‘MATAZAK’ EGITEKO DEIALDIA INDARKERIA SEXISTARI ‘NAHIKOA DA’ ESATEKO

Udaletxeko arkupean elkartzeko data urriaren 26ra azeratu da

2018ko Emakumeen indarkeriaren aurkako kanpainaren testuinguruan (Azaroak 25 Nazioarteko Eguna), Matazak indarkeria sexistaren aurka proiektuarekin bat egiten du Ordiziak. Datorren ostiralean 18:00etan udaletxeko arkupeetan elkartuko dira parte hartuko dutenek elkarrekin ehuntzeko, eta kanpainarekin bat egiteko deialdia egin dute Jose Miguel Santamaria alkateak, Kristina Altuna Berdintasun arloko teknikariak eta hainbat eragileek.

Duela lau urte baino gehiago  Mataza proiektua jaio zen Astigarragan. Emakume talde bat puntua egiten hasi zen eta eguneroko ekintza honetatik abiatuta indarkeria sexista errotik ezabatzea aldarrikatzeko modua aurkitu zuten. Horrela abian jarri zen sarea, denboran iraunkorra izan zedin, emakumeen artean ahizpatasuna bultzazuz, eta indarkeria matxistaren aurka gizonen jarrera aktiboak ere sustatuz.  Mundu osoan zehar ari da zabaltzen proiektua, “nahikoa da!” oihua bazter guztietara iritsiz.

Lazo kolektiboa ‘nahikoa’ dela aldarrikatzeko

MINDFULNESS IKASTARO BERRIA MISTOA IZANGO DA

Adimen emozionala lantzen duen tailerra da   

Berdintasun sailak antolatuta, ikastaroa mistoa izango da eta genero ikuspegia barneratua izango du. Hau da, ekintzaren bitartez MINFULNESS-en printzipioak eta praktika lantzearekin batera, gizonen eta emakumeen rolen eta jarreren bereizketa kontuan izango da. II. Berdintasun planean kokatzen da, ahalduntze eta kontzientziazio helburuekin.  

Mindfulness-ek arreta orainean eta hemen izaten laguntzen du (arreta osoa), eragilearen eta erreakzioaren artean dagoen espazioaz kontziente eginez. Horrek, aldi oro, izan nahi den erantzuna aukeratzen laguntzen du, norberarekiko eta besteekiko erlazioak hobetuz eta min fisiko-emozionala, antsietatea eta estresa hobeto kudeatuz.

Estresa ekialdeko jendartearen arazo garrantsitsuenetako bat da, eta eragina zuzena edo zeharkakoa du gaixotasun fisiko zein psikiko askotan. Bizitzaren erritmo zoroak ez du laguntzen bizitza ohitura ezegokiez konturatzeko  ezta  erlazioetan ditugun jarrera erreaktiboez.

HIRUKI ARROSA UDALETXEKO BALKOIAN

Ekainaren 28ko LGTBI+ kolektiboaren eguneko aldarrikapenen sinboloa da

Ostegun honetan, ekainaren 28an, Gay, Lesbiana eta Transexualen Eskubideen nazioarteko eguna da. Honekin bat egingo du aurten ere Ordiziako Udalak udaletxeko balkoian Hiruki Arrosa jarrita. Udalbatzarrak ere landuko du gaia mozio eta adierazpen bidez.

Hiruki arrosa naziek erabili zuten homosexualak bereizteko konzentrazio eremuetan. Geroago, 1969ko ekainaren 27tik 28rako gauean, New Yorkeko polizia Stonewall izeneko pub batean sartu zen transexual,lesbiana, gay eta bisexualak atxilotzeko. Euren eskubideak defendatzeko elkartzen ziren lehen aldia ez bazen ere, data hori mugarri bihurtu zen diskriminazio- eta ikusezintasun-testuinguru batean: LGTBI+ pertsonek euren sexualitatea eta generoa modu askean bizitzeko antolatu zuten borrokan katalizatzaile bat izan zen.

Orduz geroztik ekainaren 28an LGTBI+ pertsonen Sexu Askapenerako Nazioarteko Eguna ospatzen da: dibertsitatea eta egindako lorpenak ospatzeko eguna da, baita eskubideen eremuan aurrerantz egiteko falta den guztia aldarrikatzeko eguna ere.

EMAKUMEAK ETA ZIENTZIA: EMAKUMERIK GABEKO ZIENTZIA?

Ordiziako hiru zientzialariak emakumeak zientzian duen presentziari buruz ariko dira ostiralean Barrenan 18:30ean

Ostiral honetan, martxoaren 2an, zientzia arloan emakumeek duten eragina aztertzeko mahai ingurua izango da. ‘Emakume zientzilaria’ izenburupean, Martxoaren 8-Emakumeen Nazioarteko egunaren eta Ordiziaren 750. urteurrenaren inguruan antolatu da. Barrena kultur etxean 18:30ean izango da. Parte hartuko duten zientzialariak ordiziarrak dira: Irati Romero (EHUko Inmunogenetikako ikerlaria), Elixabete Ayerbe (Kimakako ingeniaría eta Industriako Matematika masterra) eta Sara Insausti Gonzalez (Bioteknologia graduatua eta Inmonologia ikerketan masterra).

Luxuzko protagonista izango du mahai-inguruak, Marta Macho Stadler, EHUko Zientzia eta Teknologiako fakultateko Matematika saileko irakaslea eta Matematikako doktorea, hain zuzen. Doktoretzako hiru tesi zuzentzen lagundu du eta Valladolideko Unibertsitateko ECSING ikerketa taldeko kidea da 2007tik.

Bere ibilbide zientifikoa Matematikara ez ezik, gizartera begira dago, akademiatik urrun dauden pertsonengana bereziki, zientziaren hastapenetik lanean aritu diren pertsona eta emakumeak ezagutzera emate aldera, arlo guztietan, Paleontologiatik hasi eta Fisikara.  Horretarako ibilbidea luzea egin du iada. ‘Mujerez con Ciencia’ blog esanguratsua editatzen du, esate baterako. Baina ezagunagoa da antolatzen dituen ekitaldiengatik, emakumea eta zientziari lotuta: ‘Ellas hacen Ciencia’ zikloa, adibidez.