Azaroan amaituko da Majoriko lehen azpifasea

Majori kiroldegia

Joan den azaroaren 19an hasi zen Majori Kiroldegiko berritze prozesuaren lehen fasea. Orain, azarorako, aurreikusita dago lehen azpifasearekin amaituko dutela urtebete pasa ondoren. Odilo Rivela, Majoriko gerenteak hala azaldu du: “lehen azpifase honetan gimnasio berria, taberna berria eta bi jarduera gela jarriko dira martxan, lehendik funtzionamenduan zegoen kantxaz gain. Gainera, igogailua ere martxan izango da, harrera berriaren ondoan”. Horrez gain, eraikinaren kanpoko lanak ere badoaz aurrera eta dagoeneko leihoak jartzen hasiak dira. Lehen azpifasearen amaierarako, berriz; hots, azaro erdialderako, egokitu diren zonaldeen zorua eta ingurua margotuko da. Bigarren faserako, aldiz, aldagelak, girotze sistema eta Majori barneko konexioak gelditzen dira.

Gogoan izan behar da proiektu honen lehiaketara hiru enpresa aurkeztu zirela eta Moyua enpresari esleitu zitzaizkiola lanak, 2.833.490 euroan (BEZa barne) eta 18 hilabeteko epea hartuko zutela. Obrak hasi baino lehen, maiatzean, Denis Itxaso, Kultura eta Kirol arloko diputatuak eta Ordiziako Udalak Majori kirol eremua berritzeko hitzarmen bat sinatu zuten eta horren bitartez, Gipuzkoako Foru Aldundian 2018an 395.000 euroko ekarpena egin zion, 2017-2020 aldirako kirol ekipamenduaren planaren baitan.  

Identifikatutako premiak eta egindako obrak

Dagoeneko lehen azpifasea amaitzear badago ere, honakoak izan dira Majori Kiroldegiak izan dituen behar handienak.

  • Kirol eskaintza handituko duten espazio berriak egokitzeko beharra. Besteak beste, gimnasioa eta aldagelak berritzeko premia eta areto berriak eraikitzekoa. Era berean, areto falta horiek hainbat jarduera fisiko eta kirolekoak egiteko zailtasunak eragiten ditu.
  • Espazioen banaketa moldatu beharra dauden kirolek behar bezalako espazioa izateko; hala nola, spinning, aerobika, judoa, pilates eta zumba.
  • Kiroldegi barneko zirkulazioak ez dira argiak
  • Irisgarritasuna. Mugikortasun urria dutenentzako ez dago igogailurik.

Kiroldegiko instalazioek dituzten beharrak aztertu ondoren, egungo eraikina hobetze aldera egin dira obrak. Hauek izango dira Majorin ematen ari diren aldaketak:

  • Taberna eremua lekuz aldatu da eta orain dagoen lekutik hainbat kirol espazio ikusi ahalko dira. Bestalde, zonalde horretan itxaron eremu bat egokitu da, kantxarekiko edo zirkulazio joan-etorriekiko independentea dena.
  • Igogailua kokatu da irisgarritasuna hobetuz
  • Gimnasio berria egin da
  • Jarduera anitzeko bi gela eraiki dira

Polideportivo MajoriMajori kiroldegia. Obra

 

Ordizia Saskibaloi taldeak 50 urte bete ditu

IMG 20190917 WA0003

Ordiziako Saskibaloi taldeak 50. urtemuga ospatuko du aurten 'Frontoitik Kiroldegira 50 pase dira' lemapean. Gauzak horrela, atzo arratsaldean Barrena Jauregian egitaraua aurkeztu zuten.

Ekitaldi hori amaitu ostean guztiak plazan elkartu ziren Ordiziako Saskibaloi elkartea osatzen duten talde guztien aurkezpena egin baitzen. Ez hori bakarrik, izan ere, aurtengoan Delteco Gipuzkoa Basket taldeak ere Ordizian egin du bere taldearen aurkezpena. 

