UDALAK IRUZKIN BUZOIA ZABALDUKO DU 2019KO KONTUAK HERRITARREN EKARPENEKIN EGITEKO

Herritarrek lehentasunak adierazteko aukera izango dute postontzietan banatuko den orriaren bidez, udal web gunean edota udal kontseiluetan

Ordizia hobetzeko herritarren iritziak eta ekarpenak jasotzeko parte-hartze prozesua datorren astelehenean jarriko da martxan. Jose Miguel Santamaria alkateak, Ogasuneko eta Euskarako Josi Iturrioz zinegotziak eta Iñaki Dubreuil, Gizarte Ongizateko zinegotziak prozesuaren berri eman dute, 2019ko kontuetan ‘Denon Artean’ parte hartzera animatuz. Udal teknikariek jasotako ekarpenen azterketa teknikoa eta ekonomikoa egingo dute gero. Segidan, analisia herritarrei ezagutzera emango zaie eta denen artean erabakiko dira zein proiektu lehenetsi behar diren 2019ko kontuetan sartzeko.

Ostiral honetan hasiko da Ordiziako etxebizitzetan utziko den diptikoaren banaketa. Dokumentu xumea da, erraz bete daitekeena. Bete ondoren entregatu egin behar da, jasotzeko hainbat tokietan jarriko den kutxan sartuz. Kutxak Majori kiroldegian, Zuhaizti zentroan, Barrena kultur etxean, Arreta Bulegoan eta Udaltzaingoaren bulegoan jarriko dira urriaren 29tik azaroaren 12ra bitarte. Diptikoak puntu horietan ere eskura egongo dira. Galdeketa bera internet bidez bete ahalko da, www.ordizia.eus atarian jarriko den bannerrean sartuta.

BABES OFIZIALEKO ETXEBIZITZEN SALMENTA ORDIZIAN

ORDIZIA LANTZEN S.A., Ordiziako Udalaren sozietateak, Filipinak kaleko 38 eta 42an kokatutako babes ofizialeko 8 etxebizitza esleitzeko prozedura jarri du martxan. Etxebizitza hauek garaje eta trastelekuekin batera esleituko dira jabetza erregimenean. Eskaerak Udal Arreta bulegoan egin behar dira azaroaren 22rako, hau barne, honako ordutegian: astelehenetik ostiralera 8:00etatik 8:30era.

Pertsona fisikoen edo elkarbizitza unitateen betekizunak.

1.- Adinez nagusia edo emantzipatua izatea.

2.- Bizilekua: azken bi urteotan Euskal Autonomia Erkidegoko edozein udalerritan erroldatutako herritar orok hartu ahal izango du parte.

3.- Diru-sarrerak: 2017ko urtean, 9.000.-€ eta 39.000.-€ arteko diru-sarrera haztatuak, unitate bakoitzeko (Etxebizitza eta Gizarte Gaietarako Sailburuaren Agindua, 2011ko irailaren 14koa (EHAA 187, 2011ko irailak 30). Mugikortasun urri zein adimen desgaitasuna dutenek, 3.000 eurotako diru-sarrera minimoak frogatuta nahikoa izango dute. Genero indarkeriaren biktima izaera frogatzen duten emakumeek ez dute diru-sarrera minimoen betekizuna bete behar.

4.- Etxebizitzarik ez izatea jabetzan, azalera-eskubidean nahiz gozamen-eskubidean.

* Atxikita, baldintza plegua eta eskaera orria:

GAO iragarkia - BOG anuncio (pdf)

eskabidea_solicitud_ordizia_pdf

BOST LAN ESKAINTZA SEI HILABETERAKO

Tokiko ekintzetarako LANBIDEk ematen dituen diru laguntzak baliatuz sei hilabetetarako bost lanpostuko eskaintza du Ordiziako Udalak. Hala, hiru peoi, udal behatzailea eta Ordizia Hiri Hezitzailea (OHH) proiekturako koordinatzailea hartuko dira. Derrigorrezkoa da Goierrin erroldatuta egotea.

Peoiek mantenu lanak egingo dituzte egun osoko lanaldian. Hiri Hezitzaileko dinamizatzaileak eta behatzaileak %60ko lanaldian ariko dira. OHH programa martxan dago eta teknikoak gaur egungo zereginak izango ditu proiektuak aurrera jarrai dezan.

Behatzailearen eskaintza berria da. Izan ere, Udal behatokia martxan jarriko da udalerriko datuak jasotzeko. Ordiziako herritarren aniztasuna aintzat hartuta, datu demografiko zein sozialak jaso behar dira, herriko errealitatea identifikatuta hartu beharreko estrategia egokiak ondorioztatzeko. Hautatua den pertsonak udal behatokiaren proiektua zuzendu eta koordinatuko du.

Izena emateko epea zabalik dago urriaren 22ra bitarte, LANBIDEko bulegoan edo LANBIDEKO web orrian:

http://apps.lanbide.euskadi.net/apps/of_menu?idioma=C

OSOKO BILKURA, AZTEAZKENEAN URRIAREN 10EAN

Udal batzar aretoan 19:00etan hasiko da honako gai-zerrenda lantzeko:

1.- 2018ko uztailaren 19n udalbatzarrak egindako ohiko batzarraren zirriborroa onartzea.

2.- 2018ko uztailaren 30ean udalbatzarrak egindako aparteko batzarraren zirriborroa onartzea.

3.- Alkatetzako ekaina, uztaila eta abuztuko dekretuen berri ematea.

4.- Kontu-hartzaileak iraileko Kontratuei dagokien ingeren berri ematea.

5.- AGIJUPENS-en adierazpena, persona nagusien bira dela-ta, Gipuzkoan eta Ordizian.

6.- Ordiziako Alderdi Sozialistak aurkeztutako mozioa Alzheimerraren nazioarteko egunaren ospakizunari buruzkoa.

7.- Udal langileen soldataren igoera 2018rako.

8.- 2019ko Ordenantza Fiskalen onarpena.

9.-  SASIETAko Mankomunitateko Estatutuen Aldaketa.

10.- 2019rako autotaxien tarifak onartzea.

11.- “GARBIGUNE” 32 HIE-ren HJParen behin betiko onarpena.

12.- Zuberoa kalean dauden aparkalekuen administrazio-emakidaren esleipenerako baldintzen agiria.

13.- Galde-erreguak.