EMAKUME ETORKINEN ESPAZIO MULTIKULTURALA

EMAKUMEEN ESPAZIOAOstiralero eskainiko dituzte taldeko saioak

Ordiziako Migrazio, Berdintasun eta Gizarte Ongizate sailek emakume etorkinen espazio multikulturalean parte hartzera animatu nahi dituzte emakume etorkinak. Kultura desberdinak biltzen dituen espazioa da.

Helburua da emakumeen arteko laguntza eta elkartasun sarea sortzea, emakumeak berauen eskubideak zeintzuk diren ondo ezagutzea eta bide batez, euren osasun fisikoa eta emozionala hobetzea. Bestalde, aisialdirako eta ondo pasatzeko balio izan dezakete topaketa hauek.

ANIMATU LILATOIAREN 24. EDIZIOAN PARTE HARTZERA!

Kartel LILA miniLilatoian ordiziar emakume guztiok gure herriko kamiseta eramatera animatu nahi zaituztegu

Martxoaren 3an, igandean, Lilatoiaren 24. edizioa ospatuko da Donostian eta gure herrian emakume korrilarien taldea hartzen ari den indarra ikusita, parte hartzeko asmoa duzuen oro, Ordiziako kamiseta eramatera animatu nahi zaituztegu .

Kamiseta lortzeko Majori Kiroldegiko Harrerara joan behar da.

Ondoren, Ordiziako guztiok bazkaria antolatuko dugu eta interesa izanez gero, izena ere Majorin bertan eman ahal bezain azkarren. Animatu! Bazkaria Donostiako jatetxe batean izango da eta norberak ordaindu beharko du egunean bertan.

AUTODEFENTSA TAILERRA

puntu lila1Emakumeen autodefentsarako tailerra eskainiko da 15 urte baino gehiagoko emakumeentzat abenduaren 15ean eta 16an jubiltauen zentroan.Bertan indarkeria zer den identifikatuko da, baita horien jatorriak ezagutu ere. Hainbat galdera planteatuko zaizkie parte hartzaileei horretarako; gauez etxera itzultzean beldurrik sentitzen al duzu?Zure baimenik gabe noizbait fisikoki ukitu zaituzte?Harreman sexualak izateko gogorik ez duzunean "EZ" esatea kostatzen zaizu? 

Ikastaroaren helburuak dira norberak bere buruarekiko konfiantza lantzea, biktima papera baztertu eta norberak egoera arriskutsuei aurre egiteko gaitasuna daukala barneratzea.  Baita erasoen aurrean oinarrizko defentsarako teknikak ikasi eta horiek praktikak jartzea ere. 

Izen-ematea Berdintasun sailean, Barretxe, egin beharko da abenduaren 12a baino lehen

pdfIkastaroaren gaineko informazioa

 

EMAKUMEENGANAKO INDARKERIAREN AURKAKO NAZIOARTEKO EGUNA

MANUAL-PUNTO-LILA-V1-1-181 Datorren astetik aurrera eta hilabetea amaitu bitartean, Emakumeenganako indarkeriaren gaineko sentiberatze eta mobilizazio kanpainaren parte diren hainbat ekintza jarriko dituzte martxan.

Hori horrela,  19tik 30era Barrenako sarreran hezkidetza eta indarkeria matxistari aurre egiteko materialaren erakusketa egongo da eta Berdintasun batzordeak asteartean, hilaren 20an, prentsaurrekoa eskainiko du D´Elikatuzen arratsaldeko 17:30etatik aurrera.