarena (Soinua) eta Garikoitz Mendizabal (Txistu) musikarien eskutikoa, alegia.

Aurkeztuko duten programan,   "2 Poliedro” izenburu duena,  soinu zaharrak, antzinako musika, Scarlati, Dowland, Marais edo Vivaldiren lanak entzuteko aukera izango da.

Garikoitz  Mendizabal  eta  Aitor  Furundarenak  musikaz marraztu  eta  margotu  egiten  dute;  kaleidoskopio  baten  moduko  marrazkiak,  forma  poliedrikoez,  koloreak uztartuaz,   bolumenak   sortuaz, eta guzti honen bitartez, emozio berri eta biziak sentiaraziaz.  Txistua   eta   akordeoia   dituzte pintzel: hauspoa, haizea, botoiak, zuloak,   partxeak...   etengabeko jolasean murgiltzen dira biak, bat eginda,   interprete   eta   tresna bakarra bailira.  Erdi  aroko  musika,  berpizkundekoa, barrokokoa,  Vivaldi, ... musikan mugak norberak ipintzen ditu,  tresnak  berak  baino  askoz gehiago.  Akordeoia  eta  txistuaz edozer  adieraz  daiteke:  arnasa ematen dieten musikariek adierazi nahi duten edozer.

MARTXAN DA GAURTIK 'EUSKARAZ BIZI, EUSKARAZ EROSI' KANPAINA

Erosketa txartelak zozketatuko dira

Ordiziako Udalak, Elhuyar Aholkularitza Zerbitzuarekin eta Ordizian Merkatari elkartearekin batera, EUSKARAZ BIZI, EUSKARAZ EROSI kanpaina jarri du martxan merkataritzaren esparruan euskararen erabilera sustatzeko.

Kanpaina urriaren 17tik 31era bitartean egingo da. Parte hartzeko Ordiziako establezimenduetan aurkituko diren eskuorriak bete beharko dira. Euskaraz erosten duen edonork, eskuorria bete, buzoian utzi (Barrenan edo Udaltzaingoan) eta 100€ko 4 erosketa txartelen zozketan sartuko da. (...)

MERKATARIAK ERE EUSKARAZ

Udalak euskararen erabilera sustatzeko hainbat merkatariek egindako lana aitortu du

Ordiziako Udala, Elhuyar Aholkularitza Zerbitzuarekin batera Ordiziako establezimenduen euskararen egungo egoera eta erabilera zein den aztertu du eta hobekuntza proposamenak egin ditu. Ikerketa honetan hainbat datu atera dira. Honenbestez, Ordiziako Udalak euskara gehien zaintzen duten establezimenduei aitortza ekitaldia egin die, hau da, udalerrian euskararen alde lan nabarmena egiten duten establezimenduak zoriondu ditu Udalak.

Ekitaldian azterketaren datu nagusiak azaldu dira, bezeroek bete dituzten inkesten zozketa egin da eta publikoki aitortu zaie establezimendu hauei egindako lana. Bertan, Alkatea, euskara saileko langile zein zinegotzia, Ordizian merkatari elkartearen arduradunak eta noski, establezimenduen ordezkariak egon dira.

EKAINEAN BURUTUKO DIRA 'ZABU-ZIBU' EGITASMOKO LAU SAIOAK

Euskarazko eta doako jolas gunea prestatuko da familientzat

ZABU-ZIBU egitasmoa 2009an jarri zuen martxan Urtxintxak Pasaiako Udaleko Euskara zerbitzuarekin batera. Eta aurten ere Ordizian izango da, ekainaren 9an, 16ean, 23an eta 30an –ostegunez-, 18:00etan eta doan. Ordubeteko saioak dira. Programa honetan 3 eta 5 urte bitarteko haurrak dituzten familiek hartuko dute parte. Haur guztiek bere senidea den heldu batekin joan beharko dute.  Helburuak bi dira: Familiei euskaraz jolasteko baliabideak eskaintzea eta familiak euskararen inguruan biltzeko gunea sortzea

Hala, egitasmo honetan euskaraz bizi nahiduten familiek kalean euskaraz egitea lortu nahi dugu jolasaren bidez. Hauek dira, beraz, programa honen ikur eta ezaugarri nagusienak: EUSKARA,JOLASA, , KALEA, eta FAMILIAK.