Zabalik daude haur parkeak

Gaur haur parke guztiak zabaldu ditugu, desinfektatu ostean. Egunero desinfektatuko dira, 12:00etatik 13:00etara eta larunbat eta igandeetan goizeko 06:00etan. 6 urtetik gorako guztiek maskara jantzita eraman behar dute, segurtasun neurriak errespetatuz.

Landa zein hiri izaera - ondasun higiezinen zergen ordainagiriak

Herritar guztiei jakinarazten zaie, 2020ko abuztuaren 01etik irailaren 15era bitartean, biak barne, ordaindu ahal izango direla borondatezko epean 2020ko ekitaldiko Landa Zein Hiri izaera Ondasun Higiezinen zergen ordainagiriak.

Zergadunek ordainketak herriko edozein aurrezki Kutxa edo Banketxetan egin ditzateke. Helbideratutako zergadunen ordainagiriak abuztuaren 01ean kargatuko dira.

Adierazitako epea bukatu ondoren, premiamenduzko prozedura exekutiboari ekingo zaio. Ordaindu ez diren kuotak dagokien errekarguarekin, berandutza interesekin eta dagozkion kostuekin kobratuko dira.

Majori Kiroldegia zabalik da berriz

Majori Kiroldegiko langile guztiek negatibo eman dute egin zaizkien PCR probetan. Hala, gaurtik aurrera berriz ere martxan izango da kiroldegiko zerbitzua. Eremu guztietan erabili beharko da maskara, baita gimnasioan eta kanpoko igerilekuetan ere. Erreserbak APP bidez edo 943 80 58 80 telefonoan egin daitezke. 

'Ez, eskerrik asko, Gladysen leihoa' dokumentala, Herri Antzokian

Herri Antzokia berriz ere emanaldia eskaintzen hasiko da. Bihar, esaterako, 'Ez, eskerrik asko. Gladysen leihoa' dokumentala emango da, doan. 18:30ean hasiko da dokumentala, eta sarrera gonbidapenarekin izango da, numeratuak, eta txartelak lehiatilan jaso beharko dira 18:00etatik 18:30ra arte.

Filma bukatu ondoren zuzendariarekin solasaldia egongo da.

Aforoa mugatu egingo da segurtasun neurriak betetzeko, eta 106 pertsonak gozatu ahalko dute ikus-entzunezkoaz.