Ohiko bilkura egingo da gaur

Ordizia. Batzar aretoa

Gaur, otsailak 6, Ohiko Osoko Bilkura egongo da arratsaldeko 19:00etan. Urtarrilean atzeratutako Plenoa izango da. 

Hemen gai ordena: 

  1. 2019ko abenduaren 19ko udalbatzarrak egindako batzarraren zirriborroa onartzea.
  2. 2019ko abenduko Alkatetzako dekretuen berri ematea.
  3. Talde Sozialistak aurkeztutako mozioa elikagaien xahutzearen aurkakoa.
  4. Udal harrera etxebizitzen araudian aldaketa proposamena.
  5. Diru-sarrerak bermatzeko eta Gizarte inklusiorako udal laguntzak emateko oinarrien aldaketa.
  6. Galde-erreguak.

Ostiralera arte egongo da zabalik Zaporeak-en erakusketa

Zaporeak. GKE. Erakusketa 1

Ostiralera bitartean irekita egongo da Zaporeak Gobernuz Kanpoko Erakundeak Barrena Jauregian jarri duen Duintasuna Elika Ezazu erakusketa. Greziako Lesbos uhartean errefuxiatuekin lan egiten dute, eta horien inguruko erakusketa jarri dute. Sarreran dago jarrita erakusketa, eta 09:00-13:00 eta 16:30 eta 20:00 tartean egongo da zabalik. Bestalde, ostiral honetan Tximista Sagardotegian bertso afaria egingo da eta eskuratzen den dirua Zaporeak-era bideratuko da. Emaneurre euskara elkarteak Udalarekin antolatu duen ekintza da. 

Hemen argazki batzuk:

Zaporeak. GKE. Erakusketa

Zaporeak. GKE. Erakusketa 2

Zaporeak. GKE. Erakusketa 5

Zaporeak. GKE. Erakusketa 3

Hizkuntza Eskolako matrikula epea zabalik dago

Hizkuntza Eskola

 

Otsailaren 19ra bitartean, 10:00etatik 13:00etara, Ordiziako Hizkuntza Eskola izena emateko epea zabalik egongo da. Interesa duenak  943 88 86 75 telefonora dei dezake, edo Barrena parkeko 1 zenbakira joan. 

Kimetzen kontzentrazioa, ostegun honetan

Emakumeen aurkako indarkeriari ez

 

Hilabeteko lehen ostegunetan Kimetz elkarteak kontzentrazioa deitzen du emakumeen aurkako indarkeria salatzeko. Hala, ostegun honetan, hilak 6, 20:00etan elkartuko dira plazan. Gonbita zabaldu die herritarrei ekitaldian parte hartzeko.