ERRUGBIKO SUPERKOPAKO FINALA IGANDEAN

2013-08-08 Superkopa taldeaPartida bukaeran herri bazkaria egingo da plazan, klubaren 40. urteurreneko ospakizunei hasiera emanez

Denboraldiari Espainiako Kopa irabaziz agur esan ondoren, 2013-2014 sasoiari ere final batekin emango dio hasiera Ampo Ordiziak, Espainiako Superkopako finala jokatuz.  Datorren igandean, iazko ligako txapeldun VRAC Quesos Entrepinaresek eta kopako txapeldun Ampo Ordiziak neurtuko dituzte Altamiran, 13:00ean hasita. Ordizia Rugby Elkartearen 40. urteurrena ospatzen hasteko modu bikaina izango da, baita ondoren Plaza Nagusian egingo den herri bazkaria ere.

IGANDEAN, JUBILATUEN BAZKARIA

Datorren igandean, hilak 8, Ordiziako jubilatu eta pentsiodunek egun handia dute.

Euskal Jaien barruan, urteko bazkaria egingo dute Beti-Alai pilotalekuan. 14:15ean elkartuko dira frontoian, eta bazkalondorenean dantzaldia izango dute orkestra batek girotuta.

BASERRITARREZ JANZTEKO DEIA

2013-09-11 Euskal jaiakAmets Bide taldeak euskal jantziei buruzko hitzaldi bat antolatu du hilaren 9rako

Amets Bide taldeak herritar guztiak animatu nahi ditu Euskal Jaietan baserritarrez janztera, eta horri lotuta, 7 ezberdintasunen jokoa erabiliz, 'Nolako Euskal Jaiak nahi dituzu?' galdera proposatu du. Argazki banarekin egin dute jokoa: batean, zazpi herritar ageri dira kalekoz jantzita, eta bestean, herritar berak baserritarrez jantzita. Herritarren artean zer pentsatua jartzeko ekimen bat da.

LARUNBATEAN, KUADRILLEN ARTEKO HERRI KIROLAK

2013-09-05 Herri kirolak emaneurre trontzaHirugarren urtez antolatu du txapelketa Emaneurre taldeak

Euskal Jaiei hasiera emanez, datorren larunbatean, hilak 7, Emaneurre taldeak antolatutako Kuadrilla arteko III. Herri Kirol Txapelketa jokatuko da Plaza Nagusian, 17:30ean. Hamalau kuadrilla ariko dira nor baino nor, eta finala 21:00ak aldera izango da. Orain hiru urte hasi zen Emaneurre Realaren lagunartea txapelketa antolatzen, Ordizian herri kirolen inguruan zegoen hutsunea bete asmoz.