"Azken 50 urte hauetan 1.000 ordiziar inguru pasa dira Saskibaloi taldetik eta herri bezala Ordiziako saskibaloi taldeari zor dizkiogun bi ekarpen aldarrikatu nahiko nituzke batez ere. Alde batetik, gure herrian kirol aniztasunari atea zabaltzea. Duela 50 urte, guztiok dakizuelako zein zen kirolaren monokultiboa. Nik uste, esan genezakeela Ordiziako Saskibaloi taldea aitzindari izan zela ordiziarrei kirol eskaintza zabaltzerakoan. Horregatik, gaur egun, biztanleekiko proportzioan kirol ezberdinetan federatu gehien dituen Gipuzkoako herrian bilakatzeko lehen urrats hori zuek eman zenuten duela mende erdi. Bestetik, Ordiziako Saskibaloia aitzindaria izan zen emakumeei kirol eskaintza zabaltzen, eta lehen taldea 1977an sortu zen! Horrela uler liteke, gaur egun, gizonezko baino emakumezko fitxa gehiago dituen taldea izatea", azaldu zuen Adur Ezenarro, Ordiziako alkateak.

EGITARAUA 

Irailak 21:  Salto Bera Bera taldearen sensibilizazio ekitaldia. Ondoren partida jokatuko dute. Atsedenaldian 1970.urteko lehen taldeari omenalditxo bat egingo zaio

Urrriak 14tik 25era: Erakusketa Barrenan. Bertan argazkiak, arropak, materiala... jarriko dira ikusgai. 

Abenduak 28-29: Euskal Herriko Mini Txapelketa gizonezko eta emakumezko taldeen artean

Apirilak 3: Azatxo Topaketa. Aurtengoan esklerosis anitzaren aldekoa izango da.  

Apirilak 18: Beti Alai frontoian bailarako beteranoan txapelketa

Maiatzak 23: Majori Kiroldegian Gipuzkoa mailako final nagusiak jokatuko dira. Infantil cadete junior eta seniorrak, neska-mutilen kategorian.

Maiatzak 30: Saskibaloi Familiaren Bazkaria

Horrez gain, hitzaldiak, jokoak, entrenamendu bereziak ere egingo dituzte, baina oraindik zehaztu gabe daude ekitaldi horiek. 

Urtemuga ospatzeko bideo berezi bat ere egin du Saskibaloi taldeak. Hemen ikusgai: Ordizia Saskibaloi Taldea - 50 urte

DSC00672DSC00681DSC00679DSC00663DSC00701IMG 20190916 WA0011IMG 20190916 WA0012IMG 20190916 WA0014IMG 20190916 WA0015IMG 20190916 WA0016IMG 20190916 WA0017IMG 20190916 WA0018IMG 20190916 WA0019IMG 20190916 WA0020IMG 20190916 WA0021IMG 20190916 WA0025IMG 20190916 WA0027IMG 20190916 WA0028DSC00697IMG 20190916 WA0033

Lan eskaintza: hiru peoi, administraria eta hezitzailea

Ordizia. Hiri hezitzailea

Tokiko ekintzetarako Lanbidek ematen dituen diru laguntzak baliatuz hurrengo postuak eskaintzen ditu Ordiziako Udalak:

  • 6 hilabeterako hiru peoi postu, %100eko lan jardunaldian.
  • 6 hilabeterako administraría, Berdintasun Sailerako, %80ko lan jardunaldian.
  • 6 hilabeterako hiri hezitzailea, %60ko lan jardunaldian.

Izena emateko epea irailaren 16tik 30 egongo da zabalik eta Lanbideko bulegoan eman beharko da.

Kortaria nagusi Ordiziako Gazta lehiaketan

 

 

 

 

Gazta txapelketa. Kortaria. 2019

Donostiako Beti Jai Berria jatetxeak 9.000 euro ordaindu du gazta erdiagatik

“Bigarren txapela, ezin sinetsian”

Lekarozko Kortaria gaztandegiko Julen Arburuak irabazi du bigarren urtez jarraian Ordiziako Gazta txapelketa. Iazko moduan, aurtengoan ere otsailean egindako gazta aurkeztu du lehiaketara: gazta ketua eta orekatua. Bereziki hunkituta azaldu da nafarra: “iazkoa garaipena ezin genuen sinetsi, amets bat zen eta oraingo lehen saria are gutxiago. Izugarria da hau”. Alboan izan ditu Antonio Arburua eta Maddi Jimenez gurasoak, horiek ere ezin sinetsian.

Lehia estua izan da podiumeko postuetan. 8,28ko puntuazioa lortu du Kortariak. Bigarren saria Ordizian gelditu da; Joseba Insaustirentzako izan da, 8,2 punturekin. Ander Barandiaran idiazabaldarrak eskuratu du brontzea, 8.05ekoa lortuta. Hirurak izan dira 8ko puntuazioa gainditu dutenak. Orain arte inoiz ez zen txapela ematen, baina aurtengoan irabazleak hari urdinez bordatutako txapela janzteko aukera izan du.

