Image
Image

Gizarte Ongizatea

ELIKAGAIAK ETA GARBITZEKO GAIAK BILTZEKO KANPAINA

2014-12-02 saskiGaragunean eta Zuhaiztin hilaren 15a arte egingo da bilketa, eta ikastetxeetan Eguberrietako oporrak arte

Ordiziako Udaleko Gizarte Ongizate eta Kultura sailen ekimenez, eta 'Ordizia Hiri Hezitzailea' proiektuaren barruan, 'Saski solidarioa' ekimena egingo da aurten ere Ordizian. Elikagaiak, garbitzeko gaiak eta egoskari prestatuak biltzeko deia egin dute sustatzaileek (Zuhaizti zentroa, Garagunea, Cáritas, Oianguren institutua, Jakintza Ikastola, Urdaneta ikastetxea eta Udala). Herritarrek, Zuhaizti zentrora eta Garagunera (Urdaneta 76) eraman ditzakete gaiak hilaren 15a bitarte, eta ikastetxeetan Eguberrietako oporrak bitarte luzatuko da bilketa. Caritas arduratuko da elikagaiak jaso eta behar gehien duten herritarren artean banatzeaz.

Gizarte Ongizatea

ORDIZIAKO UDALAK GARAPENERAKO LANKIDETZA LAGUNTZAK BANATU DITU

2014-12-01 GKEUdalak 87.000 euro bideratu ditu zortzi proiektu babesteko

Joan den ostiral eguerdian udaletxeko pleno aretoan egin zen ekitaldi batean banatu zituen Ordiziako Udalak aurtengo ekitaldiari dagozkion garapenerako lankidetza laguntzak. Aurten, 87.152, 26 euro banatuko ditu gobernuz kanpoko zortzi erakunderen artean. Denera 14 proiektu aurkeztu dira aurkeztu dira aurten, eta kooperazio proiektuak garatzeko diru laguntzak emateko arautegiarekin bat eginez, zortzi proiektu babestea hobetsi du. Diru-emate ekitaldia Belen Maiza Gizarte Ongizate zinegotziak gidatu zuen, eta GKEeko ordezkariek esker oneko hitzak izan zituzten Ordiziako Udalarekiko.

Gizarte Ongizatea

‘BIZILAGUNAK’, BERTAKO ETA ATZERRIKO JATORRIKO PERTSONEN ARTEKO ELKARTZEAK SUSTATZEKO EKIMENA

2014-11-24 familiaSOS Arrazakeriak sustatuko ekimenak Goierriko 10 familia elkartu ditu

Atzo, azaroak 23, SOS Arrazakeria erakundeak sustatutako Bizilagunak ekimeneko bazkariak egin ziren Goierriko hainbat etxetan. Guztira bertako eta atzerriko jatorriko 10 familiak egin zuten bat ekimenarekin, eta baita dinamizazio lanetan aritu ziren laguntzaileak ere. Goierriko kasuan, Nikaragua, Pakistan, Nepal, Ekuador, Argentina, Ordizia, Beasain, Lazkao, Itsasondo eta Zaldibiako pertsonak elkartu ziren.

Gizarte Ongizatea

EL SALVADORREKO ETA EUSKAL HERRIKO EMAKUMEEN SEXU ETA UGALKETA ESKUBIDEAK AZTERGAI

2014-11-06 blbDatorren asteazkenean, hilak 12, mahai-inguru bat eta dokumental baten proiekzioa egingo dira Barrenan, 18:30ean hasita

El Salvadorreko emakumeen sexu eta ugalketa eskubideen inguruko mahai ingurua egingo da datorren asteazkenean, hilak 12, 18:30ean, Barrena Kultur Etxeko areto nagusian. El Salvadorreko emakumeen egoeraz eta azken urteetan eman diren kasu lazgarriez hitz egiteaz gain, solasaldian Gipuzkoa mailan ematen ari diren emakumeen ahalduntze, beraien eskubideen sustatze eta indarkeria prebenitzeko ekimenen inguruan azterketa egingo da, baita ere.

ORDIZIAKO UDALA

Udala 943 88 58 50

Udaltzaingoa 943 80 56 16

E-posta arretabulegoa@ordizia.eus

Kale Nagusia, 24 · 20240 Ordizia (Gipuzkoa)

KOMUNIKAZIOA

Tel 688 81 75 83

Tel 688 71 54 66

E-posta komunikazioa@ordizia.eus

Jarraitu gaitzazu sare sozialetan.

iconrssiconfacebookicontwittericonyoutubeiconinstagramiconflickr

OHAR LEGALA

Lege oharra

Pribatutasun politika

Cookie politika

logo ordizia footer

logo ordizia bizi herria

Image
Image
Image