ZERBITZU OROKORREKO ETA LOREZAIN PEOI LANPOSTUETARAKO B FASEAREN EMAITZAK

Argitaratu dira dagoeneko probak gainditu dutenen zerrendak 

Abenduaren 18an eta 19an zerbitzu orokorreko peoi eta lorezain peoi lanpostuetarako eginiko proben behin behineko emaitzak ondorengo loturan sartuta, http://www.ordiziakoudala.com/eu/udala/lan-eskaintza , ikusi daitezke.

Erreklamazioak aurkezteko epea ABENDUAREN 28ra arte egongo da irekita. Erreklamaziorik egon ezean, zerrenda behin betikoa izango litzateke. Bestetik,  iragarki taulan argitaratuko da euskararen 1 hizkuntza eskakizuna egiaztatuta ez dutenentzat probaren data eta eguna  (proba ez da derrigorrezkoa)

UMEENTZAKO JOLAS TAILERRAK

ONAUdalako Euskara Zerbitzuak. Arrasateko Txatxilipurdi Haur eta Gazte Ekintzak elkarteen gidaritzapean, Euskara Biziberritzeko Plan Nagusiaren baitan dauden 2 jolas tailer antolatu ditu Gaztelekuan. Atzo ospatu zen lehen jarduna, eta gaurkoa izango da bigarrena eta azkena. Lehen hezkuntzako 1.,2.,3. eta 4. mailetako ikasleei daude zuzenduak

Helburu nagusiak jolastea eta birziklapena dira. Horien bidez, haurrek ohiko materialak beste modu batera ikusteko aukera dute gainera. Atzokoa jolas kooperatiboen tailerra izan zen, 17etatik 19era. Bertan zeuden bi arduradunek elkarrekin aritzeko, taldean egin beharreko jolasak planteatu zizkieten.Beraz, ez zen galtzailerik edo irabazlerik egon. Lehen hezkuntzako 1. eta 2. mailako 10 bat umek hartu zuten parte.

AUTOBUS GELTOKIEN ALDAKETA EGUBERRITAN

autobusGeldialdialdien aldaketa Eguberrietako Azoka Bereziaren ondorioz

Abenduaren  26an  Ordizian ospatuko den Eguberriko Azoka Berezia dela eta, aldaketa batzuk izango dira autobusen geldialdietan:

Beasain norabideko GOIERRIALDEAko  autobus  geltokiak (Tximista, Gudarien Etorbidea, Ordizia eta Urdaneta 40),  Joseba Rezolako geltokietan (Renfe, bomberia) , Otegi-Enea (ANEXO)ko geltokian eta Urdaneta 78 (Malkasko) ko geltokian  jarriko dira.

Ordizia kalean LA BURUNDESA, ALSA-CONTINENTAL eta PESAko  autobusak duten geltokia  EZ DA  EGINGO. Egun  hori osoan, 24 orduetan,  empresa  hauen bidaiarei autobusa Beasainen hartzea gomendatzen zaie. RENFEko geltokia, Donostiako norabidean, beti bezala egingo da. 

TOLOSALDEA autobuseko  geltokia Tximistako geltokian egingo da.

Aldaketa hau, behar den bezala adieraziko zaie   autobus hauen bidaiariei  kaleko iragarkiaren bidez.

MAJORIKO ZUZENDARI LANPOSTUAREN KONTRATAZIO PROZESUA MARTXAN JARRIKO DA

PRENTSAURREKO ONAErabakia Majoriko Administrazio Kontseiluan hartu zen asteazkenean

Igor Egunerek eta Eñaut Gereñuk prentsaurrekoa eskaini zuten atzo goizean kiroldegiko zuzendari lanpostuaren kontrataziorako prozesuaren nondik norakoak azaltzeko.

Igeriketa Lantzen enpresa hartzekodunen lehiaketan sartu zenetik, 2011ko uztailean, Udalak arazo askori egin behar izan dio aurre. Ordura arteko kudeaketa integrala alde batera uzteaz gain, urrian Eñaut Gereñu kontratatu zuen kiroldegiaren kontrol zuzena bermatuko zuen antolaketa eredu berri bat ezartzeko asmoarekin.