Ibilbide desberdinak antolatu dira, ordiziarren artean egiteko eta osasuna hobetzeko

Datorren irailaren 24an, osteguna, GOAZEN ORDIZIA programa jarriko da martxan.  Proposamen honek ordiziarrak ibiltzera bultzatu nahi ditu, osasuna eta interakzio soziala sustatzeko diseinatu diren bederatzi ibilbideetako bat edo batzuk ezagutaraziz.    Egutegian ostegunero ibilzeko ibilbideak ezarri dira, eta partaidetzaren araberako bi aukera egongo dira. Irteera 10:30ean izango da Plaza Nagusitik eta bukaera Zuhaizti Jubilatuen zentro sozialeko tabernan.  Ordiziako Udalak hainbat talde sozial eta erakunderekin batera antolatu duen lehenengo irteera-ziklo hau abenduaren 10ean amaituko da.

Osasuna hobetzea, aktiboago sentitzea, Ordizia eta bere inguruak ezagutzea, lagun berriak egitea edo beste pertsona batzuekin esperientzia partekatzea, horiek dira ekimen honen bitartez lortu nahi diren helburuak.  Ibiltzeak ez du ahalegin handia eskatzen, eta ohitura bezala hartzen bada, antolatzaileek dioten moduan osasunari mesede egiten dio: bihotza indartzen da, tentsio arteriala hobetzen da eta  azukre eta kolesterol mailak jaisten dira.  

Luzera askotako ibilbideak planifikatu dira.  Bederatzi ibilbidetik bost Ordiziako Herrigune Historikoan egingo dira.  Laburrena 577 metrokoa izango da eta luzeena 1,7 kilometrokoa.  Gainerako lauak honako hauek dira: Arama (7,45 km joan eta etorria), Ibares (4,27 km), Otatza-Bustuntza (2,22 km) eta Senpere-Goierri Eskola (3,69 km). 

Lurrikararen kaltetuei diru-laguntza bideratzeko bi kontu korronte ireki dira

Ordiziako udal korporazio osatzen duten hiru alderdietako (EH Bildu, EAJ eta PSE-EE) bozeramaileek, Pedro Garcia Ordiziako mendigoizaleak eta Goierrin bizi den nepaldar talde batek lurrikarak astindu duen herrialde hartara laguntza bideratzeko deia egin zuten atzo arratsaldean Barrenan. Diru premia ez ezik, laguntza humanitario eta morala ere beharrezkoa dela adierazi zuten. Sendagaiak eta elikagaiak dira lehen beharrak. Diru-laguntza bideratzeko bi kontu korronte ireki dira, bat Kutxabanken eta Laboral Kutxan bestea.

Bildutako dirua Nepalgo herrietan bizi diren biztanleei elikagaiak eta botikak banatzeko erabiliko da

Nepalen gertatutako lurrikara dela eta, Ordiziako eta Goierriko nepaldarrak diru bilketa bat egiten ari dira. Diru hori Nepalgo herrietan bizi diren biztanleei elikagaiak eta botikak banatzeko da. Nazioarteko diru laguntza hiriburuetara iristen denez, Goierriko nepaldarrek herrietan lan egiten duten erakundeekin harremanetan jartzen saiatzen ari dira dirua hara bidaltzeko. Datozen egunetan kontu korrente zenbaki bat irekiko da dirua bertan biltzeko. Gaur Ordiziako azokan jarri dira laguntza eske eta "harrera oso ona" jaso dutela azaldu dute parte-hartzaileek.

Datorren asteartean, hilak 21, izango da saioa, 18:00etan, eta Ordiziako zein inguruko herrietako familiek har dezakete parte

Hirukidek, Euskadiko Kide Ugariko Familien Federazioak, Ordiziako eta inguruko udalerrietako kide ugariko familiak gonbidatu nahi ditu datorren asteartean, hilak 21, Barrena kultur etxean egingo duen aurkezpenera. Saio horren helburua elkartea garatzen ari den lanaren berri ematea, dituen zerbitzuak eskaintzea eta familien beharrak ezagutzea da. Aurkezpena 18:00etan hasiko da, eta ordu eta erdi iraungo du.

AURKEZPEN KARTELA (PDF)