Hemen argazki guztiak: Euskal Jaiak 2019

9.000 euroko gazta erdia

Txapelketan lehia bizia izan da eta ondoren hasi den enkantean ere bai. Beti Jai Berria jatetxeak eskuratu du gazta erdi irabazlea, 9.000 euroan. Pablo Soto, jatetxeko arduraduna: “sukaldari bezala, hemengo eta kalitatezko produktuak bultzatzea beharrezkoa da. Zer gutxiago, jakinda gure artzainei laguntzeko modu bat dela eta 9.000 euro horiek Ordiziako San Jose egoitzara bideratuko direla”.

Eguraldia lagun izan du aurtengo asteazken bereziak. Goizetik jendea kalera irten da Euskal Jaiak ospatzera. Gazta lehiaketak protagonismo handia eramaten badu ere, asteazkeneko azokak, fruitu eta barazki lehiaketa, perretxiko erakusketa, euskal oiloen lehiaketa eta Gipuzkoako Piriniar Arrazako Behi-Azienden lehiaketa ere izan dira Ordizian. Kalean jendearen joan etorria etengabekoa izan da, eta Goierriko produktu onenak bertatik bertara ikusi, erosi eta dastatzeko aukera izan dute feriara inguratu direnek. Asteazkeneroko azoka ere apain zegoen Plaza Nagusian.

Gazta txapelketa 2019

 

Berrikuntzak

Aurtengoan, hiru pantaila erraldoi jarri dira Beti Alai pilotalekuan bertan, Garagartza plazan eta Barrena jauregiaren inguruan. Hala, zuzenean emititu dira goiz osoko ekintza eta ekitaldiak, eta Arantxa Artza eta Imanol Aparicio kazetariek egin dituzte gidari lanak. Horrez gain, Amagoia Osinalde ordiziarrak zeinu hizkuntzan egin du azokaren eta lehiaketaren jarraipena eta hori ere pantailen bidez ikusi ahal izan da. Amaitzeko, aurtengoan, Pedro Katarain idiazabaldarri omenaldia egin zaio Garagartza plazan ganaduaren sariak banatu aurretik.

Arratsaldez pelota eta herri kirolak

Arratsaldean festak jarraitu egingo du. Profesionalen arteko eskuzko bi pilota partida jokatuko dira Beti-Alai pilotalekuan, eta 19:30ean, Joxemiel Barandiaran plazan, Herri Kiroletako erakustaldia egingo da: aizkolariak, harrijasotzaileak, trontza, txingak... eta erromeria ere ez da faltako Muxutruk taldearen laguntzarekin. 

 Pedro Katarain. Ganaduzaleak

Lehiaketak. Irabazleen zerrendak

ARTZAINEK LATXA  ETA KARRANTZA ARDI-ESNEZ EGINDAKO XLVI. GAZTA-LEHIAKETA

1. Saria. 1.750 euro – TXAPELA - KUTXAren garaikurra – 12.000 etiketa esaldi honekin: ORDIZIAKO TXAPELDUNA, ARTZAIAREN IZENA eta URTEA eta Diploma
SC Kortaria (Lekaroz, Nafarroa)

2. Saria. 850 euro Ordiziako Udalaren saria eta diploma.
Joseba Insausti (Ordizia, Gipuzkoa)

3. Saria. 500 euro Ordiziako Udalaren saria eta diploma
Ander Barandiaran (Idiazabal, Gipuzkoa)

4. Saria. 250 euro  eta  Diploma.
Ricardo Remiro (Eulate, Nafarroa)

5. Saria. 220 euro  eta Diploma
Mausitxa (Elgoibar, Gipuzkoa)

Aurten ere, finalera sailkatu diren 14 artzainei finalisten diploma bana eman zaie. Horrez gain, asteartean sukaldaritza lehiaketa egin zen Ordiziako plazan eta bertan Orkli enpresako ordezkariak izan ziren garaile, eta Goierriko Odolki Onenaren lehiaketa Beasaingo Olanorentzat izan zen, beste behin, eta horiek ere igo dira lortutako saria jasotzera taula gainera.

