Berdintasuna

Politikagintzan ari diren emakumezkoei ahalduntze tresnak eskaintzen zaizkie

Virginia Woolf Basqueskolaren aurkezpena egin da aste honetan Ordizian. Eudelek eta Emakundek sustatutako ekimena da eskola, alkate eta zinegotzi emakumeei zuzenduta dago eta elkarrizketarako, formaziorako eta ahalduntzerako gune bat da.

Eskola duela lau urte abiatu zen Virginia Woolf britainiar idazle entzutetsuaren izena eta haren lan ezagunenetakoa “Una habitación propia” inspirazio iturri hartuta. Baita beste zenbait tokitan abiatutako antzeko ekimenak ere:  esaterako, Suediako emakume politikarien sarea eta Bartzelonako Diputazioko Emakumeen Formazio Politikorako Institutua.  

Eskolaren helburua parte hartzaileei ahalduntze tresnak eskaintzea da herri-politikan euren lidergoa sendotu dezaten. Era berean,  lan sareak ehundu eta itunak eta aliantzak sortzeko espazio bat da.  

Esan bezala, atzo egin zen aurkezpena Ordizian eta bertan aurrerago sakontze tailer bat egitea proposatu zen.

Ordiziak bat egin du LGTB-en eskubideekin

Ekainaren 28a, LGTB-en Eskubideen Aldeko Nazioarteko Eguna dela eta, Hiruki Arrosa zintzilikatu da Udaletxeko balkoian. Hiruki Arrosa naziek erabili zuten II. Mundu Gerran, kontzentrazio eremuetan homosexualak bereizteko eta, gaur egun, LGTB kolektiboaren eskubideak aldarrikatzeko ikur da.

EHGAMtaldeak (Euskal Herriko Gay-les Askapenerako Mugimendua) bideratu du hirukia udaletxeko balkoian zintzilikatzeko proposamena, eta herriko eta eskualdeko zenbait talde eta eragilek bat egin dute ekimenarekin: Udaleko Berdintasun Sailak, Ordiziako Berdintasun Batzordeak, berriki sortutako Goierriko Zubia elkarteak eta Txosnen Batzordeko Talde Moreak, kasu.

Emakumeak dira oraindik ere ardura nagusia hartzen dutenak

Iaz Ordiziako Udalak Ordizian burutzen diren zaintza lanen inguruko ikerketa bultzatu zuen herriko zaintzaren eta zaintzaileen errealitatea ezagutzeko, eta, aldi berean, gure herria ikerketaren prozesuaren bitartez gaiaren inguruan sensibilizatzeko. Eta Emakume eta gizonen arteko desberdintasunen iturri nagusienetako baten errora joatea eta egoera iraultzeko gakoak aurkitzeko aukera eman ditu proiektu honek.

Saioa irekia da eta herritarrei joateko deia egin dute lanaren bultzatzaileek

Datorren asteartean, maiatzak 24, arratsaldeko 19:00etan, Ordiziako Udaleko batzar aretoan eskainiko da Ordizian burutzen diren zaintza lanen inguruko diagnostikoaren aurkezpen publikoa. Berdintasun batzordeak eta Udalaren Berdintasun sailak bultzaturiko ikerketa izan da, berdintasun politiketako lehentasunezko lan ildo estrategikoetako  bat delako. Eta horrela iragartzen dute Euskadiko berdintasun legeak (2005),  Emakunderen VI. berdintasun planak, Gipuzkoako Foru Aldundiaren II. berdintasun planak eta Ordiziako II. berdintasun planak bizitzaren iraunkortasun eta gizartearen erantzukidetasun programan.