GOIERRIKO NEGOZIO BERRIEN FABRIKA ZABALTZEAR DA

Negozio berriak, Goieki agentzia eta Goierri Valley bertan kokatuko dira

Ordiziako Oiangualdean edo Granjan, Goierri Eskola, Lortek Teknologia zentroa  eta Ingeneritzako Unibertsitatearen alboan eraikitzen ari den enpresa inkubategiaren obra urte amaierarako bukatuta izatea aurreikusten da. Jose Miguel Santamaria, Ordiziako alkateak, ‘negozio berrien lantegi’ hau martxan jartzeak parte hartu duten entitate guztientzat izan dituen zailtasunak gogoratu ditu.

Goierrin 2005 urtean gauzatu zen plan estrategikoaren ondorioz eta eskualdean balio erantsi altua duten ekimen berriak bultzatzeko asmoz, 2007-2011 legealdian jarri zen abian New Business Factory, negozio berrien fabrika-inkubategiaren egitasmoa. Datorren abendurako espero da enpresa berrientzako kokaguneak prest izatea.

ABIAN DA 'ORDIZIALAB' PROIEKTUA

Lehen fasearen ondoren Ordiziaren etorkizunari forma emateko herritarren parte-hartzera deitu da

Ordiziako Udalak Elika, Nekazaritzako Elikagaien Segurtasunerako Euskal Fundazioarekin elkarlanean OrdiziaLab proiektua jarri du martxan. Jose Miguel Santamaria alkateak, Josi Iturrioz Garapen Ekonomikorako zinegotziak, Leire Arandia D’elikatuzeko arduradunak eta Aitor Velazquez merkataritzako teknikariak ezagutzera eman dute, ordiziarren ekarpenak jasotzeko zabaltzen den prozesuarekin batera. Ekimena Ordiziaren 750.urteurrenaren baitan sortu da, abian den KulturLab bezala.

OrdiziaLab Azoka berpizteko helburuarekin jaio da. Honela Azokak, Ordiziako bihotz eta hiri ekonomiaren eta honen merkataritza erdigunearen errekuperaziorako motor gisa funtzionatuko du; espazio komertziala, bizitzeko, erosketak egiteko eta gozatzeko lekua bihurtuz.

Hala, irailaren bukaeran Azokaren Batzordean eta ordezkari politiko, merkatari, baserritar eta azokari lotutako eragileen artean egitasmoa aurkeztu zen. Jarraian hainbat elkarrizketa egin dira, proiektua zehaztu eta lan taldeak identifikatzeko. Lehen fase honetan azoka bera aztertu da, bere nortasuna, irudi kontzeptuala, egitura fisikoa eta antolakuntza, erosketa ohiturak eta kontsumoko erak. Bestalde, Ordiziako egitura komertziala eta ostalaritza, ekonomia eta herritarrak aztertu dira.

Proiektu mankomuna eta herritarren parte-hartzea

JOSEBA INTXAUSTI, TXAPELDUNEN TXAPELDUNA

Urrezko garaikurra ere jaso du Ordiziako artzainak

Pasa den asteazkenean  Ordizia Txapeldun gazta lehiaketaren XXXI. ekitaldia ospatu da Ordiziako Plaza Nagusian. Aurtengoan Txapela etxean geratu da, Joseba Insausti artzain Ordiziarrak lortu baitu garaipena. Maila izugarria izan da, izan ere lehen hiru gaztek 8ko puntuazioa gainditu dute eta Joseba Insaustirenak zortzi puntu eta erdiko muga errez gainditu du, merezimendu osoz Urrezko Gazta etxera eramanez. Azken hamar urteetako (2009tik 2018ra) irabazleak lehiatu dira haien artean. Ekitaldia Ordiziako Idiazabal Gaztaren kofradiak eta Udalak antolatu dute, Idiazabal Jatorri Izendapenaren laguntzaz.

Honako gaztagileak aritu dira lehian gaurkoan: 2009ko  irabazle Jesus Ansola Juaristi (Mausitxa baserria-Elgoibar); 2010eko irabazle J. Aranburu Elkartea (Idiazabal); 2011 eta 2013ko irabazle Ricardo Remiro Aguirre (Eulate), 2014ko irabazlea Ondarreko Karmele Murua (Segura), 2012 eta 2015ean irabazle izan den Jon Etxebarria (Zeanuri), 2016ko irabazlea izan zen Joseba Insausti (Ordizia), 2017ko irabazalea,Jose Luis Odriozola (Aia) eta azkenik aurtengo irabazlea, Julen Arburua (Lekaroz).

Ongorengoa izan da azken sailkapena:

TXAPELDUNEN TXAPELDUNA ORDIZIAN

Azken hamar urteetan gazta lehiaketa irabazi dutenen artean hoberenak hautatuko ditu puntako epaimahaiak

Asteazken honetan, urriak 17,  XXXI. ‘Ordizia Txapeldun’ gazta lehiaketa ospatuko da asteazkeneroko azokaren altzoan, goizeko 11.00tan hasita. Bertan, Euskal Jaietako Ardi Latxaren esnearekin egindako gazta lehiaketaren azken hamar urteetako (2009tik 2018ra) irabazleak lehiatuko dira haien artean. Ekitaldia Ordiziako Idiazabal Gaztaren kofradiak eta Udalak antolatzen dute, Idiazabal Jatorri Izendapenaren laguntzaz.

Honako gaztagileak arituko dira lehian asteazkenean: 2009ko  irabazle Jesus Ansola Juaristi (Mausitxa baserria-Elgoibar); 2010eko irabazle J. Aranburu Elkartea (Idiazabal); 2011 eta 2013ko irabazle Ricardo Remiro Aguirre (Eulate), 2014ko irabazlea Ondarreko Karmele Murua (Segura), 2012 eta 2015ean irabazle izan den Jon Etxebarria (Zeanuri), 2016ko irabazlea izan zen Joseba Insausti (Ordizia), 2017ko irabazlea Jose Luis Odriozola (Aia) eta aurtengo irabazlea, Julen Arburua (S.C. kortaria,Lekaroz).

Hiru gazta hoberenak diru-saria jasoko dute: 300 euro irabazleak, 200 bigarrenak eta 100 hirugarrenak. Hamarretik zazpiko puntuazioa gainditzen badute, urrezko, zilarrezko eta brontzezko dominak eskuratzeko aukera izango dute. Lehenengoak, Urrezko Gazta irabaziko luke zortzi puntu eta erdi baino gehiago lortuz gero.

Luxuzko Epaimahaia dugu oraingo honetan ere, Jose Juan Castillo lehendakari dutela ondorengo lagunek osatuko dutena: Roberto Ruiz (Hika txakolindegia, Amasa) sukaldaria, Victoria Urresti eta Patxi Pérez Elortondo (Idiazabal Jatorri Izendapena), Felix Ibargutxi (Kazetaria) , Olatz Mitxelena (Gipuzkoako Sagardogile Elkarteko koordinatzailea)  eta Belen Balerdi, Ordiziako Kimetz Emakume Elkarteko ordezkaria bere XXV. Urteurrenean.