FRUITU ETA BARAZKI LEHIAKETA

FRUTAK

1.- Maddi Iradi,  Zabaloene baserria (Hernani)

2.- Hutsik

3.- Muno Baserria (Donostia)

BARAZKIAK

1.- Argiñe Rubio,  Txillarre (Elgoibar)

2.- Kontxi Zinkunegi, Muno baserria (Donostia)

3.- Hutsik

KANPOKOAK

1.- Alejandro Arrieta, Xemengain Baserria (Markina Xemein)

2.- Gorka Irazabal, Goreka Baserria (Mungia)

3.- Biortzatxu Baserria (Arrieta)

4.- Igor Lete, Iparragirreko Ortue  (Ispaster)

PERRETXIKUAK

Aipamen berezia: Maddi Iradi, Zabaloene Baserria (Hernani)

ASTEROKO AZOKAKO POSTU HOBERENEI AIPAMENAK

Patxi Izagirre, Montes etxea (Ibarra)

Patxi Arizmendi, Iturrioz Baserria. (Arama)

Edurne Jauregi, Irabiazpi Baserria. (Baliarrain)

Anttoni Murgiondo, Beko-Etxe (Gabiria)

 EUSKO OILOAREN LEHIAKETA

- Lehen Saria. Beltza

Antonio Alvarez (Benta - Gabiria)

- Lehen Saria. Gallina Gorria

Jon Urbieta (Laparre Baserria - Markina)

- Lehen Saria. Lepasoila

Jose Pablo Larrea (Aillalde Baserria – Oñati)

- Lehen Saria. Marraduna

Igor Garmendia (Bianda Etxe – Zaldibia)

- Lehen Saria. Zilarra

Mikel Albizuri (Abeletxe - Getaria)

______________________________________________

- Lehen Saria. Lotea

Mikel Albizuri (Abeletxe - Getaria)

- Bigarren saria. Lotea

Antonio Alvarez (Benta - Getaria)

- Lehen Saria Goierriko Loteari

Jesus Mari Lareki (Olano Etxeberria Baserria – Zaldibia)

GIPUZKOAKO PIRENAIKA TXAPELKETA

1º/ 12-18 hilabete bitarteko bigak

  1. 1. saria: Juan Jose Urteaga (Zokolo Berri Baserria, Zestoa)
  2. 2. saria: Prudentzio Urkia (Urbizu Berri baserria, Idiazabal)
  3. 3. saria: Aitor Arana (Urkimendi baserria, Arrasate)

2º/ 18-24 hilabete bitarteko bigak

  1. 1. saria: Garikoitz Nazabal (Izar Baserria, Zaldibia)
  2. 2. saria: Prudentzio Urkia (Urbizu Berri baserria, Idiazabal)
  3. 3. saria: Aitor Arana (Urkimendi baserria, Arrasate)

3º/ 2-3 urte bitarteko bigak

  1. 1. saria: Prudentzio Urkia (Urbizu Berri baserria, Idiazabal)
  2. 2. saria: Aitor Arana (Urkimendi baserria, Arrasate)
  3. 3. saria: Juan Jose Urteaga (Zokolo Berri Baserria, Zestoa)

4/ 3-5 urte bitarteko behiak

  1. 1. saria: Aitor Arana (Urkimendi baserria, Arrasate)
  2. 2. saria: Juan Jose Urteaga (Zokolo Berri Baserria, Zestoa)
  3. 3. saria: Julia Jorge Romero (Saloña)

5º/ 5-7 urte bitertako behiak

  1. 1. saria: Prudentzio Urkia (Urbizu Berri baserria, Idiazabal)
  2. 2. saria: Lourdes Urkia Arana (Zubeldi-Erdi Baserria, Abaltzisketa)
  3. 3. saria: Garikoitz Nazabal (Izar Baserria, Zaldibia)

 6º/ 7-9 urte bitarteko behiak

  1. 1. saria: Juan Jose Urteaga (Zokolo Berri Baserria, Zestoa)
  2. 2. saria: Lourdes Urkia Arana (Zubeldi-Erdi Baserria, Abaltzisketa)
  3. 3. saria: Iñaki Alkorta (Garagartza Gain, Azpeitia)

7º/ 9 urte baino gehiagoko behiak

  1. 1. saria: Juan Jose Urteaga (Zokolo Berri Baserria, Zestoa)
  2. 2. saria: Prudentzio Urkia (Urbizu Berri baserria, Idiazabal)
  3. 3. saria: Lourdes Urkia Arana (Zubeldi-Erdi Baserria, Abaltzisketa)

HAZITIK SORTUTAKO URRUTXA ONENA (ABEREKINGO SARIA)

Prudentzio Urkia (Urbizu Berri baserria, Idiazabal)

BURU DOTOREENA DUEN BEHIA (HEBEKO SARIA)

Juan Jose Urteaga (Zokolo Berri Baserria, Zestoa)