HEMEN DA XIII. STOCK ETA KALE-AZOKA “ORDIZIAN”

Tokiko eta kanpoko 27 saltokiek euren eskaintza hoberenak ekarriko dituzte

Ordizian merkataritza, ostalaritza eta zerbitzuak elkarteak, Ordiziako Udalaren laguntzarekin, XIII. Stock eta Kale-Azoka antolatuko du ostiral eta larunbat honetan, martxoaren 10 eta 11n. Ekimen honetan bi ekintza bat egingo dira, Stock azoka Plaza Nagusian eta  Kale-azoka herriko kaleetan, produktuak saltokien aurrealdean aurkezturik. Bi ekintza hauetara batuko da “MARTA” artisau eta jostailu denda, haurrentzat eskulan tailerra antolatuz.

XIII. Stock azoka Plaza Nagusian antolatuko da eta Kale-azoka lagun izango du dendarien produktuak saltokien atarietan aurkeztuz. Dendari eta herritarrentzat erreferente bihurtu den ekintza hau ostirala eta larunbatean goiz eta arratsaldez antolatuko da beste behin. Merkataritza berriaren eta Ordiziako ohiko eta kalitatezko merkataritzaren eskaintza Stock eta Kale-Azokan ere islatuta ikusiko da, Gipuzkoa eta Bizkaiko beste herrietatik datozen beste saltoki batzuekin batera produktu aukera zabala kaleratuz. Goierritarrek bertatik bertara kalitatea prezio eskuragarrian izango dute.

“ORDIZIAN VISA TXARTELA” IRITSI DA

Ordizianelkarteak eta udal zerbitzu batzuek erabilera eta abantaila gehiago eskaintzen dituen txartel berria erabiltzea proposatzen dute

Ordiziak bere VISA txartela izango du.   Hori jakinarazi dute Jose Miguel Santamaria alkateak, Esti Ruanok Ordizian elkartearen lehendakariak eta Iñigo Igartza de la Piedadek Nafarroako Rural Kutxako ordezkariak.  Alde batetik, munduko edozein tokitan erosketak egiteko erabili ahal izango da txartela, eta bestetik, Ordiziako kiroldegira sartzeko balio izango du, udal liburutegiko liburuen maileguetarako eta helbideratu gabeko ordainagiriak ordaintzeko.

Santamariak gogoratu duenez, ‘duela zazpi urte, lehenengo txartela sortu genuenean, bigarren fase batean VISA txartela lortzea jarri genuen helburu, autonomia gehiago ematen duelako. Honek esan nahi du fidelizazio kanpainak eta udalerriko merkataritza indartzeko aukera gehiago izango dugula’.  “Ordizian txartela”ren ordez atera den Ordiziako VISA errealitate bihurtu ahal izateko, lan handia egin behar izan da eta “azkenean" atera da.

ASTEAZKENEAN OSPATUKO DA GABONETAKO AZOKA

Txu-txu trenak ere bat egingo du

Datorren asteazkenean, abenduaren 28an, Eguberrietako aparteko azoka izango da Ordizian. Hau da, urtean zehar Ordiziako Udalak antolatzen dituen azoka berezietan azkena; azoka berezi hau bikaina eta salerosketan mugimendu dezentekoa izango delakoan gaude, mahaiaren inguruan ospatzen ditugun jaietarako despentsa bete ahal izateko.

'LENA', ERAKUSLEIHO HOBERENA

Imajinazioa, originaltasuna, mezuaren eraginkortasuna, erakusleihoaren kalitatea eta ingurumenarekiko errespetua baloratu dira

Ordizian elkarteak, Udalaren laguntzarekin, beste behin ere erakusleiho lehiaketa antolatu du Gabonetako kanpaina erakargarri baten barruan. Erabakia, Ordizian elkarteko lehendakaria, Udal sustapen eta garapeneko zinegotzia, Merkataritzako teknikaria eta herriko komunikazio eta diseinu enpresetako ordezkariak osatu duten epaimahai baten bitartez hartu da.
Epaimahaiko partaideek imajinazioa, originaltasuna, mezuaren eraginkortasuna, erakusleihoaren kalitatea eta ingurumenarekiko errespetua kontutan hartu dute erabakia hartzeko.

Hauek dira irabazleak:
Lehen saria 'LENA lentzeria', Andre Maria kalea.